Te fundit
Vaksina e re kundër COVID, KE dritë të gjelbër variantit të prodhuar nga “Pfizer”
1 Shtator 2023, 22:25Shëndeti
TEMA
Komisioni Evropian i ka dhënë dritën e gjelbër variantit të ri të vaksinës anti-COVID, të prodhuar nga kompanitë partnere “Pfizer” dhe “BioNTech”.
Varianti “Comirnaty” është përshtatja e tretë e vaksinës së kompanive që synon t’u përgjigjet varianteve të reja të virusit si ai “XBB 1.5”.
Në linjë me rekomandimet e mëparshme të Agjencisë Evropiane të Medikamenteve, vaksina në fjalë do të funksionojë me një dozë të vetme, pavarësisht vaksinimit të mëparshëm të personit.
Drita e gjelbër nga Komisioni vjen teksa autoritetet shëndetësore evropiane po bëhen gati për një valë të re të sëmundjes që pritet të vijë në muajt e ardhshëm.
“Pfizer” dhe “BioNTech” kanë aplikuar gjithashtu pranë Administratës amerikane për Ushqimin dhe Medikamentet, për të marrë aprovimin e përdorimit të vaksinës edhe në Shtetet e Bashkuara.
Sipas një komunikate të përbashkët për shtyp të dy kompanive, përgjigjja nga Uashingtoni zyrtar pritet të vijë në ditët e ardhshme.
Edhe kompanitë e tjera si “Moderna” apo “Novavax” kanë krijuar variante të reja të vaksinave, që do të luftojnë nënvariantin “XBB 1.5” të virusit.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Moti si kam lexuar fjalet drite e gjelber ne shkrimet shqip. Dhashte Zoti qe tash e mbas te vazhdoj keshtu. E sa per vakcina te reja per Covid, ato jan thjesht bore e parvjetit.
Lat nam duke çpuar njerzit. .