Te fundit
Është e mundur tash për tash një aleancë PS-LSI?
12 Gusht 2011, 10:21Politika
TEMA
Nga Preç Zogaj
Partia Socialiste është një parti e madhe. E përçarë apo jo, e mbedhur apo e lëshuar, e freskët apo e lodhur, në ditë të mrië apo në ditë të keqe, me lidërship konservator apo liberal, ajo ka arritur gjithnjë të grumbullojë shumë vota dhe të dalë e para më shpesh se rivalja e saj e drejtpërdrejtë, Partia Demokratike. Në lidershipin e ri të Edi Ramës, kjo parti ka rifituar kuotat e mesatares më të mirë ndër vite dhe është konfirmuar si partia e parë në vend me rreth 40-42 përqind të votave të shqiptarëve. E gjithë kjo, megjithë skizmat e pazakonta, aktive apo të fjetura, të frymëzuara nga ish-kryetari i saj historik, Fatos Nano; megjithë gërryerjet, spostimet dhe trasfertat elektorale në dëm të së majtës që ka prodhuar përfshirja e LSI-së në qeverinë e Partisë Demokratike; megjithë trysninë e jashtëzakonshme dhe manipulimin e dokumentuar të zgjedhjeve nga pushteti i Berishës.
Fakti që kjo parti ka dalë sërish e para edhe në kushtet e një goditjeje të trefishtë si kjo që shënuam më lart ka shpjegimin e vet. Në artikujt dhe librat e mi kam shkruar gjerë e gjatë përse Partia Socialiste e Shqipërisë është e vetmja parti ish-komuniste e Lindjes që as është shpërbërë, as është zvogëluar në demokraci. Është një temë për të cilën analistët dhe publiku i gjerë kanë mendime nga më të ndryshmet. Nuk do të rimerrem sot me të. Pavarësisht si komentohet, pavarësisht se dikujt i pelqen e dikujt jo, forca e PS-së mbetet një fakt i kryer. Edhe në zgjedhjet e ardhshme kështu do të jetë. PS do të dalë sërish partia e parë në vend.
Por…por, edhe pse parti e fuqishme, edhe pse parti e parë, PS nuk i fiton dot zgjedhjet e vetme. A është ky një hendikap politik? Absolutisht jo. Nga një anë, fakti që PS nuk fiton dot e vetme duhet parë pozitivisht. Pushteti absolut i një shumice homogjene njëpartiake është kurdoherë më i rrezikshëm se pushteti i një shumice që formohet nga një parti kryesore në aleancë me një apo dy parti më të vogla parlamentare. Nga ana tjetër, i njëjti fakt duhet parë edhe me shqetësimin e domosdoshmërisë së rrotacionit të pushtetit si një interes demokratik dhe kombëtar në një moment të caktuar. Ky moment ka ardhur, por është penguar e vazhdon të pengohet piksëpari nga arbitrariteti i qeverisë që nuk respekton votën e lirë. Si do të vijë ateherë rrotacioni ? Kushti themelor mbeten zgjedhjet e lira e të ndershme. Por jo i vetmi. Ka edhe plot kushte dhe kërkesa të tjera që lidhen me organizimin, me programin dhe aksionin politik të opozitës. Në këtë rrafsh zhvillohen e kryqëzohen shumë opinione, ide, propozime. Është shenjë vitaliteti që një opozitë e madhe dhe përgjithësisht e iluminuar si kjo e Shqipërisë së sotme të ziejë nga mendimet dhe idetë e larmishme në lidhje me rrugët e fitores, duke filluar me opsionin e fitores së PS-së pa aleatë e duke përfunduar me opsionin e fitores në aleancë me LSI. Gjithë ky diskutim, që nuk mund të mos ketë skarcitetet e veta, duhet të mpikset në një qëndrim politik unik,që respektohet e zbatohet nga të gjithë. Opsionet e lartpërmendura, përshembull, janë opsione ektreme dhe madje të pamundura për zgjedhjet e ardhshme. Opsioni i fitores pa aleatë, një opsion i pazëshëm që disa socialistë e përkedhelin në ëndrrat e tyre intime, mbështetet në teprimin e qeverisë deri aty ku nuk mban më me bëma antipopullore dhe antidemokratike, në krijimin e një situate shumë të zymtë kur shumica e zgjedhësve, të rendur, të zhgënjyer dhe të flakur në kufijtë e mbijetesës, të dëshërojnë të votojnë edhe djallin vetë, vec të heqin qafe rregjimin e Berishës. Kjo votë e ashtuquajtur “negative”, që për më tepër i lihet rastësisë, pra s’dihet kur do të vijë, është shnjerëzore nga një pikpamje. Atë mund ta ëndërrojnë vetëm individët që jetojnë si veshka mes dhjamit dhe nuk duan t’ja dinë fare për gjendjen e vendit dhe qytetarëve. Fitorja me “votë kundër” nuk ka kurrë përgjegjësinë e fitores me “votë pro”. Fitorja me “votë kundër” nuk garanton ndryshim, zhvillim dhe progres. Prandaj duhen kombinuar që të dyja. Vota kundër qeverisë me votën pro alternativës së opozitës. Opozita ka për detyrë ta krijojë përpara popullit kauzën e re të progresit dhe jo të presë rënien e qytetarëve në batak për t’ju afruar atyre si shpëtimtare e rreme.
