Te fundit
Henri zihet me tifozët e Arsenalit
16 Janar 2012, 13:31Sport
TEMA
Kthimi i Tierri Henri te Arsenali dje ka marrë një kthesë aspak të këndshme, pasi futbollisti francez ka patur një përballje me tifozët e tij pas humbjes 3-2 në fushën e Suonsi.
34 vjeçari, në përfundimin e takimit, udhëhoqi shokët e skuadrës drejt tribunës ku gjendeshin tifozët e Arsenalit, të cilët kishin udhëtuar për të parë ndeshjen.
Por një grup i vogël tifozësh filloi të kritikonte ekipin, duke sjellë edhe reagimin e sulmuesit francezi cili shkëmbeu disa fjalë me një prej tyre dhe më pas u largua i zemëruar nga fusha.
Një burim brenda klubit të Arsenalit ritregoi për “The Sun” skenën në fjalë: “Tierri ftoi shokët e skuadrës të shkonin të përshëndetnin fansat që kishin udhëtuar për të parë ekipin në Suonsi. Fatkeqësisht, një apo dy fansa kishin ca gjëra për të thënë dhe shprehën zhgënjimin e tyre”.
“Njëri prej tyre sidomos, po thërriste: “Ku është zemra, karakteri, dëshira për të fituar?”
“Kjo zemëroi Tierri i cili e ftoi atë të mbështeste skuadrën dhe të mos bëhej personazh negativ ”, tregoi burimi pranë klubit të Arsenalit.
Megjithatë, pamjet filmike treguan se si Henri i bëri me shenjë tifozit që të merrte guximin e të zbriste në fushë që të “sqaronin” aty mosmarrëveshjet. /lajme shqip
Lini një Përgjigje
Më të lexuarat
24 oret e fundit
Javen e fundit
Blog Tema
