15 “vrimat” ku mund të futet Sali Berisha kur “t’ia mbathë”

Nga Kledian Lula

Për 8 vjet në opozitë, Sali Berisha dilte nga 4 herë në ditë nëpër mitingje “revolucionare”, ku ulërinte e “qante” për “drejtësi”. Mallkonte e kërcënonte me me “burg tjetër” e arkivole, Fatos Nanon dhe “bandat e tij, që krijuan varfëri të popullit, që grabitnin pasuritë kombëtare, që merrnin ryshfete super të majme nga bizneset, që grabitën floririn e shtetit, që pasuroheshin me prona e llogari bankare” etj. Gjithë “lufta dhe ndershmëria e Sali Berishës”, gjithë “meraku për popullin e fatet e vendit”, rezulton se ka qenë demagogji e këtij njeriu mashtrues dhe të etur vetëm për pushtet e pasuri kolosale të paligjshme, sigurimin e të cilave e ka bërë me të gjithë mënyrat e mundshme që përdoren për këtë qëllim.

Sali Berisha, personazhi kryesor i bejtes së tij: “Hani derra/pini derra”

Kaseta “Meta” e nxori lakuriq Sali Berishën, ose siç mund të quhet “lakuriqin e netëve të korrupsionit”. Tashmë është Sali Berisha, personazhi kryesor i bejtes me të cilën sulmonte qeverisjen e Fatos anos në vitet 1997-2005, duke u thënë: “Hani derra/pini derra”. Kjo bejte i shkon sot për shtat autorit të saj, Sali Berishës, qeverisjes së tij të korruptuar deri në palcë. Saliu është “shefi” i hajdutërive qeveritare, komandues i llogarive bankare, i korrupsionit, i ryshfeteve, i trafiqeve, i jetës luksoze, i familjarëve të pasuruar nga pasuritë kombëtare, i ortakëve e bandave të hajdutëve. Ky personazh dhe strukturat e tij të krimit ekonomik deri dhe me krim njerëzor (26 viktimat e Gërdecit), prej 5 vitesh kanë zënë për “fyti” Shqipërinë dhe si një lukuni e uritur hienash të pangopura, vazhdojnë të copëtojnë pasurinë kombëtare, duke e bërë pasuri të tyre. Ky pushtet, kjo qeverisje ua kanë nxirë jetën shqiptarëve, ia ka bllokuar hapësirat Shqipërisë për t’u integruar e zhvilluar ekonomikisht. Përballë kësaj “çete” hajdutësh me mandat e imunitet, përballë kësaj “kupole” të pajisur me gjithë “logjistikën” zyrtare e mafioze të krimit ekonomik e fizik, shqiptarët kanë si mjet shpëtimi vetëm largimin e “Grupit Berisha” nga qeveria, sepse nga Shqipëria, ia mbath vetë, bashkë me “grupin”! Sot është dita e largimit të tij.

Shqiptarët shpallin datën 21 Janar, si “Dita e hajdutëve”

Kaseta e hajdutërisë zyrtare me personazh ish-zëvendëskryeministrin e qeverisjes “Berisha” ka 10 ditë që është publikuar. Shqiptarët vendosën të bëjnë protestën e tyre kundër kësaj qeverie të zhytur “kokë e këmbë” në llumin e korrupsionit, duke e shpallur datën 21 janar si “Dita e hajdutëve”, në përkujtim të hajdutërive të qeverisë “Berisha-Meta” me financat publike, me pronat, me tenderat, me koncensionet, me trojet publike e ato të qytetarëve. Sot shpallet “Dita e hajdutëve” dhe populli e “kremton” shpalljen e saj me protestë dhe indinjatë ndaj “kupolës” qeveritare të dyshes Berisha-Meta, që ka krijuar, që drejton e po përdor strukturën më të rrezikshme të krimit ekonomik në rajon e më gjerë. Pushteti i Berishës u ngrit mbi citatin mashtrues e hipokrit “me duar të pastra”. Kur shqiptarët e panë se këto duar u zhytën në “pusetën” e korrupsionit galopant gjatë viteve 2005-2009, Berisha i la mënjanë “duart e pastra” dhe erdhi në pushtet me këngën “Shqipëria po ndryshon”. Një nga ndryshimet, që qeveria Berisha i ka ofruar vendit e që shqiptarët e panë me sy dhe me veshët e tyre është kaseta e skandalit të zv/kryeministrit “integrues” të qeverisë së kryeministrit ‘reformator”.

Në vitin ’97, kur partia (PD), parlamenti, SHIK-u, qeveria dhe shteti i komanduar prej Sali Berishës funksiononte me guvernatore banke “SUDEN” e me ministër financash “Xhaferrin”, i gjendur përballë zemërimit popullor, Saliu u fsheh si “lepuri” brenda shkurreve të Presidencës e nuk doli prej andej, derisa e nxori ish-Kryeministri i Pajtimit Kombëtar, Bashkim Fino. Atëherë shkak i zemërimit popullor dhe i strukjes së Sali Berishës ishte vjedhja e lekëve të shqiptarëve nëpërmjet firmave piramidale. Aktualisht, pushteti i Sali Berishës gjendet përballë një zemërimi tjetër të shqiptarëve, për shkak të vjedhjes së miliardave me ryshfet prej pushtetarëve të lartë, nëpërmjet shfrytëzimit të pushtetit. Ndërsa në ‘97-ën, shqiptarët e futën Saliun në shkurret e Presidencës, zullumet e bëra në qeverisjen e viteve 2005-2011, do ta detyrojnë të futet në tjetër” vrimë”. Sipas informacioneve, “shef” Berisha u ka kërkuar mendim bashkëpunëtorëve të afërt, se ku mund ta “fus kokën” pasi t’ia mbath?!.

