Te fundit
“Pa zemërim ndaj Shqipërisë”, Fernando Santos flet pas katastrofës polake në debutim: Përgjegjësia është e imja
25 Mars 2023, 11:42Sport
TEMA
Polonia i ka nisur eliminatoret e EURO 2024 me një goditje të rëndë për moralin, pasi është mundur 3-1 në Republikën Çeke përballë vendasve. Një humbje që dhemb më shumë për mënyrën e lojës pasi ekipi pësoi 2 gola shpejt e rrallëherë reagoi në sulm.
Starti më i keq i mundshëm për Fernando Santos i cili debutonte në drejtimin e Levandovski & Co., por nuk arriti të nxirrte në pah atë që pritej nga kjo skuadër e cila mendohej se do të ishte dominuesja e Grupit E ku gjendet edhe Shqipëria. Pikërisht kuqezinjtë janë kundërshtari i radhës i Polonisë dhe Fernando Santos, pas ndeshjes së mbrëmshme ka bërë të qartë se pret një reagim ndryshe përballë Shqipërisë.
“Kjo ndeshje është pak e çuditshme. Ekipi dukej shumë i përgatitur dhe i përqendruar. Skuadra e dinte se rivëniet ishin pika e fortë e çekëve. Është e vështirë të reagosh kur pëson kaq shpejt. Përgjegjësia i takon gjithmonë trajnerit. Detyra ime është të ruaj besimin te ekipi.
Ndeshja ndaj Shqipërisë merr rëndësi në një situatë ku humbëm ndeshjen e parë. Ne nuk mund të përgjigjemi me zemërim. Duhet të luajmë më mirë, të jemi të fokusuar. Jam i sigurt se ekipi do të paraqitet më mirë.
Do të punojmë patjetër për të kthyer besimin. Ne duhet të analizojmë atë që ndodhi, gjithashtu çfarë ishte e mirë kur kemi arritur të krijojmë raste. Sapo pësuam golin e tretë, ishte e vështirë të kthenim ndeshjen. Kam besim se skuadra do të jetë në gjendje të përgjigjet pozitivisht”, u shpreh trajneri 68-vjeçar në fjalët e tij para mediave.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Fol me duken mister Santos… e garanton fitoren per skuadren tende per ca mijera euro. E sigurt.
Fol me duken mister Santos… e garanton fitoren per skuadren tende per ca mijera euro. E sigurt.
Santos eshte nje injorant trajner,e buk shkale.Me ate rreshtim injorant ne mbrojtje ekipi une kombetare duhet te sulmoje portjerin.Fitorja eshte e sigurte!
Do hame nja 3 gola perballe Polonise.
Ky eshte grupi me i lehte qe shqiperia ka pasur ndonjehere , polonia dhe cekia jane skuadra te mira , por nuk jane franca, gjermania brazili argjentina, nqs nuk arrime te kualifikohemi kesaj radhe , nuk e di kur do te kemi nje fat te tille sic na ka rene ky grup. Po te jete per vendin e trete ,e marrim dhe me trainere dhe lojtare te superiores.