Nga bujtinat te magjia e Prespës, çelet sezoni turistik në Pustec, destinacioni që po josh vizitorët e huaj

Ka nisur zyrtarisht sezoni turistik në bashkinë minoritare të Pustecit, një nga destinacionet më të veçanta që ofron juglindja e vendit. Parku Kombëtar i Prespës ka regjistruar vitet e fundit një rritje të ndjeshme të numrit të vizitorëve, sidomos të turistëve të huaj, të cilët mbeten të mrekulluar nga natyra, liqeni, ishulli i Maligradit dhe kuzhina tradicionale e zonës.

Këtë realitet e pohojnë vetë pushuesit, ndërsa operatorët turistikë konfirmojnë se numri i të huajve në Pustec po rritet dita-ditës.

"Jam nga Holanda dhe kjo është hera ime e parë këtu. Kemi ardhur për pushime; fillimisht planifikuam të qëndronim vetëm një ditë, por njerëzit më mrekulluan. Janë jashtëzakonisht mikpritës."

"Vij nga Selaniku, erdha këtu dje dhe ndihem shumë mirë. Më pëlqeu gjithçka."

"Ka disa vite që zona ka marrë një zhvillim të mirë. Vijnë vizitorë të huaj nga Gjermania dhe Franca, kryesisht motoristë dhe çiklistë, të cilët shpesh flenë në makina buzë liqenit. Kur vijnë këtu, kërkojnë vetëm peshk dhe duan të provojnë produktet e liqenit.", u shpreh një operator turistik. 

"Patjetër që interesi i turistëve është më i madh. Hoteli punon kryesisht me të huaj, ndërsa shqiptarët vijnë më shumë në restorant. Të gjithë kërkojnë gatimet tradicionale të zonës, si peshkun ashtu edhe mishin."

Për kryetarin e Bashkisë Pustec, Pali Kolefski, banorët vendas e kanë kuptuar tashmë se turizmi është çelësi i zhvillimit ekonomik për Parkun Kombëtar të Prespës dhe janë orientuar vetë drejt këtij sektori.

 "Njerëzit janë ndërgjegjësuar dhe kanë hapur bujtina të vogla. Janë disa familje që kanë shtuar kapacitetet akomoduese për turistët, gjë që tregon se ka një fluks në rritje.

Sigurisht, ka ende nevojë për zgjerimin e ofertës dhe investime më të mëdha nga sektori privat, veçanërisht në sektorin e restoranteve. Megjithatë, shohim se ky vit ka nisur si një sezon mjaft i mbarë turistik. Vizitorët e huaj tashmë vijnë në mënyrë të organizuar përmes agjencive turistike.", tha Pali Kolefski

Ishulli i Maligradit me kishën e tij historike, Zaroshka, Pusteci, Gollomboci, Muzeu i Sterjo Spases, Gorica dhe ujërat e liqenit të Prespës që lagin tre shtete janë vetëm disa nga pasuritë që ofron kjo zonë. Falë tyre, Pusteci po kthehet në një nga destinacionet më të kërkuara nga turistët e huaj që vizitojnë juglindjen e Shqipërisë. (A2 Televizion)

Protesta, dëme në turizëm - Operatorët turistikë: Krijojnë pasiguri, turistët po anulojnë rezervimet

11:00 Turizëm 17 komente

Turizmi, të ardhura rekord - Ekspertja ngre shqetësimin: Protestat mund të ndikojnë negativisht për sektorin

15:00 Turizëm 3 komente

“Më e lirë se Spanja dhe Portugalia”/ Media franceze: Shqipëria, zgjedhja ideale për pushime verore në Evropë

08:50 Turizëm 2 komente

Biletat drejt Shqipërisë 31% më lirë, media franceze e rendit vendin mes destinacioneve më konkurruese

09:20 Turizëm

Media italiane: Tirana mes ngjyrave dhe historisë, 10 atraksionet që nuk duhen humbur

09:00 Turizëm 2 komente

“Si Viaggia”: Saranda mes perlave të Mesdheut për të shijuar pushimet në qershor

10:40 Turizëm 1 koment

Kryetari i Unionit Turistik Shqiptar: Investimi në Zvërnec është një mundësi historike!

15:20 Turizëm 12 komente

Ivanka Trump flet për investimet në Shqipëri: Si gjeta Sazanin dhe lagunën në anën tjetër

14:50 Turizëm 59 komente

Bizneset presin një verë të mirë, shërbimet dhe turizmi rrisin besimin në ekonomi, tregtia e industria frenohen

20:19 Turizëm

'The Wom Travel’: Ksamili, “Maldivet e Europës” që po mahnit turistët nga e gjithë bota

15:35 Turizëm 1 koment