KATAR 2022: Perandori nuk mund ta shohë Kupën e Botës

23 Nëntor 2022, 13:23World Cup TEMA

KATAR 2022: Perandori nuk mund ta shohë Kupën e Botës

Ikona e futbollit gjerman, Franz Beckenbauer nuk do të udhëtojë në Katar për të parë ndeshjet e Kupës së Botës për shkak të arsyeve shëndetësore.

“Unë nuk do të udhëtoj për në Katar. Do t’i uroj fat ekipit tonë përpara televizorit”, tha Beckenbauer për revistën ”Bunte”, i quajtur ndryshe edhe si ”kaiser” (”perandor” në gjermanisht – shën. i përkth.).

“Unë kam një të ashtuquajtur infarkt të syrit [neuropati optike anteriore ishemike] në njërin sy. Fatkeqësisht, nuk mund të shoh asgjë në syrin e djathtë. Mund ta përballoj këtë. Dhe duhet të jem i kujdesshëm me zemrën”, tha 77-vjeçari.

Beckenbauer fitoi Kupën e Botës si lojtar në 1974 dhe si trajner në 1990.

Ai ishte gjithashtu organizatori kryesor i Kupës së Botës 2006 në Gjermani, por është zhdukur nga syri i publikut në vitet e kaluara dhe rrallë i ndjek ndeshjet.

Lini një Përgjigje