Thaçi: Kemi dëshmitarë që provojnë manipulimet e Dick Marty

Besoj se është një moment i vështirë të flasësh për një raport që përmend emrin tuaj 28 herë dhe që ka ngjallur shumë zhurmë në mediat ndërkombëtare?

Ka ngjallur zhurmë në median ndërkombëtare, në Prishtinë dhe në kryeqytete të tjera të botës, në SHBA dhe BE, sepse është një shpifje e kulluar, një trillim që pak kush ka menduar ta imagjinojë se mund të ndodh nga një njeri, thjesht nga Dick Marty, megjithëse opinioni është njohur me opinionin anti-Kosovë. Emri im është përmendur edhe në raporte dhe media të Beogradit, ashtu siç e përmend Marty.

A jeni i sigurt që s’kini asgjë për të fshehur?

Unë jam shumë i hapur. Nuk kam asgjë për fshehur, siç nuk ka gjë për të fshehur populli i Kosovës, shqiptarët. Në raport përfshihen periudha të ndryshme. Mendoj se shihet qartë dhe shumë i pastër qëllimi i tij për të kompromentuar Kosovën dhe shqiptarët.

Përse një anëtar i KE do të kompromentojë Kosovën?

Dick Marty ka qenë kundër Kosovës, kundër bombardimeve të NATO-s. Edhe lëvizjen civile të presidentit Rugova e ka ironizuar shpesh, ka qenë kundër UÇK dhe Kosovës shtet. Unë kam gjetur dhe intervista të ndryshme kur ka qenë kundër bombardimeve të NATO-s.

Edhe në shkurt kërkoi ngrirjen e kredencialeve të Shqipërisë. A është përgjegjësi e qeverisë së Kosovës që nuk reagoi ndaj akuzave të Karla Del Pontes?

Kemi reaguar shumë herët ndaj shpifjeve. Kemi prezantuar vazhdimisht qëndrimet tona të vazhdueshme. Përgjigja jonë më e mirë ka qenë, ejani, urdhëronim sqarojini deri në fund. Këto gjëra që përmend Marty janë të investiguara tre herë radhazi nga autoritete ndërkombëtare. Fillimisht nga Haga, UMNIK dhe së fundi nga EULEX.

Sipas raportit, Haga nuk ka hetuar provat e ushtarëve që kanë qenë pengje të UCK-së?

Ato janë paranojat e Karla Del Pontes. Këto çështje që ngre trakti politik janë investiguar tre herë nga autoritetet ndërkombëtare dhe është nxjerrë konkluzioni se nuk ka fakte. Edhe tani nuk kemi çfarë të fshehim. Autoritetet vendore dhe ato të EULEX e kanë mandatin për hetuar deri në fund këtë raport që ka prezantuar Dick Marty.

Do lejoni prokurorët serb për hetim serb?

Ne kemi besim të autoritete tona vendore dhe ato ndërkombëtare, që është EULEX, që është jo vetëm Europa, por edhe ndërkombëtarë. Prandaj edhe Dick Marty duhet të ketë besim, se dëgjova që tha se nuk ka besim të EULEX, po ai e ka mandatin të plotë.

Përse nuk i lejoni prokurorët serb?

Ne kemi institucionet tona të drejtësisë, institucionet të pavarura që punojnë me autoritete ndërkombëtare, në këtë drejtim jemi vend i pavarur dhe sovran.

A kishit dijeni se Marty ishte duke hartuar një raport ku akuzoheshit ju?

Ne nuk kishim dijeni se diçka e tillë mund të prezantohej. Ishte dëgjuar nga shtypi i Beogradit dhe raportet të shërbimit informative serbe që nga koha e Sllobodanit dhe nga qarqe ruse.

Si shpjegohet që ka pasur një jehonë edhe pse ju e quani pa fakte?

Shpifja është shumë e madhe dhe lajmi është tronditës sa që ka qenë e vështirë të mos e bënte një jehone. Është një modeli Gebelsian, ndaj është lajm shumë i keq për të qenë shumë i mirë.

Jeni takuar personalisht me Dick Marty?

Unë se kam takuar kurrë Dick Martin. Nuk ka kërkuar takim me mua.

Ishit në dijeni kur erdhi në Prishtinë?

Isha në dijeni, por në të njërën kohë kjo kishte një parahistori, në të cilën përfshihet edhe në shtojcën e raportit të Dick Martit. Një shtojcë kjo që është jashtëzakonisht inkriminuese për raportin e Martit, sepse aty kemi fakte, kemi dëshmi, dëshmitarët që inkriminojnë raportin e Dick Martit në kuptimin më të keq të mundshëm dhe Dick Marty do të ballafaqohet me drejtësinë ndërkombëtare, herët e vonë.

Në akuzën e bërë nga Marty dhe antropologu peruan, thuhet se jeni pyetur disa herë për këtë çështje?

