Te fundit
98 % e medieve shqiptare kontrollohen nga qeveria
5 Dhjetor 2011, 14:33Blog
TEMA
Nga Idriz Tafa
“Është tejet shokues dhe i papranueshëm për standardet ndërkombëtare të medieve publike, qëndrimi i RTSH, jo vetëm ndaj opozitës, por edhe institucioneve kushtetuese, sikurse ka ndodhur në emisionin e lajmeve të 28 nëntorit 2011. Dhe pse Vlora konsiderohet si kryeqyteti i parë i Shqipërisë së pavarur, RTSH nuk dha lajme për aktivitetet në këtë qytet. Por kulmi i gjithë kësaj paturpësie, është mospasqyrimi i vizitës së Presidentit të Republikës Bamir Topi në qytetin e Vlorës. Atë ditë RTSH dha lajme për festat edhe nga Kamza dhe Kukësi, por jo nga Vlora”. Ky fragment është shkëputur nga një informacion i brendshëm për një ambasadë të rëndësishme në Tiranë, që konkludon se “rreth 98 për qind e mjeteve shqiptare të informacionit masiv kontrollohen nga shumica qeverisëse”. Autori i këtyre radhëve ka mundur të sigurojë një përmbledhje ekzekutive të studimit, ku janë marrë dhe citimet,
Në këtë vlerësim përmendet se “dhe dy televizione, në pamje të parë, më pranë opozitës, “Top-channel” dhe “Vizion Plus”, janë të kapur nga njerëz pranë pushtetit në segmente të emisioneve informative. Të vetmet emisione opozitare janë “Fiks fare” dhe “By-pass show”.” Është arritur deri atje sa që e përditshmja e grupit mediatik “Top-media”, ashtu sikurse është dhe “Top-channel”, ka hequr dorë nga botimi i informacioneve nga “Fiks fare”.
Studimi konfidencial konstaton se manipulimi i lirisë së shprehjes në Shqipëri nga shumica në pushtet, është sinjal negativ për funksionimin e demokracisë.
Po ashtu shprehet dyshimi se disa medie financohen nga biznese serbe dhe greke. Në krye të RTSH-së ndodhet ish-drejtori i përgjithshëm i TV “Klan”, me lidhje me bizneset serbe. Nw krye tw bordit të RTSH-së është një person i diplomuar në Moskë për përkthim letërsie fiksionale dhe i preferuar nga ministria e Jashtme ruse, ashtu si dhe një ish-bashkëstudent i tij, diplomat në ambasadën shqiptare në Moskë dhe tani në Prishtinë. Kur e ftojnë në Rusi në forume politike dhe sociologjike, prezantohet si shkencëtar (në tekstin origjinal është dhënë dhe fjala në rusisht: “uchenyy” për “scholar”) nga Shqipëria, thotë informacioni.
Në medien print si “Panorama” me tirazhin më të lartë ushtrohet censurë në komentet e botimit on-line. Duket e çuditshme, por kjo e përditshme e një pronari të fabrikës së birrës në juglindje të vendit, ndonëse me tirazhin më të lartë, ka klikimet më të pakta, për shkak të censurës. Pronari i “Panorama” ka blerë me porosi të pushtetit grupin mediatik italian “Edisud” kritike e qeverisë. Për hatër të pronarit, që ka si degustator një përfaqësues gjerman së prezencës së OSBE në Tiranë dhe kryeministrin e vendit, Qeveria shqiptare hoqi akcizën për birrën, por jo për kafen që konsumojnë pensionistët e varfër shqiptarë.
13 komente në “98 % e medieve shqiptare kontrollohen nga qeveria”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
DO BEJME DEMOKRACI DE MORE DE-SI LUM O POPULL TIRAN NA KE!
