Memoriali që i jep dritë fshatit buzë Vjosës, për "Dëshmorin e Atdheut" Kristo Sotir Mërtiri

28 Nëntor 2022, 18:10Sociale TEMA

Memoriali që i jep dritë fshatit buzë Vjosës, për

Memorial përjetësie buzë Vjosës në Sajmolë, pranë fshatit Peshtan të Tepelenës, kushtuar birit të shquar të këtij fshati, të rënë për liri dhe të shpallur me titullin e lartë “Dëshmor i Atdheut”.

Tre ditë më parë, në prag të festave të 29-29 Nëntorit, në vendin e rënies dëshmor të Kristo Sotir Mërtirit, përbri lumit Vjosa në fushën e Sajmolës – atje ku derdhen dritëhijet e shumë luftërave – është ngritur memoriali për “Dëshmorin e Atdheut”.

Një pllakatë madhështore mbi një shkëmb që sfidoi 78 vite, ku bashkohen ujërat dhe erërat e Zagories me Vjosën, në fshatin e rrethuar nga pesë male e dy lumenj, do t’ju flasë brezave për Luftën Antifashiste Nacionalçlirimtare.

Kristo Sotir Mërti u ekzekutua nga nazistët buzë lumit Vjosa dhe u hodh në greminë, në vendin ku tashmë është ngritur memoriali. Por gjaku që derdhi biri i Peshtanit nuk u harrua.

Në ceremoninë e nderimit të dëshmorit morën pjesë kryebashkiaku i Tepelenës Tërmet Peçi, kryebashkiaku i Këlcyrës Klement Ndoni, nënprefekti i Përmetit Edvin Tuçi, Bujar Sula, Aristotel Meshini, Profesor Zaho Golemi, gazetari Mero Baze, nipat e dëshmorit, Leonidha e Kristo Mërtiri, kryetari i Komitetit të Veteranëve të LANÇ të rrethit të Gjirokastrës, Shkëlqim Guçe, shumë bashkëfshatarë të fshatit Peshtan, si dhe të ftuar të tjerë nga Përmeti, Këlcyra, Tepelena, Gjirokastra e Vlora.

Pas zotit Guçe, folën me radhë Tërmet Peçi, Leonidha Mërtiri, Prof. Zaho Golemi, Kristo Mërtiri dhe në fund Kryetari i OKDA dega Tepelenë. Bujar Sula, së bashku me Zaho Golemin, u dorëzoi familjarëve certifikatën e dëshmorit, për Kristo Sotir Mërtirin.

4 Komente

  1. L
    Loni pe Saigo i

    Po pse asnjë fjalë për veprimtarine antinaziste të deshmorit...

    1. b
      bajate

      Loni, po tani i kemi miq nazistet e rinj. E, si ka ardhe kjo bote, kokes i thote bythe

      1. K
        Korabi

        Akoma. keta me sorrat. partizane. Deshmori. i. atdheut kunder. kujt. na. paska. luftuar se. gjermonet. iken. ne. punet e. tyre

        1. S
          Sokrati

          I paharruar emri i ketij deshmori te Atdheut dhe i 28 mije deshmoreve te te gjithe Shqiperise, qe rane ne lufte me pushtuesit per çlirimin e vendit. Rrofte 29 Nentori, Dita e Ҫlirimit te Shqiperise nga pushtuesit nazifashiste dhe bashkepunetoret e tyre ballisto-zogiste!

          Lini një Përgjigje