Te fundit
Kombëtarja U-21 merr humbjen e radhës në ndeshjen miqësore me Zvicrën
8 Shtator 2025, 20:51Sport
TEMA
Kombëtarja shqiptare U-21 luajti miqësoren e dytë të shtatorit ndaj Zvicrës në stadiumin “Brügglifeld” të Aaraut. Kuqezinjtë u mposhtën në këtë takim me rezultatin 2-1. Golin e Shqipërisë e realizoi Aidon Shehu.
Trajneri Alban Bushi e nisi ndeshjen me këtë formacion titullar: Aron Jukaj (C), Elton Fikaj, Ervin Bashi, Gabriel Ramaj, Feta Fetai, Burak Alili, Rrok Toma, Aidon Shehu, Arlind Kurti, Enes Osmani, Besar Gudjufi.
Zvicra gjeti golin në minutën e 27-të pas një gabimi në mbrojtje. Liam Chipperfield i dha avantazhin helvetëve.
Shqipëria i shkoi shumë pranë barazimit në minutën e 38-të me Elton Fikajn, por goditja e mbrojtësit u ndal nga traversa. Pjesa e parë u mbyll 1-0.
Fraksioni i dytë nisi me dy ndryshime për Shqipërinë. Trajneri Bushi aktivizoi Rashicën dhe Përndrecën, ndërsa nga loja dolën Gudjufi dhe Osmani.
Kuqezinjtë dominuan lojën në pjesën e dytë dhe në minutën e 65-të barazuan rezultatin me Aidon Shehun, i cili realizoi një gol spektakolar me një goditje fantastike nga jashtë zone.
Zvicra mori sërish avantazhin në minutën e 81-të me Dircssi Ngonzo.
Djemtë kuqezi tentuan deri në fund për të barazuar dhe i shkuan shumë pranë në minutën e 90-të, por goditja e Përndrecës kaloi ngjitur me shtyllën.
Ndeshja në fund u mbyll me fitoren e Zvicrës U-21 me rezultatin 2-1.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bushi vetem mburrer para ndeshjeve dhe justifikohet pas ndeshjeve.Dhe Bushi njelloj si silvinjo i pa afte por jane te dy miqte e Dukes dhe keshtu do vazhdoje deri sa te shporet Duka,shulku dhe klani mafioz i fshf
Bushi tashme ka leshu rrenje aty, e ka vendos Duka e se nderron me sa te jete president i FSHf-se.
Cila eshte arsyeja qe Alban Bushi vazhdon te jete trainier i U-21?