Te fundit
Armand Duka nuk toleron tek leku, çmime të kripura për ndeshjen e Kombëtares kundër Islandës
4 Shtator 2022, 15:16Sport
TEMA
Federata Shqiptare e Futbollit prej disa ditësh ka nxjerrë në shitje biletat për ndeshjen që Kombëtarja do të luajë në “Air Albania” kundër Islandës e vlefshme për ndeshjet e Ligës së Kombeve.
Për këtë takim drejtuesit e FSHF-së kanë vendosur çmime mjaft të kripuara për sportdashësit shqiptar.
Biletat më të lira do të jenë si gjithmonë ato pas porte me 750 lekë. Më pas, kostoja rritet ndjeshëm në 1 200 lekë, gjithashtu për tribunat prapa dy portierëve, ndërsa në tribunën përballë asaj kryesore, biletat do të jenë nga 2 000 deri në 3 000 lekë.
Si përherë, më të shtrenjtat janë ato bileta të tribunës kryesore që rriten progresivisht nga 8 000, në 10 000 dhe në 15 000 për pjesën VIP.
Një tifoz reagoi në faqen zyrtare të Federatës në Fejsbuk me komentin, “të shohësh Islandën me gjysmën e rrogës mujore”, ndonëse në tribunën VIP nuk është ky raport. Kombëtarja ka dy ndeshjet e fundit të sezonit të Ligës së Kombeve, në 24 shtator në fushën e Izraelit, dhe në 27 të po atij muaji në “Arenë” ndaj Islandës.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo i qofte Dukes se droges deri sa ka gomere qe shkojne ne stadjum. Tifozet duhet te tregohen qofte nje here te mencur bojkot, bojkot, bojkot... sepse dhe humbja eshte e sigurte.
Rritet “ndjeshem”, 1.200 leke?? Sa i doni biletat? Falas? Late nam. Per cdo gje do gjeni fajin tek Armand Duka. Te turpshem.