Arrestohen 6 aktivistë të Vetëvendosjes

Gjashtë aktivistë të Lëvizjes Vetëvendosje janë arrestuar të premten në magjistralen Prishtinë-Besianë.

Sipas zëdhënësit të kësaj lëvizjeje, Erzen Vraniqi, personat e arrestuar janë: Frashër Krasniqi, Blerim Maçastena, Astrit Dehari, Egzon Balaj, Zgjim Hyseni dhe Fidan Vllasaliu.

“Aktivistët u arrestuan sot rreth orës 10 e 30 në magjistralen Prishtinë-Besianë”, tha për “Zërin”, Erzen Vraniqi.

Ndërkaq, Dardan Mulliqaj nga po kjo lëvizje, ka thënë për “Zërin” se arrestimi i këtyre gjashtë aktivistëve është bërë pasi Vetëvendosje kishte organizuar bllokimin e rrugës Prishtinë-Merdare, në shenjë proteste ndaj vizitës së Presidentit serb, Boris Tadiç, ambasadorit rus dhe atij bjellorus, që po i bëjnë Kosovës.

“Pushteti është organizuar në shërbim të tij (presidentit Tadiç) dhe në këtë mënyrë janë arrestuar gjashtë aktivistë të Lëvizjes Vetëvendosje të cilët kanë qenë në një kombi-bus”, ka thënë Mulliqaj, duke shtuar se aktivistët tjerë, të vendosur në pika tjera, nuk janë prekur.

Sipas tij, në këtë organizim po marrin pjesë me dhjetëra aktivistë të kësaj lëvizjeje, pa përcaktuar numrin e saktë të tyre, ndërkaq ka thënë se aktivistët janë të pozicionuar në lokacione të ndryshme dhe, sipas Mulliqajt, pjesa tjetër e aktivistëve do të qëndrojnë në pikat e tyre në pritje të ardhjes së presidentit Tadiq, me ç’rast do të tentojnë të bllokojnë eskortën e tij. /Zëri/

Mali i Zi, 1000 euro gjobë për flamurin shqiptar

11:30 Rajoni

Thaçi shtyn zgjedhjet, synon të bëhet president

11:29 Rajoni

Papadhimos:Pa marrëveshje me Trojkën, në mars falimentojmë

15:50 Rajoni

Profili i një shqiptaro-amerikani të famshëm

13:30 Rajoni

Gjermanët sigurojnë: X u vetëvra

11:52 Rajoni

Presidenti serb Tadiç viziton nesër Kosovën

11:34 Rajoni

Pas kryeministrisë, Papandreu lë dhe drejtimin e PASOK

20:15 Rajoni

Emigrantët e paligjshëm të Greqisë, në duar të rrezikshme

14:32 Rajoni

Berisha, homazhe për vdekjen e Gligorov

14:06 Rajoni

Vetvendosje: Dhuratat e “Nanadimrit”

13:38 Rajoni