Fatmirësisht, nuk do të ketë një fitore të PS-së pa aleatë as në zgjedhjet e ardhshme dhe besoj asnjeherë.
Po ashtu, në ektremin tjeter, nuk shoh ndonjë perspektivë reale në krijimin e një aleance elektorale PS-LSI për zgjedhjet e ardhshme. Këtu nuk kam parasysh marrëdhëniet e dëmtuara individuale mes Ramës dhe Metës. Sado që marrëdhëniet individuale kanë rolin e tyre në politikë. Por, sic e kemi parë në sa e sa raste në Shqipëri dhe në botë, politika i kalon me lehtësi pengesat individuale. Ndërkohë që nuk e ka të lehtë me pengesat e natyrës politike. Një koalicion mes PS dhe LSI-së në kushtet e sotme pengohet dhe pamundësohet nga arsye strikte politike. “Kurrë mos thuaj kurrë”, thotë shprehja e famshme. Por ne nuk po flasim për dekadën e ardhshme. Po flasim për zgjedhjet e ardhshme. LSI është një parti qeveritare në koalicion me PD-në. Është shume sempliciste dhe madje qesharake të bëhen hesapet e fitores me një parti që aktualisht mban në këmbë vetë qeverisjen. Po të ishte kështu, fitorja do të ishte me e sigurt me PD-në, meqenese ështe parti më e madhe!!! Mënjanë shakatë, LSI duhet të dalë fillimisht në opozitë pa të shtrohet çështja e një kualicioni mes saj dhe PS-së. LSI ka qenë në opozitë dhe nuk ka bërë koalicion me PS-në. Merret me mend sa i largët dhe sa hipotetik është ky opsion tani që LSI është në qeveri me PD-në. “Diskutimet” për një koalicion eventual të PS me LSI rëndom sponsorizohen nga qeveria për të krijuar tollovi dhe për të treguar një gjendje krize në gjirin e PS-së dhe Opozitës së Bashkuar. Për qëllime krejt të tjera, pozitive patjetër, ka ndodhur e ndodh që këtij opsioni ti bëjnë jehonë në forma të ndryshme edhe politikanë të vecantë të opozitës. Po e përsëris. Është një opsion naiv dhe semplicist që vjen nga një analizë e gabuar, sikur nuk ka mbetur rrugë tjetër për të fituar. Për një opozitë, të llogarisë t’i fitojë zgjedhjet me ndihmën e një partie qeveritare, do të thotë të nënshkruajë paraprakisht humbjen.
Opozita shqiptare dhe Partia Socialiste si zemra e saj i kanë të gjitha mundësitë të fitojnë pa qenë nevoja të bëjnë bukë me miell hua apo të huaj. U mjafton të kapitalizojnë dhe çojnë përpara arritjet e vështira por jetike drejt zgjedhjeve të lira, përfshirë lakuriqësinë ndërkombetare të rregjimit votvvjedhës në fuqi, i cili nuk ka më maskë tjetër për të hequr veç të heqë edhe lëkurën; u mjafton të kapitalizojnë dhe zhvillojnë me një marrëveshje të plotë vlerat e Opozitës së Bashkuar si lëvizja politike më e rëndësishme në vend përgjatë vitit 2010 deri në prag të zgjedhjeve të majit 2011, por që nuk qe në lartësinë e saj në këto zgjedhje; u mjafton të bashkojnë në një platformë të votuar tërë aktorët dhe faktorët e PS-së nga Tirana në fshatin me të largët; u mjafton të fitojnë skenën e plotë të opozitarizmit dhe përgjegjësisë; u mjafton një hapje e re ndaj shoqërisë dhe vlerave; u mjafton një program zhvillimi ku të gjejnë përgjigje pyetjet e sotme dhe të neserme të vendit.
