Te fundit
Teuta fiton me Kastriotin në duelin e mbijetesës
14 Janar 2023, 17:59Sport
TEMA
Teuta ka siguruar një fitore mjaft të rëndësishme në duelin e mbijetesës me Kastriotin. Në “Niko Dovana” durrsakët ia dolën të fitojnë 2-0 ndaj krutanëve.
Goli i parë i këtij takimi do të shënohej nga Lorenco Vila në minutën e fundit të kohës shtesë të pjesës së parë, duke dërguar kështu djemtë e detit në avantazh në pushim.
Ndërsa për golin e dytë duhej të vinte minuta e 64-të kur Oshafi do të dyfishonte shifrat, por festa e tij fillimisht do të shkonte dëm, pasi gjyqtari i ndeshjes do ta anulonte për pozicion jashtë loje, por ndërhyrja e VAR-it e quajti gjithçka të rregullt. 2-0 për vendasit, që duket se mbyllën llogaritë e javës së 16-të.
Kastrioti do të bënte maksimumin për të gjetur golin që do të rihapte sfidën, por mbrojtja durrsake do të bënte siç duhet detyrat mbrojtëse që porta e Qirkos të mos vihej në rrezik.
Pas kësaj fitoreje Teuta grumbullon 17 pikë, ndërsa Kastrioti ka 1 pikë më pak dhe ndodhet në vendin e 7-të.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Per Teuten kjo fitore nuk ka vlere te madhe ne raport me largimin e trainerit te "madh"Blendi Shkembi i cili po te kish vazhduar dhe pak kohe te Teuta renia nga kategoria do ishte e sigurte