Te fundit
Vizita e Kurtit në Maqedoni të Veriut ndezi nacionalizmin maqedon kunder shqiptareve
13 Gusht 2023, 17:30Rajoni
Arta Avdiu
Që më shumë se 30 vite, shqiptarët në Kosovë dhe ata në Maqedoni të Veriut janë përcaktuar të jetojnë ndaras. Pavarësisht nëse një vendim i tillë ishte vullnetar apo i imponuar nga rrethanat, prej viteve 90-ta dy shoqëritë janë zhvilluar ndaras, paralelisht, shpesh si dy ishuj tërësisht të veçantë. Kemi dy shtete të ndryshme, shumë universitete të ndara, disa televizione. Natyrisht, varfërinë, ikjen, korrupsionin i kemi të përbashkëta. Dhe kështu do të mbesë, përkundër vizitës krejtësisht të çuditshme të Albin Kurtit javë që po ikën.
Kurti shkoi në Çair e Tetovë dhe me shpejtësi u kthye nga atje. Pak orë vizitë, disa fjalime, shumë dalldisje mes muzikës patriotike, himnit kombëtar dhe emocionit disi të shtisur të vëllazërisë së përjetshme. Por shija e hidhur dhe, me shumë gjasë, ndjenja e turpërimit te shumica maqedonase kanë mbetur edhe pas vizitës së Kurtit.
Në fakt, takimi në Çair e Tetovë i ka bashkuar radhet maqedone, pasi kundër vizitës së Kurtit reaguan që nga presidenti liberal Pendarovski, Qeveria e Maqedonisë së Veriut, LSDM-ja e deri te partitë maqedone me ngjyrime nacionaliste e organizata ekstremiste si Diaspora e Bashkuar Maqedone. Pra Kurti e hegjemonizoi politikën e shoqërinë maqedone në kundërshtimin ndaj tij e partive opozitare shqiptare.
Albin Kurti / Presidenti i Maqedonisë për tubimin ku mori pjesë Kurti: Organizatorët duhet të sanksionohen
Vizita e Kurtit ka rrezik të ngjallë nacionalizmin e fjetur, duke e kthyer potencialisht sërish klimën e urrejtjes, mosdurimit e polarizimit të shoqërisë multi-etnike të Maqedonisë së Veriut, një e kaluar që dukej tashmë e lënë prapa. Kur nxehen gjakrat e ashpërësohet gjuha nacionaliste, të parët që zhduken nga skena janë politikanët e moderuar, të cilët e kërkojnë konsensusin e kompromisin ndëretnik.
Prandaj gjykoj se vizita ishte e gabuar, sepse të gabuara ishin edhe mënyra, edhe arsyet, edhe momenti i sorollatjes disa-orëshe të Kurtit në Maqedoninë e Veriut. Para së gjithash, vizita na tregoi edhe një herë mungesën e përgjegjësisë prej lideri të Kurtit, ngase e trazoi panevojshëm marrëdhënien me Maqedoninë e Veriut, një vend miqësor me Kosovën. Duket se Kurti nuk arrin të kuptojë se më nuk është politikan i një partie opozitare, por udhëheqës i një shteti të pavarur, i cili duhet të kontribuojë për stabilitet e paqe rajonale.
Gjatë tërë jetës së tij politike, Kurti është kujdesur të ndërtojë simbolika, të dërgojë mesazhe, të krijojë narrativë. Edhe vizita në Tetovë e Çair – dyshoj që shumica e kosovarëve të kenë dëgjuar më parë për këtë emër me katër shkronja – ishte pjesë e performancën politike të Kurtit. Me vizitën e tij joformale, Kurti synoi të arrijë dy objektiva, që më shumë janë dy kumte, një për konsum të brendshëm në Kosovë dhe, një tjetër, që i kushtohet elektoratit shqiptar në Maqedoni të Veriut.
E para, Kurti e shpërfaqi rreshtimin e tij në krah të opozitës shqiptare e kundër Ali Ahmetit dhe BDI-së. Nga një pikëpamje etatiste, ky veprim i Kurtit është përzierje në politikën e brendshme të Maqedonisë së Veriut dhe është cenim i sovranitetit të një shtetit të pavarur. Pra është gabim, i dënueshëm, i denoncueshëm. Në këtë pikë, reagimi i Pendarovskit dhe Qeverisë së Maqedonisë është tërësisht logjikë, i duhur dhe i mirëkuptueshëm.
Sigurisht, ka edhe një mesazh të dytë, madje kryesori, që lidhet me Kosovën. Duke qenë idhull i nacionalistëve në Kosovë, përmes vizitës në Tetovë, Kurti dëshiroi të mirëmbajë elektoratin e shqiptaromadhëve. Kurti tentoi të ruajë simpatinë e njerëzve që Maqedonisë së Veriut i referohen paturpësisht si Iliridë, një term që mohon ekzistencën e shtetit maqedon. Në këtë kontekst, sheshi i mbushur me shumë flamuj kuq e zi, me një hartë në mes që simbolizonte Shqipërinë Etnike, përcjellur nga muzika folklorike, janë pjesë e ikonografisë nacionaliste që nuk lë vend për një shoqëri multietnike. Nënteksti është i qartë: Ilirida ka qenë dhe do të jetë gjithmonë shqiptare.
