LETRA/ Eurodeputeti Boshtinaru i shkruan shqiptarëve: Nuk mund të mbështesësh këtë qeveri antidemokratike që vret njerëzit e saj

Eurodeputeti rumun, Viktor Boshtinaru, i cili u sulmua ashpër sot nga kryetarja e Kuvendit, Jozefina Topalli, e cila e krahasoi me Çausheskun, i shkroi sot një letër shqiptarëve, duke thënë se refuzonte t’i përgjigjej sjelljes së ulët të Topallit pasi kjo do ishte ulje dinjiteti. Zëvendëskryetari i delegacionit të Parlamentit Europian për Europën Juglindore, shkruan me shumë pesimizëm se ai e do popullin shqiptar, por tani brenda tij po zhvillohet një betejë. “Nga njëra anë janë ndjenjat e mia për Shqipërinë, nga ana tjetër është përpjekja për të kuptuar atë që po ndodh aktualisht atje. Është e vështirë që të mbështesësh një qeveri të tillë kaq antidemokratike, kaq të korruptuar, që vret pa hezitim njerëzit që duhej të mbronte vetëm pse po protestonin paqësisht,” shkruan në letër Boshtinaru.

Më poshtë letra e plotë e Boshtinaru:

“Më lejoni t’ju drejtohem juve me pak fjalë, të cilat nuk synojnë të jenë një përgjigje ndaj deklaratës së bërë në 24 shkurt në Parlamentin shqiptar nga kryetarja e Kuvendit dhe që habitshëm u përsëritën edhe sot në Parlamentin Europian, por më shumë kanë për qëllim të qartësojnë rëndësinë që unë i kushtoj Shqipërisë dhe se cilat janë parimet që udhëheqin aktivitetin tim në favor të vendit tuaj si anëtar i Parlamentit Europian, nënkryetar i Delegacionit për Marrëdhëniet me vendet e Europës jug-lindore dhe si nënkryetar i Komitetit Parlamentar për Stabilizimin dhe Asociimin BE-Shqiperi. Përgjigjia ndaj sjelljes së mjerueshme të kryetares së Kuvendit të Shqipërisë do të nënkuptonte dobësim të dinjitetit tim, ndaj për këtë arsye unë preferoj të ndjek një sjellje tjetër për të informuar opinionin publik për situatën e vërtetë dhe për çfarë po ndodh sot në Shqipëri. Gjithçka kam bërë në jetën time politike, si në Rumani dhe në Parlamentin Europian, është udhëhequr nga vlerat, vlera si demokracia, solidariteti, funksionimi i mirë i institucioneve demokratike. Vlera dhe ideale që më kanë bërë të ndihmoj dhe mbështes të gjitha vendet që aspirojnë të bashkohen, sic bëri dhe vendi im së fundmi, në Bashkimin Europian. Jam një mik i vjetër i Shqipërisë dhe për këtë arsye, bashkë me idealet që shpjegova më parë, luftova, po luftoj dhe do të vazhdoj të luftoj për një Shqipëri më të mirë, me shpresën që së shpejti për një Shqipëri europiane. Nëse kjo ndonjëherë përfshin sulme apo dënime ndaj disa sjelljeve politike, sigurisht që unë nuk do të hezitoj për të vazhduar kështu. Sepse qëllimet e rëndësishme nuk janë kurrë të lehta për t’u arritur dhe kur tregohesh i butë në disa raste, më shumë dëmton sesa ndihmon. Nuk kam hezituar kurrë të dënoj udhëheqësit rumunë kur ata thyen rregullat bazë të demokracisë, apo dhunuan të drejtat themelore bazë dhe në të njëjtën mënyrë unë u solla edhe me udhëheqësit e huaj kur ishte rasti. Përsëri, në të njëjtën mënyrë u solla ndaj Shqipërisë, kur nisa të kuptoj se gjërat po shkonin në drejtimin e gabuar. Por, nëse kjo është mënyra sesi funksionon me politikanë të tillë si zonja Jozefina Topalli, apo anëtarë të tjerë të Partisë Demokratike në Shqipëri, unë duhet të jem i qartë për të thënë se ky nuk është rregulli që zbatohet në Parlamentin Europian dhe Bashkimin Europian. Në fakt është fiks ajo çfarë ne këtu e dënojmë dhe e refuzojmë. Do të dëshiroja t’ju tregoja, miqtë e mi shqiptarë, se brenda meje ka sot një betejë të brendshme të madhe. Një betejë mes ndjenjave të mia ndaj Shqipërisë, popullit shqiptar, kulturës tuaj dhe aspiratave tuaja për BE-në në njërën anë dhe në anën tjetër arsyetimi për situatën aktuale. Është vërtet e vështirë që të mbështes një qeveri të tillë, kur ka sjellje të tilla antidemokratike, korrupsioni i nivelit të lartë duket se është shndërruar në normalitet, nuk ka hezitim për të qëlluar ndaj atyre qytetarëve që në fakt duhet t’i mbrojnë, vetëm pse ata protestojnë paqësisht. Unë shpresoj se Shqipëria do të arrijë të dalë nga situata aktuale sa më shpejt të jetë e mundur, shpresoj më e fortë se më parë dhe me të gjitha kriteret e nevojshme për të nisur sërish progresin e saj për integrimin drejt BE-së. Ndërkohë, unë do të vazhdoj pa hezitim të mbështes të gjithë ata njerëz që përpiqen për të ardhmen e Shqipërisë dhe të luftoj të gjithë ata që përpiqen të përziejnë interesat e tyre personale me ato të vendit të tyre”.

Shpëtim Idrizi e ktheu PDU-në e çamëve në QTU të Saliut

17:47 Politika

Fyle, i shqetësuar për transparencën e zgjedhjeve dhe lirinë e medies

15:37 Politika

Përplasja Boshtinaru-Topalli edhe në PE

13:26 Politika

Berisha në mbledhjen e qeverisë: Shmangni dhunën në fushatë

11:21 Politika

Supriza e pritshme e Rakip Sulit në Kamëz

11:16 Politika

Lezhë, vdesin pranë një kabine elektrike burrë e grua

10:27 Politika

Burgaj hedh poshtë akuzat e Prençit: FNSH nuk vepron pa urdhrin e policisë

10:20 Politika

Himarë, mbishkrime antishqiptare në gjuhën greke

09:47 Politika

Berluskoni: Në 2013 do largohem

09:33 Politika

Armiq të hershëm. Letra e Edi Ramës për Sali Berishën në nëntor '94

08:18 Politika