Socialistët Europianë: Nuk ka kompromis me demokracinë. Mbi protestuesit nuk qëllohet me armë

-Deklaratë e ashpër e drejtuesve të Partisë së Socialistëve Europianë: Duhen larguar nga shoqëria fenomeni i korrupsionit dhe vrasjes së protestuesve

-Eurosocialistët shprehin shqetësim edhe për zgjedhjet lokale duke vënë theksin tek mundësia e manipulimeve në Tiranë

Socialistët europianë janë treguar të rreptë me qeverisjen Berisha, sidomos me aktin e vrasjes së 4 protestuesve. Qëndrimi është mbajtur nga drejtuesit më të lartë të Socialistëve Europianë gjatë samitit që kanë zhvilluar ata në Greqi. Presidenti i Partisë Socialiste Europiane,

Poul Nyrup Rasmussen dhe ish kryeministri italian Massimo D’Alema në një konferencë për shtyp gjatë punimeve të Samitit të lartë të të majtës europiane kanë shprehur shqetësimin serioz lidhur me zhvillimet në Shqipëri. Ata kanë kritikuar Berishën për sjelljet e tij të përsëritura autoritare. Dy liderët nënvizuan faktin se me demokracinë nuk mund të bëhet kompromis dhe se nuk mund të qëllohet me armë ndaj protestuesve.

“Mund t’ju them se sot në mëngjes kemi pasur mundësi të diskutojmë situatën në Shqipëri dhe se Edi Rama, lideri ynë na informoi ne, mbi zhvillimet shqetësuese dhe ne i ndoqëm ato që tha me shumë shumë kujdes si pjesë e komitetit tonë që merret me Ballkanin. Besoj që është shumë e rëndësishme të mos bëhet kompromis me demokracinë dhe të insistohet që të largohen nga shoqëria, nga çdo shoqëri, duke përfshirë Shqipërinë, fenomene si korrupsioni dhe përdorimi i dhunës së armëve kundër njerëzve që duan të protestojnë paqësisht,” tha Rasmussen.

Kurse D’Alema tha se kjo sjellje e Berishës po përsëritet për fat të keq. Ai ka shprehur edhe shqetësim për zgjedhjet lokale, sidomos për votimet në Tiranë. “Jam shumë dakord me ju. Mendoj ishte shumë e rëndësishme për ne të shprehim solidaritetin tonë me Edi Ramën. Ne jemi shumë të shqetësuar për situatën në Shqipëri, jo vetëm për korrupsionin, por në të njëjtën kohë për sjelljen autoritare të Kryeministrit Berisha, çka fatkeqësisht është e përsëritur, ne kemi një histori të gjatë me Shqipërinë, si italianë mbi këto çështje, nuk është hera e parë. Majin e ardhshëm në Shqipëri do të ketë zgjedhje lokale, nga të cilat më të rëndësishmet do të jenë në Tiranë. Ne shpresojmë që do të jetë e mundur të mbahen zgjedhje të drejta dhe unë besoj se Europa duhet të ushtrojë presion mbi qeverinë shqiptare që të garantojë zgjedhjet e drejta, dhe ky është shqetësimi dhe solidariteti ynë. Mendoj se duhet të përfshijmë institucionet Europiane sepse Shqipëria është një vend kandidat dhe unë mendoj se Europa duhet të garantojë vlerat Europiane në Shqipëri, ky është qëndrimi ynë,” tha D’Alema.

Berisha e shpall vetë fituesin për ndërtimin e tunelit të Kërrabës

19:30 Politika

Xhaferi ndan PD e Durrësit në tri pjesë. Përkrahësit e Kokës: Do të votojmë Vangjush Dakon

19:17 Politika

Obama: SHBA dhe NATO po konsiderojnë ndërhyrjen ushtarake në Libi

18:10 Politika

Meta: Zgjedhjet e 8 majit janë administrative, jo politike

18:00 Politika

Berisha sulmon Ina Ramën në një takim me drejtuesit e Institutit Demokratik Amerikan

17:53 Politika

Transitions Online: Tiranës po i vijnë mendtë më në fund

16:27 Politika

Grafiku, privatizimet shpërthejnë përpara zgjedhjeve

15:49 Politika

Topi: Partitë, përgjegjësi për zgjedhje sipas standardeve

13:23 Politika

Berisha-Ramës: Dëgjo zërin e qytetarëve, mos u merr me eskimezët e Viçidolit

13:18 Politika

INSTAT: Në shkurt çmimet u rritën 2.3%

12:18 Politika