SOOOOOOOOOS TRAZICIONIT ANTISHQIPTARE-ANTINEREZOR!
shume here pyes veten pse i jap kaq rendesi lajmeve nga shqiperia?megjithese jetoj ne athine rreth 20 vjet mendja ime nuk ndahet dot nga shqiperia,megjithese jam zhgenjyer shum here kur vij aty (prej policise qe na ndalon vend e pa vend e na kerkojn leke,prej burokracise se administrates qe nuk te zgjidhin pune po nuk paguajte,prej te ftohtit e baltes se dimrit e tymit te rruges ne behar,zhgenjehem kur shikoj rrekene e ujrave te zeza qe del nga pallatet e me ‘krenarine’ me te madhe vershon neper lagje apo can turmen e pushuesve per tu derdhur ne det e zhgenjehem,zhgenjehem dhe vetem zhgenjehem prej atdheut tim qe aq shum e dua…por zhgenjimi im me i madh dhe njekohesisht urrejtja ime me e madhe eshte per gazetaret…pse?? sepse me gjithe keto zhgenjime dhe difekte te jetes se perditshme ne shqiperi nuk doli nje gazetar qe ta ngreje zerin apo te zgjoje ate pjese te opinionit te shendosh shqiptar qe ka deshiren apo vullnetin per te nderhyre pozitivisht apo per nje nderhyrje simbolike ne jeten e perditshme te kesaj shoqerie te shumevuajtur shqiptare..sepse ju gazetaret versuleni si hienat kur eshte fjala per te mbrojtur interesat e ngushta e te degjeneruara te punedhenesit tuaj,vertet jeni censuruar apo rrahur por jo per problemet e popullit por per interesat tuaja te ngushta..sepse ju te ‘nderuar’ gazetare jeni direkt popull i njihni dhe i ndjeni me prane hallet e popullit por nuk doni tia dini fare per fatin e ketij populli pasi jeni bere nje me kete qeverri OKTAPOD dhe jeni vene 100% ne sherbim te kesaj qeverrie(jo 98%) e jo ne sherbim te pasqyrimit e te monitorimit realist te zhvillimeve politike ekonomike apo shoqerore pa ndikime e emocione politike.i urrej politikanet shqiptar(ashtu sikurse i urreni edhe ju pjesa juaj derrmuese bashkatdhetare),e kam te qarte qe koka e politikes shqiptare(pozit opozite)jane trashegimtaret e regjimit enverist por thjesht ndryshojne ngjyren per tu kamufluar sipas ambientit dhe fatkeqesisht jeni ju gazetaret qe e ndihmoni OKTAPODIN ti fshihet TRANSPARENCES dhe te mos perballet me problemet e sfidat e perditshme.per aq kohe sa ju do te jeni vegla te ketij oktapodi shqiperia e shqipt do te kene vetem zhgenjime,zoti vente dore e ndergjegjesoheni sepse situata eshte teper e rrezikshme,jeni bere leva te nje qeverrie shum te organizuar mafioze,eshte detyra juaj qe me profesionalizem transparence dhe me vendosmeri ti prisni kembet ketij oktapodi te ganxhosur si kancer ne zemren shqiptare
shume e vertete kjo me ra ne sy jo vetem mua por edhe pjestareve te tjere dhe mu duk vertet ofenduese dhe palacollek i drejtuesve te RTSH te mos shfaqnin asnje lajm por jepte lajme vetem nga shkonte saliu TURP I MADH
Sinqerisht me shqeteson se tepermi fakti qe sot ka njerez (pervec shpellarve) qe ndjekin lajmet te TVSH.
Sa per kurjozitet top channell ka ndryshuar dhe nuk ben me opozite ne emisionet e lajmeve as ne talk show. Kjo sepse jane kapur nga qeveria. Ne top show po luhet loja e qeverise dhe po promovohen pushtetare dhe zv ministra sepse motra e Alban Dudushit eshte drejtoreshe ne Departamentin e Administrates publike, E.Dudushi. Ky eshte DEPARTAMENTI aty ku shpallen fituesit e konkurseve QE PUNESOHEN NE INSTITUCIONET,ADMINISTRATEN publike. Dhe Dudushit i duhet te ruaje politiken e qeverise.