27 komente në “Është e mundur tash për tash një aleancë PS-LSI?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
LSI duhet te dale e jashteligjshme si parti……qellimi i saj eshte vetem vjedhja…
Te gjitha Partite duhet te dalin jashte LIGJIT,te gjithe vetem per te VJEDHUR e kane mendjen.Cfare programi i ofron shqiptarve Edi Rama qe i fitoka zgjedhjet duke bere buke pa miell hua.PALLAVRA shkruan dhe ti more Prec,PALLAVRA.Ne grurin e marrim nga Serbi,parate i fitojme ne Greqi e Itali.Te huajt vijne vetem per te rrjepur ato pasuri qe kemi,pastaj largohen.Partia socialiste nuk ka asnje program si mund te ndryshoje ky vend,si do punsohen njerzit.Te gjitha Partite duhet te dalin jasht Ligjit dhe te krijohet KOMITETI i SHPETIMIT te SHQIPERISE.Poshte KAPITALIZMI qe po na vret se gjalli.Partia SOCIALISTE duhet ta ndroje emrin ta beje Partia e FRIKACAKEVE,Partia PASIVE .Turp qe e mban emri “socialiste” kjo Parti.Ata nuk e dine cfare do te thote sociale,kur njerzit skane buke me hanger,kur papunsia rritet cdo dite,kur kemi permbytje cdo vit,kur na vidhet e drejta,kur vritemi dhe masakrohemi.kur shitet atdheu dhe nderi kombetar.Pallavra po shkruan more Prec.Pallavra.Partia socialiste ka DEGJENERUAR.
sna shkruajte asnje gje per PD………
sepse te gjitha permbytjet kane ardhur qe kur PD ka qene ne pushtet dhe ju duket me mire te jetojne ne uje se ne toke. haha.
po pse nuk fiton Hysni Milloshi ne Shqiperi kur gjendja qenka kaq keq sa po e paraqet ky “Dibrani” se vetem Dibran nuk mund te jesh ,ka shume mundesi te jesh Gjirokastrit????!!!!!!
ketije edi plehres ju prishe cesmja e lekeve kerkon ta hape me ilija meten qe qe shkaktari i vrasjes te 4 njerezve te pa fajshem . . zoti i denofte
keto nuk jane pune te edit,,,,,,po jane punet e berishes,qe e ka motivin e tij perca e sundo,,,,,me nje PS te zhgaravitur berisha pretendon edhe 30 vjet ne politike.
dhe ne fakt po ja del
po te kisha pritur nga keta nduresire politikane hajdute e kriminele do te kisha fatin e mjere
nqs kjo aleance ndodh , un do jem i pari qe do ta haroj njeher e pergjithmon ate vend. ateher do e them me plot gojen qe shqiperia ska per tu bere kurre . te lesh nje far ilir mete qe nuk ka parti por thjesht nje grupim hajdutesh te bej ligjin ne shqiperi , ky eshte kulmiiiiii
Po partit tjera qe sjan me PS?
Nuk behet aleanca me psikopat!
Ka qeveri qe jan ne minorance me vota por ato bashkepunojne per vendin e tyre. Vendi duhet te kete nje qeveri e jo sic preptendohet qe sa here te mos kete nje fitues “total” te shkohet prap ne zgjidhje. Vetem mendone se sa para keto partit politike derdhin neper fushat zgjedhore… Dhe ju do thuani qe eshte ne rregull te bejme prap zgjidhje? Po nag vine ato para?
Me fal po me duket se ke lajthitur.P.S.eshte fituse e te gjitha zgjedhjeve ne vendin tone dhe humbesi perjetshem Saliu vetem i vjedh ato.Do te ishte mire te shtrohej pyetja se si opozita te ruaj votat e saj,kjo po ja vlen te diskutohet.Sa per aleance me L.S.I.ne te te vije turp qe te shkon nder mend,apo ke mare ndonje coske nga Iliri per kete loje te felliqur.L,S,I.ja eshte parti zagaresh qe me votat e popullit BERISHA LARGOHU,e mban kete te fundit ne pushtet.Iliri duhet te jete ne biruce dhe jo ne qeveri.
Jam dakort ne pergjithesi me z.Zogaj,por para se te behet kjo analize,duhet pritur berja e reformes zgjedhore.
Rifutja e sistemit zgjedhor mazhoritar,e defaktorizon lsi
Na ka gjetur te papergatitur demokracia
Saliu e ben mire rolin e Beut populli e ben mire rolin e bujkrobit ndersa opozita shihet si prishese e rendit feudal.
Bardhi ka te drejte, po te mbajme parasysh sistemet zgjedhore te vendeve me demokraci te konsoliduar.
