Te fundit
Shuhet Ernesto Sabato, shkrimtar arbëresh. Topi: Ishte mbështetës i shqiptarëve
30 Prill 2011, 22:28Politika
TEMA
Është shuar sot në moshën 99 vjeçare shkrimtari i njohur argjentinas me origjinë arbëreshe, Ernesto Sabato. Ai kishte fituar disa nga çmimet më prestigjioze në mbarë botën letrare dhe kishte mjaft ndikim në literaturën e Amerikës Latine. Ai vdiq dy muaj përpara se të mbushte 100 vjeç në Argjentinë.
Presidenti i Republikës Bamir Topi, pasi mori vesh lajmin e ndarjes nga jeta të shkrimtarit të shquar Ernesto Sabato, shprehu hidhërimin për këtë humbje duke kujtuar edhe lidhjen e veçantë të Sabatos me Shqipërinë.
“Me hidhërim të madh mora lajmin e ndarjes nga jeta të shkrimtarit dhe personalitetit të shquar argjentinas Ernesto Sabato, i cili mban dekoratën e lartë të shtetit shqiptar, “Nder i Kombit”. Sabato gjithnjë e theksoi lidhjen e tij të gjakut me vendin tonë, ai ishte admirues dhe mbështetës i Shqipërisë dhe shqiptarëve. Humbja e tij është një humbje e madhe për kulturën botërore, si një nga zërat më të fuqishëm të letërsisë së shekullit XX. Ai përfaqëson një intelektual jokonformist, një personalitet me angazhim të njohur në mbrojtjen e të drejtave të njeriut, një simbol në rezistencën kundër çdo forme të autoritarizmit. Në këto momente të hidhërimit të thellë, sjellim në mendje vizitën e tij në Tiranë më 1996, takimet e tij të paharruara me intelektualët dhe shkrimtarë shqiptarë, si dhe fjalën e tij emocionuese për origjinën e tij të largët shqiptare, në ceremoninë e marrjes së dekoratës së lartë, “Nder i Kombit”,” thuhet më tej në deklaratë.
1 komente në “Shuhet Ernesto Sabato, shkrimtar arbëresh. Topi: Ishte mbështetës i shqiptarëve”
Comments are closed.
Lini një Përgjigje
Më të lexuarat
24 oret e fundit
Javen e fundit
Blog Tema
I shkreti paska ardhe atehere kur Tirana ka qene e mbytur me teneqet dhe kioskat e salihit si tregues te prosperitetit te Shqiperise nen sundimin e tij.