Te fundit
VIDEO/ Sylvinho me pak dilema, ja si pritet të jetë formacioni ndaj Serbisë
10 Tetor 2025, 12:44Sport
TEMA
Kombëtarja shqiptare zhvilloi stërvitjen e fundit në Tiranë, përpara sfidës së rëndësishme të së shtunës ndaj Serbisë, që do të luhet në Leskovac në kuadër të kualifikueseve për Kupën e Botës 2026.
Trajneri Sylvinho ka punuar me kujdes në detajet taktike gjatë seancës, duke testuar lëvizje dhe kombinime të ndryshme, ndërsa ka kërkuar përqendrim maksimal nga të gjithë lojtarët.
Si zakonisht, tekniku brazilian ka përzier kartat në formacion gjatë stërvitjes, për të mbajtur grupin të motivuar dhe për të mos zbuluar qëllimet e tij përfundimtare për ndeshjen.
Në repartin mbrojtës nuk priten surpriza: Strakosha do të jetë mes shtyllave, i mbrojtur nga Hysaj, Ajeti, Gjimshiti dhe Mitaj.
Në mesfushë, Kristjan Asllani pritet të ketë një fanellë titullari përkrah Shehut, ndërsa Qazim Laçi do të luajë në rolin e mesfushorit më të avancuar.
Dilemta më të mëdha janë në sulm. Armando Broja duket i sigurt në krahun e djathtë të sulmit, ndërsa Uzuni ka fituar terren në të majtë, megjithatë Nedim Bajrami mbetet një alternativë serioze për formacionin bazë. Në majën e sulmit, Mirlind Daku dhe Rey Manaj janë në një për një vend titullari.
Kombëtarja shqiptare do të udhëtojë të premten drejt qytetit të Nishit, i cili ndodhet rreth 45 minuta larg Leskovacit, ku të shtunën në mbrëmje do të luhet dueli i shumëpritur.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Formacjoni i turpit, Myrto Qoftja, Rei Manaj i Traktorit të Lushnjës dhe Hysa që mbledh topa mbas porte te Lazio.
E doni rezultatin . ....... Jo se do tju bier tefikt
Keta luajne me ekipet e tyre....ku eshte Muci?
Me tkë renditje 4-2-3-1 do hani gola aq sa ka qejf kazino. Dhe do justifikoheni me ndeshjen tjetër. Ky i ka vendosur Sikur Manaj të ish Maradona dhe Broja të ish Mesi. Hahahaha. Rreshtohuni 4-4-2 dhe mbroni barazimin se fitoren me 5.4 kofiçenti nuk e fitoni se plas lufta 3 botrore më kollaj.