Lija e majmunit: Si transmetohet tek njerëzit, çfarë shenjash shfaqen dhe sa zgjasin simptomat

22 Maj 2022, 10:16Shëndeti TEMA

Lija e majmunit: Si transmetohet tek njerëzit, çfarë shenjash

Teksa OBSH ka paralajmëruar rritje të rasteve me lijën e majmunëve, Instituti i Shëndetësisë në Kosovë ka shpjeguar si transmetohet tek njerëzit, shenjat klinike të virusit dhe sa zgjasin simptomat. Lija e majmunëve shkaktohet nga virusi i lisë së majmunëve, anëtar i gjinisë Orthopoxvirus në familjen Poxviridae. Lija e majmunëve është sëmundje zoonotike virale që shfaqet kryesisht në zonat tropikale të pyjeve të Afrikës Qendrore dhe Perëndimore dhe herë pas here eksportohet në rajone të tjera.

Shfaqet klinikisht me ethe, skuqje dhe ënjtje të nyjeve limfatike dhe mund të çojë në sërë komplikimesh mjekësore ndërsa simptomat që zgjasin nga 2 deri në 4 javë. Mund të ndodhin raste të rënda. Kohët e fundit, raporti i fatalitetit të rasteve ka qenë rreth 3-6%. Lija e majmunit transmetohet te njerëzit nëpërmjet kontaktit të ngushtë me person ose kafshë të infektuar, ose me material të kontaminuar me virusin. Virusi transmetohet nga një person te tjetri nëpërmjet kontaktit të ngushtë me lezione, lëngje trupore, pika të frymëmarrjes dhe materiale të kontaminuara si shtrati.

Paraqitja klinike e lisë së majmunëve i ngjan asaj të lisë, një infeksion i lidhur me ortopoksvirusin i cili u shpall i çrrënjosur në mbarë botën në vitin 1980. Lija e majmunëve është më pak ngjitëse se lija dhe shkakton sëmundje më pak të rënda.

Vaksinat e përdorura gjatë programit të çrrënjosjes së lisë ofruan gjithashtu mbrojtje kundër lisë së majmunëve. Janë zhvilluar vaksina më të reja nga të cilat njëra është miratuar për parandalimin e lisë së majmunëve. Një agjent antiviral i zhvilluar për trajtimin e lisë është licencuar gjithashtu për trajtimin e lisë së majmunëve.

1 Komente

  1. p
    pjeter

    Me sa di une,ne Shqiperi deri ne fund te viteve 80,ka vazhdu ato vaksinime.Te gjithe ata qe kane dy shenja si te djegura,njeren ne sup e tjetren ne parakrah,ne mos gaboj njera eshte kunder lise,apo "variola virus"si quajne ndryshe.

    Lini një Përgjigje