Unë në vitin 2004 jam pyetur nga Haga për UÇK-në, është një intervistë shumë e hapur dhe kam pranuar qëndrimin tim. Siç janë pyetur shumë personalitete të Kosovës në kuptimin për ushtrimin e gjenocidit të ushtrisë serbe. Pas asaj bisede s’ka pasur nevojë për sqarime të tjera, sepse kam qenë udhëheqës politik.

A jeni pyetur hetimin e organeve?

Kurrë në jetën time. Në asnjë instancë, përveç gazetarëve.

Po ju bëjë një pyetje të rëndë. A ka vrarë UÇK civile serbë, shqiptarë që mendohej se bashkëpunonin me serbët, apo romë, siç thuhet në raport?

Kurrë, në asnjë rrethanë UÇK dhe populli i Kosovës nuk ka vrarë asnjë civil. Kemi respektuar standardet ndërkombëtare dhe në këtë mënyrë kemi fituar mbështetjen e NATO-s dhe SHBA. Kurrë ndonjë vend nuk do të afrohej nëse do të ishim kështu. Fillimisht Serbia na etiketoi si terroristë, komunistë, islamistë etj, por në kurrë nuk kemi bërë krime.

Si shpjegohet që një pjesë e drejtuese të UÇK janë hetuar për krime?

Janë hetuar dhe shpallur të pafajshëm.

Sepse sipas Dick Martyt thuhet se janë vrarë dëshmitarë?

Ky është një trillim, një paranojë e autoriteteve të Serbisë dhe trillim i librit të Del Pontes dhe Marty. Pse Del Ponte mbylli dhe nuk i hetoi këto çështje kur kishte mandatin, në mungesë të fakteve. Për të qenë në opinion ajo shpifi kundër popullit të Kosovës. Populli i Kosovës nuk është popull klanesh, siç pretendon ta paraqesë në kuptimin e mesjetës Dick Marty.

A jeni i sigurt se shërbimet e huaja nuk kanë hetuar dhe mund të ketë gjetur diçka?

Ne e dimë si funksionojë shërbimet, por ndjehem tepër mirë që kemi bashkëpunuar edhe gjatë bombardimeve të NATO-s. Dick Marty ka bërë një improvizim, skandal mediatik, për të cilin nuk do të mund t’i ik drejtësisë. Unë dhe populli i Kosovës nuk kemi asgjë për të fshehur, jemi të hapur. Unë kam kërkuar dhe do ta sqaroj deri në fund.

Dick Marty thotë se nuk i trembet gjyqit, ka imunitet?

Ai ka imunitet sot. Unë një dyzetvjeçar do e pres deri në fund, dhe herët e vonë do të ballafaqohet. Unë kam fakte për inkriminimin e tij duke përpiluar këtë raport. Fakte që thonë se ka pasur motiv politik dhe ka konstruktuar këtë raport. Për raportin është edhe një shtojcë tjetër që opinioni ende nuk e di, por që do t’i bëhet e ditur opinionit në një të ardhme jo të largët. Për shkak të interesave shtetërore është obligimi që ta ruaj. Ndërsa në momentin që do të paditet, do t’i prezantohet opinionit dhe do të jetë shumë rrëqethës. Asgjë nuk do të jetë raporti i Dick Martit për këtë çështje, sa do të jetë tronditëse për botën mënyra inkriminuese e hartimit të këtij raporti nga Dick Marty, ndihmuesit e tij serb, por edhe ata që kanë menduar ta përdorin këtë raport për fushatë elektorale për të dëmtuar PDK dhe mua personalisht. Dikush ka menduar se duke më dëmtuar mua, do ti mendojë subjektit politik, por është dëmtuar shumë rëndë shteti i Kosovës, nga ky naivitet dhe ky qëllim i ulet politik.

Marrë me shkurtime nga TV Klan

Mali i Zi, arrestohet kryebashkiaku i Budvës dhe vëllai i zv/kryeministrit

14:03 Rajoni

Arrestohet pronari i televizionit A1 në Maqedoni

10:52 Rajoni

Koalicioni në dorën e Ramush Haradinajt

10:49 Rajoni

Tri raste të reja me gripin e derrit në Kosovë

15:10 Rajoni

Ndjekje penale për keqpërdoruesit e zgjedhjeve në Kosovë

14:51 Rajoni

Qeveria kosovare: Anëtarët e Vetëvendosjes, marksista dhe të paedukatë

14:46 Rajoni

BE: Zgjedhjet e Marty komplikojnë dialogun me Serbinë dhe atë për viza

10:08 Rajoni

Sanader: Jam viktimë e përndjekjes politike

09:37 Rajoni

Marti: Kam imunitet, paditë ndaj meje s'prodhojnë asgjë

09:29 Rajoni

Isa Mustafa do zgjedhje në shtator 2011

10:06 Rajoni