Te fundit
Velipoja, e mbuhur me mbeturinat e sjella nga deti: Bashkia shpreson për heqjen tek aksioni i 10 dhjetorit
30 Nëntor 2025, 20:31Sociale
TEMA
Bregdeti i Velipojës, një nga aktraksionet më të bukura të Adriatikut në veri, ka marrë pamjen e një landfilli.
Me këtë situatë, qytetarët u përballen këtë të diel, në vend të relaksimit, që kërkonin të shijonin këtë fundjavë. Prej ditësh, mbetjet që lumenjtë dhe përrenjtë i sollën në breg, praktikisht mbeturinat e hedhura pa përgjegjshmëri nga cilido, si një hakmarrje e vërtetë e natyrës, kanë mbetur aty.
E gjithë vija bregdetare është mbuluar me plastikë e mbetje të tjera urbane, të nxjerra nga deti.
Një pjesë të tyre, deti Adriatik i mori me vete dhe i çoi në Dubrovnik, që siç raportuan mediat atje, kjo është një situatë që përsëritet thuajse çdo vit. Por ndryshe nga ajo çfarë po përjeton prej ditësh Velipoja, bregdeti i një prej destinacioneve turistike më të njohura kroate, u pastrua brenda tre ditëve nga autoritet vendase.
Ndërkohë, autoritetet lokale në Shkodër janë të përgjumura përballë kësaj situate emergjente, ku për pastrimin duhej të kërkonin edhe ndihmën e forcave të ushtrisë, për këtë emergjencë mjedisore.
Por autoritetet i kanë sytë te aksioni i datës 10 dhjetor për pastrimin, ku kanë paralajmëruar angazhimin rreth 1 mijë vullnetarë nga organizata mjedisore, përfaqësues të Ministrisë së Mjedisit, si dhe punonjës të Bashkisë Shkodër.
Teksa janë në pritje të kësaj date, mbetjet do të mbeten në breg si një kërcënim serioz, pasi efektet negative janë të shumta, plastika futet në këtë mënyrë në zinxhirin ushqimor përmes produkteve të detit e nga ana tjetër, plehrat masive shkatërrojnë habitatin natyror.
Situata në Velipojë është alarmante, ndërkohë bregdeti shqiptar përballet vazhdimisht me një situatë të ngjashme, pasi lumenjtë sjellin tonelata mbeturinash, që hidhen pa kriter përgjatë rrjedhës së tyre, duke i shkaktuar mjedisit një dëm me pasoja të mëdha.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E shikova në tv-kroacia, edhe Dubrivniku ishte mbushur me mbeturina "të ardhura nga Shqipëria", siç thanë. Komentet ishin: t'ua bllokojmë hyrjen në BE.
te hane karin
pse jan kaq te pist muslimanet di njeri gje? A ka ndonje gje pozitive ai vend? vetem krim, vjedhje, plera, ndotje ajri-akustike(xhamite)-uji-toke, ushqime kancerogjene etj...
Keni harruar Monténégro e Croatie qe u mbush me plehrat shqiptare . A e ka menduar ky kryeminister ku shkojne mbeturinat e fshatrave shqiptare ...... Makiazhi qe Rama i veshi qyteteve ja shperlau fshati..... Zoti kryeminister ku shkojne plehrat e fshatrave shqiptare kur kemi rreshje kuuuuuuu. Me duket se Rama nuk e di qe ujrat rjedhin nga larte poshte deri ne det ....
Mos u bëni kaq negativë. Të gjithë prodhojnë dhe hedhin plehrat. Shqipëria ka akoma punë në drejtim të ndërgjegjësimit së popullatës. Kjo që ndodh në Shqipëri ka ndodhur dhe ndodh kudo. Askush nuk është më i zgjuar apo i kulturuar, prandaj mos kaloni në disfatizëm. Kemi probleme, duhet të punojmë për t'i zgjidhur dhe aq.