Kjo qasje e Kurtit është paternaliste, pasi e kthen faktorin shqiptar në Maqedoni të Veriut në mjet për shfrytëzim, në hamall që kryen detyra. Pra nga një subjekt me të drejta, që flet e vepron, në një objekt që pranon urdhra, që i nënshtrohet pushtetit absolut të timonierit nga Kosova. Opozita shqiptare në Maqedoninë e Veriut duhet ta kuptojë që në planin e Kurtit ata janë veç gurë shahu, që kryejnë role të paracaktuara. Porsa të përformojnë rolin e paracaktuar nga mendja e Kurtit, ata do të bëhen të parëndësishëm për master planin e Kurtit.
Sa për ilustrim, nga njeri i afërt i Kurtit e ministër i Jashtëm në Qeverinë e parë të Kurtit, tash Blerim Reka është “syrgjynosur” në konsullatën e Kosovës në Nju Jork. Dikur kryediplomat i Kosovës, tani Reka lëshon dokumente dhe kurorëzon çifte të reja në konsullatën kosovare që sigurisht frekuentohet pak. Fati i njëjtë, pra i harresës, i lënies pas dore, i përjashtimit, do t’i ngjajë edhe opozitës, nëse e vazhdon flirtimin me Kurtin.
Andaj, opozita është para një dileme hamletiane: a do ta “luftojë” Ali Ahmetin me forcat e saj apo do të shndërrohet në një hamall i Kurtit? Sa më parë që opozita vendosë, aq më mirë për shqiptarët e Maqedonisë së Veriut. Është gabim që shqiptarët të jetojnë në Maqedoni të Veriut e të ëndërrojnë Shqipërinë e Madhe. Sigurisht, ëndrrat janë pa para, por jeta është e shkurtër për t’u humbur në ëndrra.
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
"Vizita e Kurtit në Maqedoni të Veriut ndezi nacionalizmin maqedon kunder shqiptareve" Kjo ishte dëshira e Vuçiqit që Kurti ti armiqsojë shqiptarët me gjithë botën.
Kush ma thotë ky tipi osht budall apo bo vetë.....
Kurti eshte nje LOQE i lindur.Kerkon te behet protagonist si Rama dhe e genjen mendja te shkretin. Eshte komplet i mbaruar dhe kerkon te beje pelivanlleqe te tilla per te treguar qe eshte udheheqes largpames.Nje idiot,delirat nje fshatar i trashe qe edhe shqipen e flet si nje analfabet i rritur neper shpellat me te humbura te malsise se Kosoves atje ku ka krijuar dhe llumin e Vetvendosjes.
Kurti abuzon duke luajtur me Ndjenjat Kombetare te Shqiptareve dhe kjo eshte nji Loje e tij e Shemtuar qe pasi i doli boja ne Kosove mbasi erdhi ne Pushtet dhe tregoj surratin e tij te vertete se sa Athdetare ishte ,duke i palluar edhe me Esadistet e pillit te Lalzit [ dy Putanat Serbo Greke saleh metaj ] tani po luan Karten e Atdhetarit edhe ne Komanove. A thu te jen kaq naive shqiptaret e Kumanoves e lejojne ti talli nji si Kurti ?!
Ne Maqedoni ka filluar carja midis Shqiptareve, Kurti shkoi ta thelloje armiqesine mes Shqiptareve te Maqedonise. Veprimet e tij jane shume te uleta, opozita e Kosoves po tregohet shume e dobet, duhet ti kerkoje llogari pse shkon takon njerez pa axhende, ca Zv. Ministra, Kryetar Komune. Nuk eshte turp qe nje Kryeminister pritet ne nje shtet tjeter nga rojet e doganes, dhe ca fshatare tifoze?Imagjino ku e ka cuar dinjitetin e Kosoves ky fodull.
Nacionalizmi maqedon, ose me sakte antishqiptarizmi maqedonas ka qene i instaluar me kohe ne Maqedoni. Pa dyshim qe atyre nuk u pelqen zgjimi dhe zhvillimi i shqiptareve. Per ta eshte me mire kjo gjendje letargjie qe e ka futur politika e deritanishme e partise shqiptare ne qeverisje se sa modeli me duar te pastra i Kurtit.
I vetmi politikan shqiptar, kur Rama u lepihet serbeve bashk me gazeten tuaj qe sponsorizohet nga serbia
Po e tregon nga dita ne dite se sa i takon politikes se jashtme Kurti eshte zero.Ju nuk doni te krahasohet me Ramen,por edhe ai pat vajtur ne Maqedoni ,takoi shumicen e spektrit shqiptar,me duket vetem nje parti,qe nuk bashkepunon me shqiptaret,dhe pas atij takimi ,ku vetem Berisha e anatemoi ,shqiptaret u bene shume te forte,por askush nuk e kritikoi Ramen se nuk nderhyri ne politiken maqedone.
qe ky ka per ta ngrene te semes ,kjo dihet se po i kruhet bytha me gjethe fiku si thote nje shprehje e vjeter ,por pse nuk po e kupton qe po e tepron ,sepse nuk eshte as lider i shqiperis ,as nje diplomat i mirfillt por eshte vetem nje palaco burre qe do ti fus hundet gjithe andej pa e ditur se cfare po bene ,prandaj sa me pare ta ndalojne aq me mir eshte.
Po nuk eshte naiv kurt kari. Eshte i lig dhe i shitur tek serbet
Gjith kriminelat dhe antishqipetaret kunder Albin Kurtit.Pse mos po pritni duartrokitje nga kombi i krijuar nga tito dhe antishqiptarizmi,mos u mashtroni maqedonet jane te paret ne ish jugosllavi me eksperimente dhe politiek te eger antishqiptare,te njetit jane,jo nuk kane ndryshu....