Te fundit
Shqiptarët të zhgënjyer nga Reforma në Drejtësi
21 Tetor 2022, 20:50Sociale
TEMA
Pavarësisht mbështetjes së ndërkombëtarëve, Reforma në Drejtësi nuk ua ka kthyer shqiptarëve besimin tek drejtësia. Të pyetur nga Barometri në Euronews Albania se si funksionon drejtësia sot krahasuar me 5 vite më parë, 35.4% e tyre mendojnë se asgjë nuk ka ndryshuar.
Ndërsa 28.1% e tyre janë shprehur se sistemi jonë i drejtësisë është përkeqësuar. 6.7% e të pyeturve mendojnë se drejtësia është shumë me keq se sa ka qenë 5 vite më parë.
Vetëm 27.3% e të pyeturve mendojnë se sistemi i drejtësisë me reformimin është më mirë. Ndërsa shumë më mirë mendojnë vetëm 0.1%, një shifër shumë e ulët.
Tek ata që mendojnë se drejtësia është përkeqësuar, mbizotërojnë meshkujt me 41% dhe 28.8% e zënë gratë. Ndërsa tek ata që mendojnë se drejtësia është përmirësuar në 5 vitet e fundit. diferenca është më e vogël, por mbizotërojnë gratë me 28.9% dhe burrat zënë 25.9% të të pyeturve.
Të ndara sipas grupmoshave, ata që mendojnë se drejtësia është më mirë janë grupmosha 18-24 vjeç me 36.2%, pasuar nga grupmosha 65-75 vjeç me 34%, 55-64 vjeç që zënë 29.4%, 45-54 vjeç që zënë 24.9%, 25-34 vjeç me 23.9% dhe grupmosha që zë më pak hapësirë në këtë kategori, është 35-45 vjeç me 20.9%.
Ndërsa tek ata që mendojnë se drejtësia është më keq, mbizotëron grupmosha nga 25-34 vjeç me 41.2% pasuar nga grupmosha 35-44 vjeç që zënë 38.2%, 55-64 vjeç me 36.6%, 45-54 vjeç me 33.9%, 18-24 vjeç me 28.3% dhe hapësirën më të vogël e zë grupmosha 65-75 vjeç me 23.7%.
Shifrat nuk duken aspak premtuese as për të ardhmen e drejtësisë në vendin tonë. Të pyetur se si e shohin shqiptarët sistemin e drejtësisë 5 vite më vonë, vetëm 31.1% janë përgjigjur më mirë, shumë më mirë e shohin vetëm 0.2% e tyre, ndërsa 29.9% mendojnë se nuk do të ndryshojë asgjë.
25.4% mendojnë se drejtësia pas 5 vitesh do të jetë më keq dhe 5.6% mendojnë se do të jetë shumë më keq.
Të ndarë sipas gjinisë, tek ata që mendojnë se do të jetë më keq, mbizotërojnë burrat me 36.9%, ndërsa gratë zënë 25.2%.
Tek ata që presin një përmirësim të sistemit të drejtësisë, mbizotërojnë gratë me 31.7% dhe burrat zënë 30.9%.
Ndërkohë të ndarë sipas grupmoshave, tek ata që mendojnë se drejtësia do të jetë më mirë mbizotërojnë grupmoshat 18-24 vjeç dhe 65-75 vjeç. Ndërsa tek ata që mendojnë se drejtësia do të përkeqësohet, mbizotërojnë grupmoshat 25-34 vjeç dhe 35-44 vjeç.
Gjetjet janë të Barometrit në Euronews Albania, realizuar gjatë periudhës 9-21 shtator 2022, kryer nga MRB dhe Data Centrum, në nivel kombëtar me 1000 intervista ballë për ballë.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Politikanet kriminele vazhdojne te jene te paprekshem ne Shqiperi.Fatkeqesisht per popullin shqiptar reforma qe pritej me aq shume deshire rezultoi nje deshtim. Arben Kraja eshte felliqesira e radhes qe pershurri drejtesine
Po eshte e drejte
Sigurisht qe shumica eshte komplet e zhgenjyer nga kjo reforme sepse nuk ka asnje ndryshim, nuk po shikojme qe ne rjetat e saje te bjeri ndonje peshkaqen te cilet jane me shumice.
Reforma eshte bere me qellim qe te mos zbatohet ndonjehere, thjeshte ka qene nje instrument per tju veshur syte e marr vota ne vite. Akoma se keni kuptuar qe eshte vetem reklame dhe asgje me shume. Miremengjes o njerez !!!!!!!
Reforma ne drejtesi ,reforma e Palloshit Rama dhe fytyr majmunes Kimete ,asgje s funksionon futen ne burg nendrejtora apo nenpunes dhe keta dalin pas tre muajsh me arrest shtepie,,shikoni tenderin per uniformat ,inceneratoret ,sulmet kibernetike ,rruge te deshtuara me miliona euro dhe asnje s denohet ,Prifti ,fullani, i fusin me buje ne burg dhe pas dy muajsh te lire ,pastaj kerkojne dhe demshperblim ,po faturat kush i paguan ?? s do mend ky karri rilindjes jo ,por populli shkrete
Vlora. Vlora-shqetesimi juaj per deshtimin e Reformes ne Drejtesi eshte legjitim, por a nuk me thua se kush e shkaterroi drejtesine shqiptare me gjygjtare e Plepave me kurs 6 mujore