“La Repubblica”: Opozita e fitoi betejën e saj

Nga Daniele Mastrogiacomo

Opozita socialiste fiton betejën e saj në Shqipëri dhe dominon skenën politike, duke nxjerrë në shesh rreth 100 mijë persona, në një manifestim paqësor, kompakt dhe të heshtur. Edhe frikërat e  vigjilies, që shtynin policinë të paralajmëronte për incidente, u përgënjeshtruan. Për disa orë me radhë, pjesa e vendit që kundërshton politikat ekonomike dhe sociale të kryeministrit Sali Berisha, u soll vërdallë rreth një duzine të afërmish të viktimave, të vrarë nga ushtarët e Gardës së Republikës më 21 janar, gjatë përplasjeve të dhunshme midis manifestuesve dhe demonstruesve.

Të përfshirë nga një heshtje plot tension, por mbi të gjitha nga dhimbja, një turmë grash dhe burrash, pleq dhe fëmijësh, ishte mbledhur para selisë së Partisë Socialiste. Atyre u janë shpërndarë lule dhe qirinj, bashkë me shirita të zinj, që njerëzit i kanë vendosur në krah. Në tingujt e Requim të Moxartit, kortezhi lëvizi në qetësinë më të plotë. Nuk kishte parruga, shënime dhe flamuj. Vetëm fotot e tre viktimave-tre burrave- që mbaheshin në krah nga dy vajza dhe një djalë. Prapa, duke formuar një gjarpërim të gjatë, ndiqnin parlamentarët e opozitës, artisë, aktorë, regjizorë, intelektualë, militantë, qytetarë të thjeshtë. Për të nderuar tre viktimat ndaloi e gjithë Tirana. Dyqante mbyllën qepenat, trafiku u zhduk; njerëzit që ndenjën në shtëpi nga frika e përplasjeve, vëzhgonin të emocionuar nga dritarja. Pavarësisht nga një shi i bezdisshëm dhe një i ftohtë i hidhur, shqiptarët nuk deshën të hiqnin dorë nga ajo që e konsideronin, përtej bindjeve politike, ditën e tyre: një provë e madhe force, që reflektonte një krizë të provokuar nga një paralizë politike prej 18 muajsh.

Edi Rama, lideri i Partisë Socialiste dhe kryebashkiaku i Tiranës, mori pjesë në kortezh në momentin më delikat: kalimin pak metra larg pallatit të kryeministrit, që mbrohej nga dy mijë policë të veshur për trazira, ushtarëve të Gardës së Republikës, telave me gjemba dhe snajperëve të vendosur në ndërtesat ngjitur. Turma qëndroi gjatë në vendin ku u vranë tre personat, duke vendosur lule dhe qirinj.

Sali Berisha zgjodhi heshtjen. Ka ndjekur manifestimin e transmetuar nga televizionet nga studio e tij që ndodhet në katin e dytë, në pallatin që kishte shpëtuar për pak nga masa e manifestuesve. Nuk kishte ulërima, reagime inati, , gjeste instiktive, që mund të provokonin reagimin e policisë dhe ushtrisë. Opozita tregoi një maturi politike ndodhta në momentin e vet më të vështirë. Mbajti tubimin, pavarësisht thirrjeve të ndërkombëtarëve për të hequr dorë, duke u propozuar si udhëheqësja e re e vendit.

Përfshirë nga muzika prekëse që bëhej në përkujtim të viktimave, njerëzit kanë prekur, puthur, përshëndetur fotot e viktimave dhe u përfshi nga një përqafim i madh virtual. Por ishte vetëm një nga fazat e një beteje që do të vazhdojë në ditët në vijim. Janë tre të vdekur dhe kërkohet drejtësi. Është një hetim për të përcaktuar përgjegjësinë e të shtënave, janë 6 manadte arresti për drejtuesit e lartë të Gardës së Republikës për t’u ekzekutuar. Ka një milionë të papunë të përfshirë nga varfëria, që besojnë tek një qeveri e votuar nga mazhoranca, por që tani mbështetet vetëm nga pakica e shqiptarëve.

Drejtësi!

22:00 Politika

Rama: 200 mijë qytetarë, mesazh të qartë botës

21:57 Politika

Reuters: 100 mijë njerëz në protestën homazh të opozitës

18:18 Politika

Rama: SHBA dhe perëndimi mos të lejojnë gjëra që nuk do i toleronin në vendet e tyre

16:50 Politika

Bombë makinës së konsullit shqiptar

12:22 Politika

Bukë dhe dinjitet

12:16 Politika

Mbyllet tubimi paqësor. Mijëra qytetarë morën pjesë në homazhe

10:59 Politika

Meidani dhe Moisiu: Mbështesim fort rolin e presidentit Topi

09:48 Politika

Berisha dorëzon gardistët e akuzuar për vrasje

20:36 Politika

Kryeministri gënjeu për lapsusin e kreut të Gardës, Ndre apo Ndrea?

18:14 Politika