Te fundit
“Na trajtojnë si kafshë”, shqiptari përballet me dëbimin në Britani: Kam 10 vite këtu, është hakmarrje ndaj nesh
27 Gusht 2022, 09:15Sociale
TEMA
Një shqiptari, i cili u dërgua në qendrën e largimit të imigracionit në Harmondsworth, pranë aeroportit Heathrow javën e kaluar, i është thënë se ai përballet me dëbim të menjëhershëm, një ditë pasi Ministria e Brendshme njoftoi planet për të shpejtuar largimin e azilkërkuesve shqiptarë të refuzuar.
Shqiptari, i cili kërkoi azil në Mbretërinë e Bashkuar një dekadë më parë, nuk ka precedentë penalë, nuk është arratisur kurrë dhe thotë se ka respektuar vazhdimisht kërkesat e imigracionit duke raportuar çdo dy javë në Home Office. Dy fëmijët e tij kanë lindur në Mbretërinë e Bashkuar dhe kanë leje për të qëndruar.
“Është sikur kam një gju në qafë, sikur po më mbysin”, ka thënë ai për The Guardian.
“Ata erdhën për të kontrolluar restorantin ku unë po ndihmoja, më shumë se 10 prej tyre, të gjithë të veshur me uniforma. Ata thanë se kishin një informatë se një punonjës i paligjshëm është këtu dhe filluan të pyesnin njerëzit për mua. Ata nuk më dhanë asnjë shpjegim, vetëm më çuan në stacionin e policisë, më mbajtën atje dhe më pas në qendrën e imigracionit. Më trajtojnë si kafshë”, ka treguar shqiptari nga qendar e largimit.
Burri, i cili po mbahet për akuzat e imigracionit pasi i janë shteruar të drejtat e tij për apelim, thotë se ka të drejtë për jetën familjare pasi fëmijët e tij kanë lindur në Mbretërinë e Bashkuar dhe kanë leje për të qëndruar. Ai beson se Home Office po synon në mënyrë të padrejtë shqiptarët.
“I gjithë ky vend [Harmondsworth] është plot me shqiptarë. Duket sikur po na rrethojnë për të na futur në një fluturim charter nga këtu. Djali me të cilin po ndaj qelinë dhe gjysma e krahut tjetër janë shqiptarë. Më shkoi në mendje se kjo është një hakmarrje ndaj nesh. Duket se qeveria po gjen boshllëqe për të na nxjerrë jashtë. Të gjithë janë kaq të shqetësuar dhe të frikësuar, ne nuk e dimë se çfarë do të ndodhë me ne”, ka thënë ai.
Të enjten, Ministria e Brendshme britanike njoftoi një marrëveshje me qeverinë shqiptare, e cila synon të largojë azilkërkuesit e refuzuar “sa më shpejt të jetë e mundur” mes një rritje të numrit të mbërritjeve me varka të vogla nga Shqipëria.
Shifrat e fundit të publikuara nga Home Office tregojnë se 2,165 shqiptarë mbërritën në Britaninë e Madhe me varka të vogla në gjashtë muajt e parë të 2022, krahasuar me 23 në të njëjtën periudhë të vitit të kaluar. Nga të gjithë ata që hynë në Mbretërinë e Bashkuar përmes kësaj rruge, më shumë se gjysma (51%) ishin nga tre kombësi, me shqiptarë dhe afganë secili që përbënte 18% të të ardhurve.
Zyra e Brendshme e Britanisë synon të pengojë ata që kërkojnë të kalojnë Kanalin duke lëshuar paralajmërime se ata nuk do të kenë të drejtë të jetojnë ose punojnë në Mbretërinë e Bashkuar dhe mund të përballen me dënime me burg të shtuar për shkeljet e imigracionit.
