U vihet flaka fletëve të votimit

Pas një viti e gjysmë fletët e votimit të 28 qershorit përfunduan në flakë, as u rinumëruan, as u hetuan dhe as u ruajtën për një hetim të mundshëm siç pati premtuar kryeministri Berisha. Aksioni opozitar prej më shumë se një viti me protesta, bojkot të Kuvendit dhe deri edhe greve urie, nuk arriti dot që të përmbushte kërkesën për hetim të zgjedhjeve. Vetëm një muaj më parë PS hoqi dorë nga kërkesa për kutitë e votave duke kërkuar vetëm kutitë e materialeve zgjedhore, por ajo asnjëherë nuk ka qenë pro djegies së fletëve duke i konsideruar si një provë e manipulimeve në zgjedhjet e fundit. Por dje në Farkë ka nisur procesi i djegies së tyre. Ka qene bregu i lumit Erzen, më saktësisht, vendi i njohur si Ura e Farkës vendi i asgjësimit të tyre. Ka qenë ora 13:30 e së premtes kur në një prej gropave të riciklimit të inerteve, të përdorura shpesh dhe për asgjësimin e materialeve kontrabandë, ka nisur djegia e fletëve të votimit. Njëri nga kamionët e ushtrisë të vënë në dispozicion të Komisionit Qëndror të Zgjedhjeve, u ngarkua me thasët plastikë të mbushur me fletët e votimit, për t’i transportuar më pas në vendin e asgjësimit. Pas një trajnimi paraprak pranë godinës së KQZ-së, Komisioni Përgjegjës për hapjen e kutive të votimit u nisën drejt fshatit Lundër në periferi të kryeqytetit. Aty gjenden magazinat ku ruhen aktualisht kutitë e zgjedhjeve, për t’i transportuar ato mandej drejt këtij institucioni. Sipas vendimit të marrë nga KQZ në datën 29 dhjetor 2010, me hapjen e kutive, materialet zgjedhore do të dërgohen në Arkivin Qendror të Shtetit, ndërsa fletët e votimit do të digjen.  Për kreun e KQZ-se kjo është procedurë rutinë dhe  bëhet pas çdo procesi elektoral, por mori këtë herë një vëmendje të madhe të opinionit publik për shkak të situatës së ngarkuar politike.  Përfaqësuesja e opozitës, zv/kryetarja e KQZ-së deklaron vendimi për hapjen e kutive të dokumentacionit zgjedhor është i nxituar, politik dhe i kamufluar teknikisht. Sipas Subashit, asgjë nuk e nxitonte KQZ-në të merrte vendime të tilla duke u bërë palë në një krizë tërësisht politike. Në reagimin e saj për mediat, zv/kryetarja e KQZ-së tha dje se vendimi për hapjen e kutive të dokumentacionit zgjedhor dhe djegien e fletëve të votimit është marrë mbi një projekt/akt të ndryshuar.

“Të vrarët” sipas KiE-së, jetojnë të gjallë në Pejë

19:07 Politika

Berisha është kthyer në objekt tallje në blogjet italiane. Ambientalistët shqiptarë protestojnë sërish

17:09 Politika

Lista e zgjedhësve te 28 qershorit bllokohet 50 vjet

15:23 Politika

Kjo është krejt e pandershme, Fevziu!

15:15 Politika

Meta prezanton Durim Hushin e Ylli Manjanin si anëtarë të rinj të LSI

15:00 Politika

Nënshtetësia shqiptare, nuk ka përparësi për qytetarët nga Kosova

13:10 Politika

Fillon asgjesimi i fletëve të votimit në Shqipëri

10:15 Politika

PD, plan për të bllokuar për 25 vjet listën e votuesve të 28 qershorit

20:46 Politika

Berisha: “Lajmësi nuk preket” funksionon këtu më mirë se në çdo shtet të botës

20:40 Politika

Topalli nuk futi në bibliotekën e Kuvendit 10 librat që ka “shkruar” qeverisja e Berishës

17:17 Politika