Aldrin Dalipi: Basha të ndalë gjobat ndaj biznesit

Kreu i këshilltarëve të majtë në Bashkinë e Tiranës, Aldrin Dalipi akuzon Lulzim Bashën se po mashtron qytetarët duke mos mbajtur asnjë premtim dhe duke ndjekur një politikë klienteliste. Në një intervistë për AMA-News, Dalipi thotë se Bashkia e Tiranës në kohën e drejtuar nga Edi Rama ka pasur një infrastrukturë moderne të kompjuterizuar në shërbim të biznesit në Tiranë, dhe inaugurimi i One Stop Shop që bëri Basha nuk është gjë tjetër vetëm një mashtrim. Me tej, Dalipi thotë se Basha në krye të bashkisë po ndjek një politikë klienteliste, duke u kthyer favoret bizneseve që e ndihmuan të vidhte zgjedhjet në Tiranë.

Zoti Basha sot tha se përurohet qendra e licencimit “One Stop Shop” cili është qëndrimi juaj?

Basha përsëri nuk tha të vërtetën, administrata e mëparshme e bashkisë e drejtuar nga zoti Rama ka patur një infrastrukturë moderne të kompjuterizuar në shërbim të biznesit në Tiranë. Projekti që Basha deklaron është i inauguruar kohë më parë nga bashkia dhe nuk ishte thjesht qendër me një ndalesë ose “One stop shop” që ishte përfshirë  por shumë më e zgjeruar se kaq, emërtohej “Qendra e Zhvillimit të Biznesit në Kryeqytet”. Një projekt i jashtëzakonshëm që kishte synim zgjerimin dhe nxitjen e biznesit, informacion për zonat ku interesi për ushtrim të aktivitetit është i favorshëm, etj duke u bërë kështu projekti i parë vendor në Shqipëri i këtij lloji, duke i krijuar biznesit lehtësi dhe mundësi të vërteta për zhvillim.

Por kreu i bashkisë foli se kjo është me interes në veçanti për lejet e ndërtimit?

Ai nuk sheh problemet e qytetarëve ku i ndëshkon në mënyrë të padrejtë me fatura ku taksa e pastrimit u vendoset në mënyrë të paligjshme edhe shtresave më në nevojë dhe ato të varfra. Problemi i tij janë vetëm lejet e ndërtimit dhe në çdo dalje flet vetëm për to. A është ky problemi i madh i Tiranës apo ka një lidhje me ndonjë zyrë shërbimesh apo avokatie shumë pranë godinës së kryetarit të bashkisë që do merret me administrimin e këtij procesi i cili u bllokua nga qeveria e tij politikisht për disa vite? Le t’ia u thotë këtë qytetarëve mos përdor si fasade individë të cilët nga dëshpërimi i falimentimit financiar të biznesit të ndërtimit gjejnë strehë pas krahëve të kryetarit të emëruar të bashkisë.

Por cilat janë sot sipas jush problemet e biznesit në Tiranë?

Kemi ankesa nga biznesi i vogël në veçanti për gjoba dhe ndëshkime selektive që rrjedhimisht janë korruptive. Punonjësit e emëruar së fundi si shpërblim të zgjedhjeve të manipuluara nuk ndalen duke vënë nën presion biznesin. E keni parë vetëm në zonën e bllokut një ambient shërbimi dhe leximi pronë e një gazete të njohur në vend ju sekuestrua gjithë infrastruktura nën presion ndërsa përballë një biznes tjetër vazhdonte i qetë aktivitetin nën mbrojtjen e policisë së Bashës. Kjo ndodh kudo në Tiranë por përmasat janë tashmë shumë shqetësuese, ndërsa kryetari me taksat e të gjithë qytetarëve vazhdon shëtitjet jo zyrtare nëpër kryeqytete jashtë vendit pa u shqetësuar për zërin e qytetarëve. Ai ka axhendën e tij qartësisht politiko-klienteliste dhe nuk ndalet në hipokrizinë e tij ndaj qytetarëve./AMA-NEWS

Berisha: Mustafaj është shkrimtar, s'ka lidhje me realitetin. Për Topin nuk voton as vëllai i tij

20:06 Politika

Berisha: Rama është më keq se Shesheli. Oketa s’duhet t’ia bënte vetes atë që bëri. Hetimet për 21 janarin po shkatërrohen

19:35 Politika

Siva, piramida e re e Berishës

19:06 Politika

Prokuroria: Agim Llupo është vrasësi i Hekuran Dedës

18:24 Politika

Berisha hakmerret ndaj Spahiut, nuk lejon tubimin e Aleancës Kuq e Zi në Lezhë

15:31 Politika

Rama: Berisha na la jashtë Europës, duke na parakaluar edhe Serbia

14:30 Politika

Opozita nuk voton ndryshimet në Kodin Penal. Debate të forta për dënimet e atyre që falsifikojnë statistikat

13:41 Politika

Si do jetë Europa e së ardhmes?

12:12 Politika

Spahiu kërkon interpelancë me Berishën: E ka shitur Shqipërinë tek Greqia dhe Serbia

11:40 Politika

Itali, ekzekutohet me armë 24-vjeçari shqiptar. Një shtetas kosovar arratiset nga burgu

11:33 Politika