PD mbyll fushatën, Berisha e Basha protagonistë të vetëm

Partia Demokratike dhe aleatët e saj kanë mbyllur fushatën elektorale për 8 majin nën fishekzjarret në sheshin Nënë Tereza. Protagonistë të vetëm të këtij mitingu ishin Sali Berisha dhe Lulzim Basha duke sfumuar krejtësisht aleatët, të cilët nuk kishin as vend në tribunë, por poshtë saj. Kreu i LSI-së Ilir Meta ishte në rrjesht me deputetët e PD-së, ndërsa kreu i republikanëve Fatmir Mediu dhe ai i partisë çame Shpëtim Idrizi nuk u kapën nga kamerat dhe pse flamujt e partive të tyre valëviteshin pranë flamujve të PD-së. Nuk mund të mos binte në sy takimi i përzemërt dhe puthjet që shoqëruan takimin e Bashës me drejtues të lartë të PD-së, të cilët nuk janë shfaqur fare në krah të tij në këtë fushatë. Megjithëse njihen si rivalë brenda partisë dhe nuk kanë komunikim me njëri-tjetrin, Basha është përqafuar para kamerave ngrohtësisht me kryetaren e Kuvendit, Jozefina Topalli. Më tej ai përqafoi dhe deputetë të tjerë, drejtues të vjetër në selinë blu, Ridvan Bode, Sokol Olldashi, etj, ndërsa mori gjithë vëmendjen e atij mitingu. Kryeministri Berisha, i cili për herë të parë foli në kryeqytet u shfaq me zë të ngjirur nga mitingjet e shumta në rrethe. Ai e nisi fjalimin duke iu drejtuar Lulzim Bashës si qytetari numër një i ardhshëm i Tiranës dhe kërkoi votën për të. Gjithashtu Berisha ngriti lart dhe emrat e kandidatëve të tjerë në rrethe. Ndërsa Lulzim Basha, i cili foli i pari në miting dhe shumë më gjatë se Berisha ripërsëriti dhe një herë premtimet e tij dhe kërkoi votën duke akuzuar kryetarin aktual të Bashkisë se merret me sherre politike dhe jo me hallet e qytetarëve. Nga sheshi “Nënë Tereza” kryeministri Berisha i ka kërkuar të gjithë shqiptarëve të votojnë alternativën e tij, si e vetmja që hap rrugën e Europës, ndërsa qytetarëve të Tiranës t’i japin votën Bashës, i vetmi sipas tij që do punojë për Tiranën jeshile, për Tiranën e shëndetit. “Qytetarë dhe qytetare krenarë të mbarë Shqipërisë, ju bëtë realitet ëndrrën shekullore të lëvizjes së lirë. Ju bëtë që Shqipëria të jetë destinacioni turistik i globit. Shqiptar dhe shqiptare kudo që jeni, sot secili prej nesh, ka vetëm një ëndërr: Tiranën e zhvilluar, Shqipëria e zhvilluar, Tiranën Europiane, Shqipërinë Europianë. Qytetarë dhe qytetare vota për Lulzim Bashën është vota për të ndërtuar së bashku Tiranën jeshilë Tiranën e shëndetit”, tha kryeministri Berisha. Kryeministri Berisha i kërkoi të gjithë shqiptarëve të mbajnë së bashku, zgjedhjet më të lira dhe më të ndershme në histori, pasi sic tha ai, ato vulosin të ardhmen tonë. “Le të shkojmë në këto zgjedhje që mbahen në ditën e ngadhnimit të lirisë dhe vlerave, në ditën e zotimeve tona ndaj vlerave. Le të nderojmë ne miqtë tanë që na mbështetën. Të vulosim të ardhmen tonë me votën e lirë”, shtoi kreu i qeverisë.

Basha: Kam fshirë lot të pabindur larg kamerave

Fjalimi i fundit i fushatës për kandidatin e mazhorancës Lulzim Basha ishte më shumë se sa melankolik. Ai ka arritur deri atje sa të thoshte se kishte lotuar gjatë kësaj fushate, duke fshirë lotët larg kamerave (të cilave kamerave, sepse nuk njoftonte asnjë media për aktivitetet). Basha duke rendur të ishte sa më I dhimbsur në fjalimin e  fundit tha se “këto javë pranë qytetarëve të Tiranës, përjetova një zgjim të ndjenjave më të forta, dhe ju rrëfej se ndonjëherë larg kamerave kam fshirë edhe ndonjë lot të pabindur por të hidhur, por Tirana nuk ka nevojë për lot dhe as për ambicie personale”. Ai ka sulmuar kundërshtarin e tij në këtë garë, kryebashkiakun aktual prej tre mandatesh Edi Rama duke e akuzuar se merret me politikë dhe jo me hallet e Tiranës. “Tirana ka nevojë për kontributin e bijve të saj të devotshëm e idealist. Askush nuk mund të drejtojë nëse nuk dëgjon, por dëgjon vetëm jehonën e zërit të ambicies së tij politike”, u shpreh pretendenti për qytetar të parë të kryeqytetit. Sipas tij një kryetar bashkie që merret me betejat e tij politike nuk i zgjidh dot problemet e qytetarëve, prandaj shtoi ai sot është koha për një kryebashkiak që vë të parin qytetarin dhe të parën Tiranën. Basha vazhdoi akuzat ndaj Ramës duke thënë se ai nuk merr përsipër të krijojë vende të reja pune dhe nga ana tjetër siç tha Basha ka si qëllim luftën politike e bllokimin e projekteve për qytetarin.“Kam premtuar dhe do realizoj vende të reja punë, unazën e Tiranës, investime të reja. Kryetari Ramas thotë se nuk është detyra e tij për vende punë, për mua vendet e punës për ju, prioriteti numër një. Unaza e re çliron trafikun, Rama kundër unazës sepse refuzon të bashkëpunojë më kundërshtarët politikë, duke e mbajtur këtë projekt peng. Kryetari Rama ngre duart përpjetë për çmimet, unë mendoj se ai duhet të jetë i pari në krye të punëve dhe përgjegjesive të tij”, shtoi Basha.

Të votosh Lul Bashën është njësoj si të votosh Esat Pashën

09:47 Politika

E-mail me kërcënime për jetën ndaj drejtorit të gazetës Tema

19:49 Politika

PS nis mitingun, vonesa për mitingun e PD-së

19:47 Politika

Boshatisen ambasadat, diplomatët kthehen në Tiranë për votime

19:28 Politika

Myftiu si këngëtar hip- hopi, me makinë luksoze e me targa të personalizuara

16:06 Politika

Ku janë Bin Ladenët e tjerë? (FOTO)

13:42 Politika

Presidenti Topi, mesazh për zgjedhjet e 8 majit

13:28 Politika

SKANDALI/ Një tjetër provë e trukimit të kampionatit shqiptar

12:50 Politika

Nëse do të ishte shteti i së drejtës, këta të tre do të dënoheshin si bashkëpunëtorë!

12:48 Politika

2 mijë lekë kushton një votë në Durrës, ja se si blihet

12:23 Politika