Te fundit
Zelensky: Koreja e Veriut po dërgon ushtarë dhe armë në Rusi
14 Tetor 2024, 14:44Bota
TEMA
Presidenti ukrainas, Volodymyr Zelensky, pretendoi se Koreja e Veriut ka dërguar ushtarë dhe armë në Rusi për të mbështetur luftën e Moskës në Ukrainë.
Mediat ukrainase së fundi kanë raportuar se gjashtë pjesëtarë të personelit ushtarak të Koresë së Veriut u vranë në një sulm ajror ukrainas në rajonin ukrainas të Donjeckut – të pushtuar nga Rusia – më 3 tetor.
Raportimet e mediave ukrainase nuk kanë mundur të verifikohen në mënyrë të pavarur, por gjatë adresimit të tij në orët e vona të 13 tetorit, Zelensky për herë të parë përsëriti këtë pretendim.
“Kjo më nuk është çështje vetëm e transferimit të armëve. Tashmë ka të bëjë me transferimin e njerëzve nga Koreja e Veriut për te forcat e ushtrisë okupuese”, tha ai.
Zelensky nuk ofroi dëshmi për të mbështetur këtë pretendim, por spekulimi mbi rolin e Koresë së Veriut në konflikt është rritur në mesin e shenjave se Moska po forcon lidhjet me shtetet sikurse Koreja e Veriut dhe Irani, pas pothuajse 32 muajsh që kur Rusia nisi pushtimin në shkallë të plotë të Ukrainës.
Instituti për Studim të Luftës, me seli në Uashington, së fundi ka raportuar se qindra trupa të Koresë së Veriut kanë arritur në Rusi dhe po përgatiten që të dislokohen në Ukrainë.
Koreja e Veriut raportohet se i ka ofruar Moskës armë dhe municion, që Rusia i përdor kundër Ukrainës.
Shërbimi i inteligjencës së Koresë së Jugut ka pretenduar se Pheniani e ka furnizuar Moskën me municione të artilerisë dhe raketa me rreze të shkurtër veprimi. Kremlini ka hedhur poshtë këto pretendime, por nuk ka komentuar lidhur me deklaratën e Zelenskyt.
Zelensky tha se dislokimi vë në pah nevojën e Ukrainës për “më shumë mbështetje” nga partnerët e saj perëndimorë për të “rritur presionin ndaj Rusisë” dhe për të parandaluar “një luftë më të madhe”.
Presidenti ukrainas javën e kaluar vizitoi Britaninë, Gjermaninë, Francën dhe Italinë dhe u kërkoi partnerëve të Kievit që të vazhdojnë mbështetjen ushtarake për Kievin.
Situata në Ukrainë dhe Lindjen e Mesme pritet të jetë në krye të agjendës gjatë takimit mes presidentit amerikan, Joe Biden, dhe udhëheqësit gjerman, Olaf Scholz, gjatë vizitës në Berlin më vonë gjatë javës.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tavarish gjysem sifut, po NATO dhe Amerika cfare bejne ne Ukarine qe ka ikur per lesh. Ty po te ndihmojne 55 shtete perfshi edhe Shqiperine bashke me NATO-n me miliarda e miliarda dollar dhe euro armatimedhe personel ushtarak, kane vene ne perdorim me dhjetra satelite etj etj u be qameti dhe po ankohesh qe Rusine e ndihmojne pabuksat e Korese se veriut, turp per ty qe nuk ke turp dhe e grive popullin tend, Amerikes dhe NATO-s.
Ky pretendim i Zhele- skiut eshte mashtrim ,Pra lajm i rreme ,qe synon dy qellime:-1- sc Edhe koreja e Veriut ,Iranit,kina furnizojne Rusine ,Edhe Ju perendimoret,aleatet duhet te vazhdoni te na furnizoni.Rusia Edhe Pak dhe merr fund ,prandaj " mbahu muco me gajret te gezosh fitoren".-2 - Po Vine koreanoveriore ne ukraines,prandaj futuni me trupat tuaja sa me shpejti ,o perendimoret.Pra ,eshte nxitjen per tu futur trupat e NATO- ne luftime direkte,Jo vetem me furnizime.