“Vrimat” e strukjes të Sali Berishës, pas ikjes nga pushteti

Po të shfletosh listën e gjatë të miqve dhe ortakëve në afera e biznese të kryeministrit Sali Berisha, rezulton se 15 adresa nga këto, konsiderohen si “vrimat” ku mund të futet Sali Berisha, pas ikjes nga pushteti. Sipas varianteve të përzgjedhur prej treshes së zverdhur Frangaj-Fevziu-Balliu, deri tani si “vrima” më të mundshme për strukjen e Berishës, janë këto:

1. Vila e Nikolla Arsidit, në Bern të Zvicrës, si mik pazaresh, i dekoruar prej Sali Berishës, në kohën kur ishte president i Shqipërisë.

2. Qendra e lobit anti-shqiptar grek në Peleponez, si shpërblim dhe mirënjohje për për paktin detar që firmosi Sali Berisha si kryeministër, në favor të Greqisë dhe kundër interesave territoriale të Shqipërisë.

3. Në Itali, me ndihmën e Berluskonit, si shpërblim për pazarin e importit të plehrave, duke i akorduar si dhuratë vilën e marokones Rubi, e cila ka mbetur bosh pas skandalit seksual me Berluskonin.

4. Në Bosnjë ose Kroaci, tek fermat e mikut të tij familjar e qeveritar Damir Fazlliç, si shpërblim për trojet në bregdet, për licencën e TEC-it në Porto-Romano dhe për tenderat e import-eksportit të energjisë elektrike, që i ka siguruar Sali Berisha gjatë pushtetit të tij.

5. Në vilën e Diverolit, si ortak zyrtar në aferën korruptive e vrasëse të shitjes së municioneve nëpërmjet Gërdecit, meqë vila aktualisht është bosh, për shkak se Diveroli gjendet i burgosur për trafikun e bërë me Berishën dhe Mediun.

6. Në fermën e Fatmir Mediut në Florida-SHBA, si shenjë sigurie e plotë, mbasi Fatmir Mediu nuk tregon vendndodhjen e Sali Berishës, ose mund të shkojnë të dy së bashku.

7. Vila e Delijorgjit në Greqi, mund të jetë “vrimë” e sigurt, por thonë se këtë variant ia ka kundërshtuar Fahri Balliu, mbasi e shikon si të vetmen mundësi strukjeje për veten e tij.

8. Te vila e “Taçi-Toçit” në Texas-SHBA, si urdhër prej “grupit” por edhe si shpërblim për privatizimin e kompanisë “ARMO”.

9. Te gurorja e Ilir Metës në malet e Skraparit, si vend i sigurt që prej kohës së luftës nacional-çlirimtare, nga ku Enver Hoxha strukej dhe drejtonte operacionet luftarake.

10. Te vila e Ilir Kumbaros në Londër, meqë ajo është braktisur prej tij, për shkak se ai ka gjetur “vrimë” tjetër ku fut kokën, për të mos u kapur nga drejtësia për rrëmbimin dhe zhdukjen e biznesmenit maqedonas, Remzi Hoxha.

11. Kapanonet e punëtorëve të firmës “Bechtel” në Bullgari, konsiderohen një tjetër “vrimë” e sigurt ku mund të struket Sali Berisha, madje edhe duke u hequr sikur është “roje i fjetoreve”, që të mos zbulohet.

12. Tek vila rezervë e Lulëzim Bashës në Belgjikë, e cila nuk kontrollohet nga policia, mbasi Lulëzim Basha njihet si ish-“ekspert” i UMNIK dhe është tepër i besueshëm për policinë.

13. Në fermën e Janullatosit në Selanik, si shpërblim për firmosjen e emërimit të tij, si kryepeshkop grek i Shqipërisë.

14. Në Kërrabë, në tunelin ku u vodh thesari i shtetit (bosh është), çelësat e të cilit i ka Ilir Meta, mbasi nuk i ka dorëzuar qysh prej ditës kur vodhi floririn.

15. Në shtëpinë e Sudes në Babrru, si “vrima” e fundit në rast se për shkak të rrezikshmërisë së tij Sali Berishën nuk e pranon askush nga miqtë e aferave.

Çfarë është LSI?

20:34 Politika

“Anonimja” që “çimka Sali Berisha” ka hedhur “nën derën" e Ambasadës Amerikane, për “TEC-in vrasës të Vlorës”

20:29 Politika

Opozita: Të mbahen njëkohësisht zgjedhjet lokale e ato parlamentare

17:48 Politika

20-vjetori i PD në Berat, Berisha-Ramës: Nuk të hap rrugën ty

17:40 Politika

SALIK pije psikopatike - Çliro Berishën tënd

17:37 Politika

Meta: Të mbrohen institucionet, Rama po rekruton elementë kriminalë në Shkodër, Vlorë, Laç, Durrës e Fier

16:53 Politika

Dritan Prifti paraqitet sërish në prokurori

12:32 Politika

Sarkozi acaron turmën, quan “Gjermani” Alsasën

12:32 Politika

Publikohet lista e dhuratave që ka marrë presidenti Obama

11:28 Politika

Lajmërim derë më derë për demostratën e 21 janarit

11:08 Politika