Te fundit
Kastrati Group sjell në Shqipëri konglomeratin ndërkombëtar Lagardère, marrëveshja e arritur sot bekohet nga Presidenti Macron
17 Tetor 2023, 16:55Ekonomia
TEMA
Kastrati grup, ka nënshkruar sot në ambientet e aeroportit "Nënë Tereza”, në Tiranë një marrëveshje të rëndësishme me konglomeratin e mirënjohur francez Lagardère, duke u angazhuar në përpjekje të përbashkëta për zgjerim të mëtejshëm të aktivitetit të dyqaneve duty-free, në të gjithë Shqipërinë.
Marrëveshja u nënshkrua nga presidenti i grupit Kastrati, Z. Shefqet Kastrati dhe Znj. Catherine Guyomard, Kryetare e Komitetit Ekzekutiv të Lagardère travel retail ( departamenti i shitjes me pakicë në Lagardère). Në ceremoninë e nënshkrimit të marrëveshjes ishin të pranishëm Presidenti i Republikës së Francës Sh.T.Z. Emanuel Macron dhe Kryeministri i Shqipërisë SH.T.Z. Edi Rama.
Ky bashkëpunim vjen në kuadër të rritjes së jashtëzakonshme të numrit të turistëve që vizitojnë vendin tonë. Vetëm sezoni i verës ka qenë një sezon befasues, i cili solli dyfishim të të ardhurave nga turizmi në ekonomi, si dhe rritje të numrit të turistëve që kanë vizituar Shqipërinë, krahasuar me një vit më parë. Marrëveshja e nënshkruar mes Kastrati grup dhe kompanisë Lagardère Travel retail konsiston në zgjerimin e aktivitetit dhe shtrirjes së shërbimit duty-free në të gjitha pikat kufitare dhe qendrat kryesore turistike në Shqipëri.
Këto dy grupe angazhohen që krahas zgjerimit të rrisin ndjeshëm cilësinë e shërbimit, si dhe shumëllojshmërinë e produkteve. Grupi Kastrati u themelua në vitin 1991 dhe sot zhvillon aktivitetin e tij në të gjithë rajonin e Ballkanit duke punësuar mbi 4000 punonjës.
Grupi Kastrati, i njohur kryesisht për tregtimin me shumicë dhe pakicë të hidrokarbureve, zhvillon një aktivitet të rëndësishëm në fusha si: sigurime, ndërtim, infrastrukturë, turizëm, industri automjetesh etj. Lagardere është një grup ndërkombëtar, me qendër në Francë, i cili operon në fushën e botimeve dhe shpërndarjes së tyre, atë të dyqaneve duty- free me mbi 270 dyqane në Francë, Mbretërinë e Bashkuar, Irelandë, Spanjë, Holandë, Amerikën e Veriut etj.
Gama e aktiviteteve të grupit përfshin edhe prezencën në media të rëndësishme franceze si: Paris Match, Le Journal du Dimanche, Europe 1, Europe 2, RFM etc.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vetem dyqane, dyqane, dyqane ,tani te gjitha keto marifete te sofistikuara per ta marre Euron dhe per ta cuar rishtaz ne BE andej nga vjen dhe pa e levizur xhep me xhep ne ekonomine tone te ngordhur, me ndonje shitese qe do te lyeje buzet dhe do te kujdeset per thonjte ne pritje te ndonje klienti , Ne Parim Nuk Jam Kunder Dyqaneve me standarte , por ne nje vend qe s prodhon asgje , vec speca dhe domate, eshte e padrejte qe te mos kete aktivitete te tjera prodhuese , Jane keto lloj investimesh jane te rendesishme per ekonomine e vendit ato qe gjenerojne VLERE dhe EKONOMI reale me ane te prodhimit, Jo ato qe punesojne dy shitese dhe dy shofere aq me teper qe qenkan edhe DUTY FREE , keto gjetje qe e perseris nuk prodhojne asgje thjesht marin lekun dhe Madje e vjedhin deri diku duke vendosur cmime si i duan pa konkurence ose me monopole te heshtura qe mbrohen nga shteti keto jane thjesht hile qe i perfitojne nje grupi te vogel njerezish
E gjeti mundesin Rama te shperbleje per prishjen e hotelit...shqiptaret zihen per cfsre shohin nga icebergu...po pjesen me te madhe nuk e shohin deri sa del ne siperfaqe dhe eshte vone.