Sipas Zyrës së Brendshme, Shqipëria është një “vend i sigurt dhe i begatë” dhe shumë shtetas “po udhëtojnë nëpër vende të shumta për të bërë udhëtimin në Mbretërinë e Bashkuar” përpara se të bëjnë “kërkesa të rreme për azil kur të mbërrijnë”.
Shifrat e Home Office të publikuara të enjten tregojnë se rreth gjysmës së të gjithë shqiptarëve që kërkojnë azil u jepet statusi i refugjatit. Të dhënat tregojnë se 21 persona janë larguar me forcë me arsyetimin se janë “të papranueshëm” për azil që nga Brexit, pavarësisht se ministrat zgjeruan fushën e këtij rregulli.
Sipas planeve të reja, oficerët e policisë shqiptare do të dërgohen në bregun e Kentit për të vëzhguar ardhjet e emigrantëve dhe për të shkëmbyer informacione me qeverinë britanike. Departamenti nuk ka konfirmuar se kur do të paraqiten propozimet.
“Publiku britanik nuk duhet të ketë asnjë dyshim për vendosmërinë tonë për të larguar ata që nuk kanë të drejtë të jenë në Mbretërinë e Bashkuar. Ne kemi hequr tashmë pothuajse 1000 shkelës mes shtetasve të huaj shqiptarë dhe shkelës të imigracionit këtë vit deri më tani, duke përfshirë disa që kaluan Kanalin ilegalisht për të ardhur në këtu”, ka thënë një zyrtar nga Zyra e Brendshme, sipas The Guardian.
“Sipas planeve të shpallura këtë javë, personat që vijnë nga kjo rrugë do t’iu trajtohen menjëherë kërkesat e tyre për azil, dhe ata që nuk kanë të drejtë të jenë në Mbretërinë e Bashkuar do të largohen sa më shpejt të jetë e mundur”, shtoi ai.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pse valle?,, Shkak-pasoje, cdo veprim ka kunderveprimin e saj. Bashkeatdhetaret tane ne Angli nuk jane sjellur korrekt me vendin ,prandaj kjo eshte pasoja.
Vetem muslimanet emigrant ankohen thua sikur anglia ka detyrim ti mbaje duke qene te paligjshem.
Ngelet si jevgjit rrugeve duke u ankuar, pastaj beni shqiponjen me duar .popull kot.
Po mire jua bejne ,as kam aritur ta kuptoj ,se me cfare mendjesh shkoni dhe kerkoni azil ne nje vend tjeter kur shqiperia s eshte ne lufte ,
Thuaj Rames ti hedh ndonje fjale Toni karit se ai vjedh djersen e shqiptareve.Nuk ka komb me kot,ankohen se nuk i do anglia.juve Nuk ju do Shteti juaj ,nuk ka shtet te tille as ne afrike
Anglia eshte nje shtet me synime ka nevoje per tregetine e saj si shtet.Po ti leme fjalet e shumta emigrimi nga cdo vend nuk eshte i njellojte.Shtetet sot kerkojne trurin emigracionin e njerzve te pregatitur qe natyrisht ne Shqiperi sot ka student te nivelit dhe kapacitetit boteror student te shkelqyer kjo e thene eshte e statistikave perendimore. Me te pregatitur ne fushat qe kerkohen sidomos ne elektronike ,shkence,mjeksi etj. Por nuk mendoj qe nje emigrand si ky me familje ka qene i pergjegjshem per te ardhmen e tij. Nuk duhet te shpresosh ne emigrim se kam femije kane lindur ketu dhe nuk ka mundesi qe shteti te me ktheje. Anglia eshte bere nje shtet baze e mafies shqiptare. Ata kane sjellur me pagese njerez nga shqiperia per te kultivuar hashishin apo shperndarjen e droges shumica nga Hasi Midita dhe veriu i Shqiperise. Ka vite qe ndodh ky fenomen . Eshte bere ky shtet si nje Eldorado e injoranteve per tu pasuruar shpejt. Cdo Shqiptar qe