Ketej duhet ikur naten duke hedhur nje mal me gure.Nese edhe top chanel kthen me salen, shkofte ne hale.
Lex Rex, Sala ka dore te hekurt: ajo dore qe nuk pritet, puthet.
Opozita genjen veten dhe boten demokratike. Me mire te kthehemi ne kohen e Drejtorise se Shtypit te KQ PPSH,me Mehmet Elezin ne krye.
Vetem atehere mund t’ju bjere zilja te veshi ambasadoreve qe i kane shpelare trute e zorret me Birra ‘Korça”.
Nje pyetje miqe te mi?NUK e BESOJ qe ka akoma njerez qe e shikojne TVSH.Me thoni ne se ka.Ju faleminderit
Dhe Edi Rama shpreson ende se mund te fitoje zgjedhjet me 2013?!
ore po ata jane te gjithe njelloj…akoma shpresoni se mos edi do te sjelle dicka te re? e harruat fiaskon nano-berisha?? letrat thjesht do te perziehen dhe ne fund prap do fitoj njeri nga ‘ATA’…..pushteti ne shqiperi nuk do te bjere kurre ne duart e popullit pasi xhaxhi ramizi i kishte bere hesapet mire dikur,mjere shqiperia e shqiptaret.rrofte revolucioni popullor!!
Ne emigrantet ne USA qe ndjekim Vizion plus i kemi ngjit nje nikname drejtorit te lajmeve ne Vizion Plus
As ma henkshe as ta henksha
As mish as peshk, por pag gagac
Atikulli i z.Adriz Tafa eshte teper i rendesishem>Eshte koha q
Ky shkrim eshte me se i mirepritur nga ne lexuesit ne faqet on-line te shtypit shqiptar.Z.Idriz Tafa jo vetem qe ngren nje problem teper delikat dhe te rendesishem per vendin tone por eshte btrajtuar edhe me transparencen dhe sinqeritetin e duhur.Eshte koha tashme qe vete gazetaret dhe analistet e sinqerte,qe respektojne vehten por edhe lirine e vertete te shtypit,pra te verteten per gjitghshka,te diskutojne hapur ne nje forum te tyre ne shtyp,duke marre pareasysh propozimet e shqetesimet e gazetareve por edhe te lexuesve.Organet e TV-ve jane bere per te qare hallin dhe faqet e tyre ne internet po behennje trergues i qarte se ata jane kapur per fyti nga qeveria dhesponsorizuesit e tyre nga oligarkia financiare e korruptive. Tani nocionit te lirise se shtypit i ka mbetur vetem emri,i lire mbetet tani vetem cmimi i gazetave!!!
Ne shkrim z.Tafa permend me emer sencusren qe zbatohet nga “moderatoret” ( lexo: “censorizuesit”) e gazetes “Panorama” on-line.Nuk isha i sugurte,shpesh here nuk i botonin shkrimet e mia kur kishin kritika dhe mendime te lira per kete apo ate shkrim te botuar ne to nga njerezit e redaksise dhe pseudo-gazetare e analiste sahanlepires te ketij apo atij krahu partiak e politik.Por vetem ne dy dite rresht censuruan tre komente kritike te mijat si dhe verejtjet e mija pasuese lidhur me kete censurim te pajustifikueshem drejtuar redaksise.
Por e frikshme dhe shqetesuese eshte ideja se edhe kanale te tjera te
Televizionit dhe gazeta po perlahen nga oktapodi i korrupsionit dhe i pronareve hujdute te firmave mediatike dhe tregtare. Turp i madh! Po iken pra edhe pushteti i katert, shtypi i lire. Zoti na e ruajte gazeten “Tema” dhe drejtuesin e saj trim e te mprehte!