Mallstrom letër Nishanit: Shqipëria po rrezikon kthimin e vizave

Vendet e “Schengen”-it shqetësohen për numrin e lartë të azilkërkuesve që përfituan nga liberalizimi i vizave, në alarm Brukseli. Shqetësimi vjen për vendet e Ballkanit, përfshi Shqipërinë, ndërsa rrezikohet një kthim i mundshëm i regjimit të vizave. Komisioni i Bashkimit Evropian i ka dërguar një letër nëpërmjet komisioneres Mallstrom të gjithë ministrave të Brendshëm të Shqipërisë, Serbisë, Bosnje-Hercegovinës, Malit të Zi dhe Maqedonisë. “Në rrezik rezultatet e regjimit për liberalizmin e vizave”, shkruan Mallstrom në letrën e saj për ministrin Bujar Nishani dhe të tjerët.

Lajmin e konfirmojnë mediat italiane dhe agjencia e specializuar për çështjet e emigracionit, “Immigrazioneoggi”, por dhe “Stranieri”. Sipas një verifikimi të kryer nga Komisioni i BE-së për çështjen e vizave në të gjithë zonën Shengen, rezulton se kërkesat për azil të emigrantëve janë në rritje që prej dy vitesh dhe në veçanti prej dhjetorit 2010, kur përfitoi Shqipëria dhe Bosnjë Hercegovina. Por problem përbëjnë edhe vende si Serbia, Maqedonia, Mali i Zi. Por siç raportojnë këto agjenci të specializuara për çështjet e emigrimit, situata vështirësohet së tepërmi pas protestave të zhvilluara në Gjermani, Belgjikë, Zvicër, Luksenburg, të cilat kanë shqetësuar BE-në dhe e kanë vënë në lëvizje. Në protesta shprehej shqetësimi për zbarkimin e emigrantëve nga Ballkani që përfitojnë nga liberalizimi i vizave dhe kërkojnë azil apo fillojnë punën. “Komisionerja e BE-së për Punët e Brendshme, Cecilia Malmström, u shpreh zëdhënësja e saj Michele Cercone, është shumë e shqetësuar për numrin e lartë të qytetarëve azilkërkues nga vendet e Ballkanit, në shtete të ndryshme të BE-së.

Nëse këto vende të Ballkanit nuk korrigjojnë këtë situatë dhe nuk veprojnë me dorë të hekurt, shqetësimi i këtyre shteteve të BE-së në këtë front, mund të rrezikojë në muajt e ardhshëm regjimin e liberalizimit të vizave”. Alarmi dhe paralajmërimi vlen për të pesta vendet e Ballkanit që përfituan regjimin dhe letra është nisur nga vetë Malmström, më 20 shtator. “Kjo letër i është dërguar ministrave të brendshëm të Serbisë, Shqipërisë, Bosnjës, Malit të Zi dhe Maqedonisë. Më tej mund të parashikohen masa shtrënguese për qytetarët e këtyre vendeve, deri në një rikthim të regjimit të vizave”, shkruajnë mesazhin e komisioneres mediat e huaja. Madje kjo çështje pritet të diskutohet në forumin e ardhshëm ministerial BE-Ballkan që do të mbahet në Ohër të Maqedonisë më 3-4 tetor të këtij viti.

*AMA NEWS

Tension në Maqedoni për regjistrimin etnik pas thirrjeve të shqiptarëve

13:49 Politika

Nga Rusia me botoks

13:48 Politika

Rrëfimi befasues: “Çdo natë ëndërroj për një recesion”

13:48 Politika

NJOFTIM PER LEXUESIT

10:03 Politika

KQZ vendos të djegë fletët e votimit të 8 majit

12:57 Politika

Meta, METE, dhe skraparllinjtë

12:00 Politika

Ekzaminimi i videos Meta- Prifti do bëhet në ambiente private

11:09 Politika

Berisha orienton se si t’i bëhet opozitë

11:02 Politika

LSI në 7 korrik 2008, akuzë në Kuvend: SALI BERISHA, spiun sigurimi dhe agjent i UDB

10:04 Politika

Kërkesa: Lejoni serbët në Shqipëri të shprehen lirshëm për etninë e fenë

09:58 Politika