Pandemia, Manastirliu: Marrëveshje me Pfizer për vaksinat e adaptuara për variantet e reja

26 Tetor 2022, 13:36Shëndeti TEMA

Pandemia, Manastirliu: Marrëveshje me Pfizer për vaksinat e adaptuara

Ministrja e Shëndetësisë, Ogerta Manastirliu deklaroi pas mbledhjes së qeverisë se vendi ynë ka siguruar 700 000 doza vaksinash Pfizer, që janë të adaptuara për variantet e reja të Covid-19.


“Ende ka raste infektimi dhe ne kemi siguruar furnizimin në vazhdim me vaksina anticovid. Kemi një marrëveshje me kompaninë Pfizer për të siguruar që dozat e parablera, që janë rreth 700 000, do të jenë vaksina të adaptuara për variantet e reja të koronavirusit”, tha ministrja.

Manastirliu theksoi edhe se qeveria ka vendosur që me buxhetin e vitit 2023 të mbështesë gratë me 3 apo më shumë fëmijë, ku njëri prej fëmijëve është deri në moshën 5 vjeç dhe të ardhurat familjare mujore nuk kalojnë 100 000 lekë.


“Është një mbështetje financiare në kuadër të një politike të qëndrueshme për nënat e papuna që kujdesen për fëmijët”, tha Ogerta Manastirliu.

1 Komente

  1. p
    pirro

    mANASTIRLIU, MJAFT U JUSTIFIKOVE ME covid-19. Pandemia ka mbaruar. Shiko korrupsionin dhe mitmarrjen ne Spitalet publike. Je duke i kthyer Spitalet publike ne SPITALE PRIVATE. TURP. ATY DUHET BERE REFORMA.

    Lini një Përgjigje