Vetem nje sistem mazhoritar do te “nxjerre nga loja” grupimet mafiozo-politike te tipit LSI . Sipas mendimit tim asnje presje nuk mund ti hiqet artikullit te Precit. Preci prej kohesh eshte afirmuar si nje skolar (dijetar) i politikes shqiptare. Ne kete analize i mungon rruga e zgjidhjes se ngercit politik qe ka kapur Shqiperine, si nje vend ku vidhen votat qe nga viti 1996. Propozimi i Bardhit e kompleton kete analize. Tashti e mbrapa duhet te votojme direkt per njerezit (kandidatet per deputet) dhe jo per listat mafioze te kryetareve te perjetshem te partive politike shqiptare.
Durim Shumi
Me duket perseritje per te komentuar ne lidhje me koalicionin sepse kam komentuar para pak ditesh ku dhe, jam kunder kualicionit me LSI-ne qe jane hajduta. Te mos i shkoje ne mendie PS-se te beje koalicion me hajdutat e LSI-se.
Plehra Edi Rama pi..ka personale e Sali Berishes. Je 100% fajtor per gjakun e 4 te pafajshmeve vrare ne 21 janar nga Saliu. Je nje kurve e etur per pushtet.
Ton. Ja ke fut kot plako. Po ai qe i vrau s’paska faj fare.
Aleance parazgjedhore as qe duhet te behet fjale me leshte e Saliut e Ilirit(L.S.I).
Nuk jam dakord me sistemin mazhoritar sepse partite qe jane ne pushtet do bejne te pamunderen me ane te kercenimit,ryshfetit,vjedhjes dhe vete kandidatet e emeruar prej tyre me rrethin qe kane e me kriminelat qe i rrethojne qe nuk jane te paket sepse kane llumin e shoqerise plus parate e pista dhe keshtu do demtonin shume P.S eshe ne at bastione ku jane te sajat.
Nuk ishte faji i sistemit proporcional qe e la PS ne opozite ne zgjedhjet e kaluara,por te jeni te bindur qe plus vjedhjes se votave,Berisha akoma nuk ishte i urryer nga populli sic eshte tani,plus shume njerez besuan tek Meta se eshte me radikal se Rama kunder Berishes dhe e dhane voten pro tij per te zhdukur Berishen.
Pra sic shihet po te votohet direkt per partite dhe liderat e saj bile po te ishte e mundur listat e deputeteve te mos beheshin publike per popullin plus ruajtja e votes qe ne kete rast eshte me e lehte sepse ndikimi partiak ne krahasim me ndikimin direkt te kandidateve eshte me i dobet dhe fenomeni tjeter qe ndodh tek ne dhe qe ka ndikim te madh eshte dhe duhet pranuar se bie fjala nje person mund te jete me mish dhe shpirt per PS por per hire te kandidatit qe e ka te vetin ose i ndikuar direkt prej tij jep voten kundr partise qe deshiron.
Une jam i bindur qe neqoftese do ruhet vota PS do marre mbi 80 deputet.
Po do thoni ju eshte e veshtire te ruajme voten, atehere une sugjeroj nje rruge tjetr mbrojtja me mire eshte sulmi,domethene edhe ne dime te vjedhim,pra me cdo kusht duhet zhdukur kjo kolere.
z PREC , Faleminderit per analizen e mesiperme.E VERTETA . eshte qe PS ESHTE NJE DRAGUA.qeperfaqeson shumicen e popullsise,edhe pse me 8 Maje ja vodhen votat,ajo si parti e vetme mori me shume vota. Aleancat duhen sepse trimi imire eshte me shoke shume, por me ilirin ne vecanti nuk behet aleance AI ESHTE SADIST, HAJDUT,kariierist, aventurier,trafikant etj. ndersa elektorati eshte i majte e duhet te jete me PS. dhe jo me sali xhelatin,,qe cdo dite pasuron familjaret e tije dhe gjithe pushtetaret. MOS I GEZOFSHIN.
Per deshiren time Rama po vepron mire, qe kurr mos me arrdhur ne pushtet,deri te mos ket nji program e kurfar ideje,pos frikes ballafaqimit e me Ruqa,GJinusha,Preqa,Dokla Nghela ky mjeran ender le ta shef per me qen i pari i SHqiptareve.Qka i vyen Rama shqiptareve si g……ne krye te kopees se dhenve.Ja u qeli SALA syte ,falenderoni ZOTIN.
cpo thot ti mo halimi. a e bere shkollen e fillores ti mo mik apo ke kapercyer fillore dhe ke shuar e bere shkollen ne kohen e demokracise dhe na shkruan dy rreshta te qelbura ketu qe as te merret vesh cpo flet. hajde bari dhishe hajede.
