Te fundit
Jep dorëheqjen drejtorja e AKU: Ka qenë nder të shërbej në këtë detyrë
27 Tetor 2023, 20:50Sociale
TEMA
Drejtorja e AKU-së, Jeta Deda ka dhënë dorëheqjen nga posti i saj në këtë institucion. Nuk dihen arsyet se përse ajo e ka marrë këtë vendim por me anë të një statusi në Facebook ajo ka konfirmuar lajmin, ndërsa ka falënderuar të gjithë bashkëpunëtorët dhe kolegët e saj.
Jeta Deda ka thënë gjithashtu se tashmë po bëhet gati për angazhime të reja, por nuk ka zbuluar më shumë detaje.
Postimi i plotë i ish-drejtores së AKU-së
Prej sot mbyll një kapitull të bukur të jetës time profesionale, duke u tërhequr nga detyra si Drejtore e Përgjithshme e Autoritetit Kombëtar të Ushqimit dhe duke ndjekur një orientim tjetër profesional.
Ndahem nga një ekip, të cilin e falënderoj për çdo punë të mirë të kryer së bashku.
Shpreh mirënjohjen e thellë ndaj Kryeministrit e Këshillit të Ministrave për besimin e dhënë dhe ish-Ministres Krifca dhe Ministres aktuale Denaj, me të cilat arrita të bashkëpunoj gjatë kësaj udhe.
Po ashtu, mirënjohëse ndaj stafit të Autoritetit Kombëtar të Ushqimit për mundësinë e shërbimit në këtë detyrë, pasi mbështetja juaj e pakufi dhe bashkëpunimi kanë qenë kryefjala në gjithë rezultatet e arritura së bashku në lëmin e sigurisë ushqimore.
Një falenderim i veçantë i takon ekspertëve shumëvjeçarë në Ministrinë e Bujqësisë dhe Zhvillimit Rural dhe në Autoritetin Kombëtar të Ushqimit. Dedikimi dhe puna e tyre janë rregullatorët e sistemit dhe standardeve që duam të vendosim, në rrugëtimin drejt integrimit europian e kryesisht në shërbim të atdheut.
Nuk kam dyshim se kjo skuadër do të shkëlqejë me këdo menaxher që iu bashkohet.
Teksa bëhem gati për angazhime të reja, e shikoj kohën si Drejtore e Përgjithshme e AKU-së me mirënjohje të thellë për përvojën e marrë, dijet e përftuara dhe marrëdhëniet e mira të ngritura.
Falenderime për mbështetjen dhe besimin gjatë këtij rrugëtimi! Ka qenë nder të shërbej në këtë detyrë.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Qe kur paska filluar te quhet nder gojorja ketu ne Shqiperi?!
C’gojore ore qen? AKU eshte kapur nga nje mafje e shpifur e mbushur me inspektora e operative qe kane vila e pasuri kudo. Ktu duhet te ngjallet Skenderbeu e tja presi kokat ktyre horrave qe vec vjedhin e gjobisinpopullin e thjesht. Nga emrat qe qarkullojn me e zevendesu jan te tere kriminela dhe hajduta.
Uauuuuu,po pse cfare bere moj ? Qe kur keshtu ,te punosh per te helmuar popullin tend ,qenka nder? Institucion fatalist, qoke e patronazhisteve te devotshem, si cdo institucion tjeter shteteror.Me siguri do shkosh me nrgritje diku tjeter se e kreve me sukses "stazhin e Partise".
Ajo vec mund te frenonte ardhjen e kriminelave qe do vijn ne ate institucion te vjedhin pa hesap. Populli dhe fermeri Shqiptar eshte i pari qe po helmon popullin me vetdashje dhe keqdashje.