ndjek lajmet i ka pare keta idiota pa shkolle me vetura lluksoze ne Angli ne nje vend ku jeta eshte shume e shtrenjte me e larta ne kosto jetese per shtresen e punonjesve . Anglezet deshirojne ti kthejne te gjithe shqiptaret pa letra dhe me njolle si keta idiota planetare qe enderrojne per disa vjet te ngrene hotele ne Shqiperi. Nga e verteta e pa mohueshme ku shqiptaret jane si meksikanet , arabet per trafik droge ne bote. Lufta ka filluar dhe nuk ka fund kjo ka ekzistuar por sot eshte nje lufte e hapur kundra krimit te organizuar. Cdo njeri duhet ne emigracion ti bej llogarite mire te punoje si e gjithe bota dhe te jete i pregatitur menderisht per kete qe i ka ndodh ketij shqiptari dmth ti bej llogarite mire te kete ne dispozicion trurin ne Evrope sic i themi ne te holla ne kohe te veshtira jo me iluzione dhe me te bertitura zot te vendit jane ata qe e bejne ligjin e vendit shteti .Mafia shqiptare e ka lene Shqiperine te sakatuar dhe pa autoritet ne asnje vend te botes nuk ndodh paradoksi i yne qe kurre sheh edhe ne Tirane djemte 24 vjec me maqina te blinduara sikur te ishin njerez te rendesishem cfare neverie me realitetin e jetes tone qe ka marre kete rruge te korruptuar pa te ardhme konkrete. Ku nje pjese derrmuese mendojne te braktisin vendin apo te kthehet ne vetvrases te pa vetedijshem nga mizerja e krijuar nga oligarkia dhe vete kontraditave qe sjell shtypja e nje populli prej vjetesh dhe pasurimi i njerzve nga korrupsioni dhe nje popull i skllaveruar qe flen me endrra per te nesermen
Pytni cfare thote Vitoja per ju se u ba deri kos
Ata ankohen qe shqiptaret po i rrembejne tregtine e hashashit vietnamezeve qe e kane bere historikisht, ankohen qe bandat shqiptare jane te rrezikshme dhe shume violente por ishin bandat angleze ne Liverpool qe vrane 9 vjecaren ne shtepine e saj, ishin bandat e minoriteteve qe nuk mund te akuzohen qe grabiten oren e shtrenjte te nje vajze te pambrojtur ne mes te Londres. Mos te zeme ne goje bandat turqve apo romeve rumune e bullgare qe si qytetare europiane kane cdo te drejte per ndihma dhe shtepi por prape bejne te gjitha halete. E gjithe kjo fushate eshte e organizuar per tu sherbyer konservatoreve te nisin njerzit ne Ruande dhe ndoshta edhe per te hequr vemendjen nga kriza e madhe qe po vjen ne Angli me inflacionin qe do shkoje 18% apo gazin dhe dritat qe do shkoje 80% me shume ne 1 Tetor. Keta nuk targetojne dot njerzit me ngjyre sepse akoma ulen ne nje gju per ta, nuk ja mban me turqit,somalezet, indianet, pakistanezet, romet keshtu qe ne jemi easy target pa mbrojtje as nga shteti shqiptar as nga WOKE movement ne Angli sepse nuk kualifikohemi megjithse targetimi kunder nesh eshte i motivuar nga raca dhe nacionaliteti Si perfundim ne si shqiptare nuk bejme as me shume as me pak sesa te tjeret ne Angli. Te gjithe nacionalitetet kane kriminelet e tyre dhe nuk varet nga rraca sa kriminel eshte dikush apo sic The Sun e cileson qe shqiptaret po marrin punet e krimineleve britanik.
Nuk u mjafton italia, gjermania, suedia apo finlanda ketyre tocave qe kalojne ne angli? Apo atje rritet hashashi? Duket sikur jemi ne vitet '90. Si gomonet drejte italise.