Te fundit
“Ky është brez me shumë të ardhme që ka Shqipëria. Jemi më mirë se kemi qenë, por duhet një trajner i ri”
13 Shtator 2022, 19:41Sport
TEMA
Rudi Vata ka dhënë një intervistë për “Tribalfootball” ku ka komentuar Shqipërinë. Figura e njohur e futbollit shqiptar e konsideron këtë grup aktual me shumë potencial, duke u shprehur se Kombëtarja është më mirë se më parë.
Por në fund ka një thirrje se trajneri i Shqipërisë duhet ndërruar dhe duhet gjetur një profil tjetër nga Reja, në mënyrë që këtyre elementeve ti merret maksimumi i mundshëm.
“Futbolli shqiptar dhe sigurisht Kombëtarja, është shumë më mirë se sa ishte. Arsyeja pas kësaj është se pas 30 vitesh demokraci në vendin tonë dhe njerëzit që patën mundësinë të shpërngulen jashtë vendit, tanimë kanë krijuar një platformë të re për Federatën.
Po t’i shikoni lojtarët shqiptarë tani, ata vijnë kryesisht nga vendet perëndimore, kanë lindur në vënde të ndryshme si Itali, Gjermani, Greqi, janë rritur atje, stërviten në mënyrë profesionale.
Sigurisht që kemi shumë talent në skuadër me (Armando) Brojën, (Nedim) Bajramin dhe sigurisht Hysajn. Elseid është një tjetër lojtar i rëndësishëm që bën punën e tij dhe në shumicën e rasteve është kapiten i kombëtares. Mendoj se të gjithë ata lojtarë, (Berat) Gjimshiti, (Etrit) Berisha, (Marash) Kumbulla kanë shumë për t’i ofruar Kombëtares, por siç them unë, ata duhet të punojnë me një sistem të duhur dhe të kenë trajnerin e duhur për t’i drejtuar.
Ata duhet të kenë udhëzimet e duhura dhe shpresoj që në fushatën e ardhshme ne mund të sjellim një menaxher të mirë, një trajner të mirë që kupton talentin e secilit lojtar dhe mund të ndërtojë një njësi të mirë në mënyrë që ne të mund të jemi një ekip kombëtar i fortë dhe i fuqishëm”, tha Rudi Vata.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shko mër KARUC. Ato i gjeti dhe i mblodhi Reja.
Trajnere me te mire se De Biasi dhe Reja nuk kemi patur deri tani. Trajner i ri???? Ti jo njehere,nuk do jesh ndonjehere mendoj une edhe pse kam qene tifoz i Dinamos dhe ti ke qene goxha lojtar i forte ne mbrojtje. Ke vite qe e kerkon nje vend te tille por keto talente jane zbuluar prej dy trajnerve te fundit.
Rudi tu befsha hajde ne Shqiperi merr nje ekip e na trego si behet .Mend japin te gjithe .Lojtaret i kemi te mire por A) bota i ka akoma me te mire.Broja dhe Asllani me te miret mezi arrijne te marrin disa minuta.Te tjeret luajne ne ekipe te mesme apo ne rangun e ulet . B)nuk i kemi te shumte .Kur jane te lodhur nga impenjimet ne shkuadra te tyre apo te demtuar nuk ke me ke i zevendeson. c)kemi 11 lojtare por jo skuader se eshte veshtire te krijojne kohezion me shoke skuadre te cilet i shohin 2-3 dite perpara ndeshjeve 3-4 ne here ne vit.Ne skuadrat e tyre bejne mire se luajne me shoke skuadre 7 dite ne jave 12 muaj ne vit . d)Hiq dore nga zakoni i keq i emgranteve (emigrant jam vete)qe vetem kritikojne ate qe behet ne shqiperi.kushdo qe punon ne shqiperi, mire keq, meriton respekt se te pakten perpiqen.Kush punon gabon , te vetmit qe nuk bejne gabime jane ata qe bejne sehir e kritikojne ata qe punojne.