PO QFAR JU DUHET RAMA OR TALIBANA SOCIALIST KUR ATE NUK E NJEH AS KOSOVA E MAQEDONIA
Kane fillu serbet te mesojne shqipen!
ke te drejte te perkrahesh mikun e Fazlliceve o mjeran
duhet te hyj gjembi ne kembe qe te dhembe kemba
ne kohen qe kosova digjej Sali tradhtari ushqeu me karburant
makinen vrasese te Milloshevicit,por ti o Hale(im) si duket ke perfitu
duke shit karburantin qe te ofronte kusaria e pushtetit…
te besh aleance me lsi-ne eshte nje lloj si te besh aleance me me tradhetare, me hajdut, me vrases. te behet aleance me pjesen e lsi-se qe distancohet nga hajduti meta, mik i trafikantit e vrasesit almir rrapo, mbeshtetes e bashkepunetor i vrasesit e tradhetarit lulezim basha per te fituar ose edhe grabitur mandatin e kryetarit te bashkise se tiranes. ilir meta ke miqesi te ngushte me armikun e kosoves tadic.lir meta tani eshte nje hajdut i madh qe karrigen e perdor per te vjedhur e per te vene pasuri me cdo mjet. bile po konkuron berishe ne kete fushe. kac islami, andis harasani e nano fatosi jene tashme pjese e kesaj bande. edhe meta e ka quejt berishen edhe nanon bandit. ke mbeshteti iliri, kac islami ne zgjedhje. mbeshteti bandit e vrases te qeverise bandite e tradhetare. ka thene ndonje fjale kaci e arben malaj apo nano harasani per per faljen teritorit shwqipetar greqise, po per vrasjet e 21 janarit. si mbrojti arben malaj mandatin e kondidatit socialist te tiranes. pse nuk kandidoi arben malaj per krytar bashkie ne tirane po kaci, harasani apo blushi pse nuk kandiduan me siguri as me mesila doden ose eduard halimin nuk do te kishin marre me shume se 7-8 pwerqind te votuesve te kryqytetit, te raportoje kac islami si e ndertoi strategjine fituese dhe c’beri per ta realizur. me diskutimet e intervistat e tij cfar programi fitues ka shpalle per ps-ne. pervec aleancave me hajdut e te koruptuar si ilr meta nuk dime ndonje tjeter, po harrove edhe me pijamneci nano qe i pire pti thene se do kandidoje per krytar bashkie ne tirane. edhe fatosin do ta kishte mundur erla mhilli. pika qe su bije o te shplare e te ndyre.
Une vet do e shtroja ndryshe çeshtjen e koalicionit me LSI-ne. E para qe,” kurre mos thuaj kurre” eshte e vertete.Por me Ilir Meten dhe ata qe jane pas tij nuk mund te kete koalicion.Ata e treguan se qellimi i tyre nuk ishte thjesht integrimi por grabitja e ketij vendi me nje shpejtesi maramendese sepse kishin 8 vjet qe ishin jashte qeverisjes( Iliri pas largimit nga PS ne 2003).Mendoj qe duhet punuar fort me ata qe votojne(ose me sakt me ata qe administrojne votat) sepse vetem keshtu mund te largohet njehere e pergjithmone e keqja e ketij vendi,dyshja makute Sali-Ilir & Co.Nuk mundet qe nje grusht plehrash LSI-je, te felliqin gjithe pjesen tjeter vetem e vetem per nje karrike LESHI qe e ka mbas bythe per te vjedhur çdo te mire te ketij vendi. Ne se vertet do te ndodhte kjo,te jeni te sigurte qe nje pjese e konsiderueshme e majte do jete jashte votimeve ne shenje proteste per nje koalicion turpi,dhe kjo do te thote prape nje opozite 4 veçare. Me mire te punohet fort me zgjedhesit dhe te arrihet nje fitore e paster sesa nje koalicion antivlere dhe pa perspektive.Te gjithe e kujtojme cberi Iliri per ate karrike te felliqur ne kohen e Nanos. Dhe qe prej atehere ai nuk mendon me per te majten ne teresi por per ty fryre me keq se ç’eshte fryre.
O z. Preç…merru me ndonji propozim tjeter….nuk ke nevoje me dhane mend per hajdutat e LSDHI se,nqs nukj e ke kuptu deri tani qe kjo aleance ashte e deshtume d.m.th nuk je politikan ose ke ndonji problem te fshehte (ndonji rekomandim ndoshta bashk me premtim )Megjithate te ja lajm kohes.Edhe pa kete aleance PS do tja dalin ne krye.