Te fundit

FOTO/ Shqiptarët ‘pushtojnë’ Turqinë, dy lojtarë në formacionin e javës

12 Mars 2024, 13:37Sport TEMA

Lojtarët shqiptarë çdo javë po shkëlqejnë në kampionatin turk. Performancat e tyre kanë bërë që të jenë vendimtar për skuadrat ku luajnë, duke shënuar gola dhe dhuruar asiste.

Në javën që kaloi Sokol Cikalleshi ia doli të shënonte dopietë për skuadrën e tij, Konyaspor në sfidën ndaj Adana Demirspor. Kjo përballje do të përfundonte 2-2 dhe sulmuesi kavajas do t’i jepte ekipit të tij 1 pikë.

Paraqitja e 33-vjeçari është vlerësuar me notën 8.3, ndërsa është zgjedhur nga “Sofascore” në formacionin e javës në superligën turke. Kujtojmë se në këtë sezon ka arritur të shënojë 11 gola dhe të dhurojë 5 asiste me fanelën e Konyaspor.

Sokol Cikalleshi ne formacionin e javes ne Turqi
Sokol Cikalleshi ne formacionin e javes ne Superligën turke

Ndërkohë jo vetëm kaq, pasi në Kategorinë e Parë turke edhe Jetmir Topalli është zgjedhur në formacionin e javës. 26-vjeçari ishte protagonist me golin e tij në fitoren 3-2 që Manisa mori ndaj Umraniyespor. Në fakt ishte një gol tamam shqiptarësh, pasi asistoi Eduart Rroca dhe shënoi Topali. Nga “Sofascore” lojtari dardan është vlerësuar me notën 7.6. Në këtë sezon ka shënuar 4 gola dhe ka dhuruar edhe 4 asiste për Manisan.
Jetmir Topalli ne formacionin e javes ne Turqi
Jetmir Topalli ne formacionin e javes ne Superliga 1 në Turqi

Lini një Përgjigje

Më të lexuarat

Blog Tema

Powered by Tomorrow.io