Te fundit
Shqipëria i ‘rrëmben’ Puglias turistët
5 Gusht 2023, 10:53Turizëm
TEMA
Nga Vitjon Nina
Nuk është asgjë e re, që Puglia po kërkon turizmin luksoz me interes në rritje.
Dje, Vito Vergine – pronar i plazhit Maldive del Salento në Pescoluse dhe president i bashkimit bregdetar italian të Lecce – tha se rritja e çmimeve në rajon ka pikërisht këtë objektiv: të përzgjedhë klientët.
Një strategji, e cila megjithatë ka prodhuar një efekt anësor domethënës: ikjen e turistëve italianë jashtë vendit.
Për ta thënë këtë është edicioni lokal i Repubblica, i cili ka mbledhur disa të dhëna për trendin e flukseve turistike në Puglia.
Prej një jave lidhjet nga Bari në Durrës – në Shqipëri – janë dyfishuar dhe një e katërta e pasagjerëve janë italianë.
Për muajin korrik, drejtuesit e plazheve në Puglia kanë raportuar një rënie të frekuentimit prej 20%. Një shifër e cila balancohet nga numri gjithnjë në rritje i nisjeve drejt Tunizisë, Shqipërisë, Greqisë, Detit të Kuq dhe Spanjës.
Ikja nga pushimet e shtrenjta
Dhe nëse porti i Barit në vitin 2023 regjistroi numrin më të madh të nisjeve në dhjetë vitet e fundit (120 mijë), e njëjta gjë vlen edhe për linjat ajrore.
Të dhënat e Aeroporti di Puglia tregojnë se hipja nga thembra e Italisë në Shqipëri u rrit në korrik me 58,06% krahasuar me vitin e kaluar, për gjithsej 21 mijë e 341 pasagjerë.
Rritja e largimeve drejt Greqisë ka qenë më e moderuar, me një rritje prej 11.34%. Çmimet duket se shtyjnë shumë puliezë të kalojnë pushimet e tyre diku tjetër.
“Këtu një darkë me bazë peshku mund të kushtojë nga 20 deri në 35 euro, kundrejt mbi 40-45 në Puglia”, thotë sipërmarrësi në fushën e restoranteve, Tonino Lembo, me pushime në Selanik.
Në një intervistë me Corriere del Mezzogiorno, ministrja italiane e Turizmit, Daniela Santanchè, komenton gjithashtu rënien e flukseve turistike në Puglia: “Modeli “godit dhe vrapo” nuk është parashikuar në planin tonë industrial, i cili përkundrazi është i fokusuar në një politikë që duhet të e bëjnë turizmin strukturor dhe tërheqës në çdo kohë të vitit”.
Më tej, ministrja shton se është pikërisht mungesa e planifikimit adekuat dhe politikave largpamëse që çon në rezultate të luhatshme.
Në çdo rast, saktëson ajo, “për të gjykuar tendencën e turizmit në Puglia me njohuri më të mëdha të fakteve, duhet të presim të dhënat përfundimtare që do të jenë në dispozicion në fund të vitit”.
Rajoni është bllokuar
Rritjen e çmimeve dhe uljen e frekuentimit të turistëve e konfirmoi edhe Francesco Caizzi, president i Federalberghi Puglia.
“Rënia më e rëndësishme është regjistruar në zonat bregdetare si Salento dhe një pjesë e Gargano, atraksionet tona kryesore”, shpjegon ai në një intervistë për Repubblica.
Puglia, shton Caizzi, është turizëm bregdetar. Por në vend që ta përmirësonim, ne e shpërfillëm, duke favorizuar, për shembull, fshatra apo destinacione të tjera.
Në këtë situatë kontribuojnë edhe dy probleme të tjera: mungesa e infrastrukturës lidhëse dhe pronarët e paligjshëm, veçanërisht në zonat më turistike.
I vetmi vend që duket se nuk e njeh krizën është turizmi luksoz: “Është një lloj sektori që nuk pëson kurrë rënie, pasi kemi të bëjmë me njerëz me fuqi të lartë shpenzuese”, pohon Caizzi.
12 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ahahhahahahhahaha U shkretua puglia, italia, europa, azia krejt bota. Ca ka e ca ska nga plabeti jone e nga galaksite e tjera (te provura nga kongresi qe jane te banuara) pk zbarkojne per pushime ne shqiperi. A pika ne byth me keto mendje dhe ide ecni!!!!
Me 45-50 $ per dy persona ne nje restorant te Golemit ke ne menu Cdo lloj peshku, midhje dhe fruta deti , cdo lloj sallate,si dhe dy gota vere
.....edhe merakun a ka pas duart e pastra guzhinjeri i rradhes, kamarieri, apo/ata qe bejne pazaret dhe *mbushin frigoriferin me furnizime te *fresketa ?!?!?! Per te mos thene apo hamendesuar sa *km ka bere vaji per skuqje!!!! Puglia vs plazhet velipoje - ksamil !!!
Holy macaroni !!! Edhe Puglian e lamë mbrapa! Me vendosjen e Bleble Klosit ne balle te Rilindjes jane tronditur Montekarlo, Lichtenstein dhe Las Vegas. Tashme turistet kumarxhinj kane prenotuar per te vitin Opingën e Mesdheut...Flosh imperial . Lavdi EDramës!!
Statistikat e turisteve qe lane Pulian per Shqiperine i ka nxjerre vete ministrja qe dikush ketu ke Tema e quan Ministrja e Komshi-Kultures (pasi tha nje nga gomarlleqet e saj te rradhes ne nje nga bienalet e arkitektures ku coi historine e fqinjesise se mire ne kohen e komunizmit). Ajo doli vete e maskuar (s’kish ç’u bente vesheve qe nuk i maskonte dot) dhe, pasi i numeronte i pyeste: ju late Pulian per Shqiperine?! Oh my God! Dhe hidhte floket menjane duke shkundur koken (qe cuditerisht i eshte zmadhuar edhe me shume bashke me veshet)
O zoti gazetare ca jan keto tituj bombastike. Po rrembeka shqipria e Edi Rames turistst e pulias, pulja si po veprohet dhe ne majorca do te debojne ata lloje turista qe nuk len euro, me pak fjale nuk duan me numer po duan te ardhura. Kurse shqiperia e Edo Rames do numra qe te bejne propagande se sa shume turista po na vijne, po shumicat jan kokepalarat e evropes qe ja u kan ber te pamundur te shkojne diku tjeter.
O Bob , trapi! Këta turistë “kokpalarë”sjedhin me shumë të ardhura se janë me qindra mijëra , kokpalare” që i mbushin plazhet e Floridas, Kalifornias, Meksikës, Karaibeve , Brazilit, Maldivet, Australise, Vlorës, Golemit, Durrësit, Shëngjinit dhe Shirokës
Boll se late nam me keto artikuj, gazetar debil. Italia eshte qendra e botes per turizem.
Ky artikull eshte publikuar ne nje gazete Italiane.
Italia nuk eshte qendra e botes per turizem. Eshte vendi i peste me i vizituar nga turistet ne bote.
Hahahahah
Dokrra hini , vazhdoni ne delire