Kupa e Shqipërisë: Erzeni “thyen” Vllazninë. Egnatia triumfon ndaj Laçit

21 Shkurt 2024, 15:30Sport TEMA
Kupa e Shqipërisë: Erzeni “thyen” Vllazninë. Egnatia

Erzeni triumfoi ndaj Vllaznisë me rezultatin 2-1, në ndeshjen e parë për çerekfinalen e Kupës së Shqipërisë.

Shijakasit, ndalin kështu serinë e gjatë prej 10 ndeshjesh, të Vllaznisë pa humbje. Pas pjesës së parë të mbyllur pa gola, në minutën e 64-t, Asani zhbllokoi sfidën, duke i dhënë avantazhin Erzenit.

Vllaznia barazoi shifrat me Smajlin në minutën e 87-të, por festa zgjati vetëm dy minuta, pasi në të 89-ën, Kacbufi riktheu shijakasit në avantazh, duke shënuar golin e fitores.

Ndeshja e kthimit do të luhet në Shkodër pas dy javës.  

Egnatia fitoi minimalisht ndaj Laçit në transfertë, në ndeshjen e parë për çerekfinalen e Kupës së Shqipërisë.

Goli i fitores për rrogozhinasit u shënua në minutën e 95-të, pas një penalltie të kthyer në gol nga Albano Aleksi.

Ndeshja ishte mbërthyer në shifrat 0-0, deri në fundin e takimit, ndonëse të dyja skuadrat kishin raste shënimi, me Egnatian më dominuese.

Ndeshja e kthimit do të luhet në Rrogozhinë, pas dy javëve. Me këtë fitore, Egnatia hedh një hap të sigurt drejt gjysmëfinales.  

Lini një Përgjigje