Mançini konfirmon: Dua Van Persin!

Trajneri i Mançester Sitit, Roberto Mançini, ka konfirmuar interesimin e tij për kapitenin e Arsenalit, Robin Van Persi, por beson se holandezi do të vazhdojë të qëndrojë te kjo skuadër edhe në sezonin e ardhshëm.

Futbollisti 28 vjeçar ka shënuar 32 gola për klubin londinez këtë sezon, por ka vendosur që të shtyjë gjatë verës bisedimet për rinovimin e kontratës që përfundon në vitin 2013.

“Ne jemi të interesuar për çdo lojtar të mirë. Kjo është normale, por nuk jemi vetëm ne. Të gjitha skuadrat e mira janë të interesuara për Van Persin. Mendoj se aktualisht ai është ndër sulmuesit më të mirë në Evropë bashkë me Mesin, Ronaldon, Agueron e Balotelin. Mendoj se është një sulmues i jashtëzakonshëm, por gjithashtu mendoj se do të qëndrojë te Arsenali”, tregoi Mançini.

Por drejtuesit e Mançester Sitit e kanë kapur fluturimthi sinjalin e trajnerit italian dhe po bëjnë gati një ofertë faraonike për sulmuesin Arsenalit. Sipas “DailyMail”, në mbarimin e sezonit, do t’i bëhet oferta zyrtare lojtarit, duke i vënë atij përpara një kontratë katërvjeçare prej 200 mijë paund në javë.

Ndërkohë, Arsenalit do t’i ofrohen rreth 25 milionë paund për shitjen holandezit, një shumë mëse e konsiderueshme për një futbollist i cili është në prag të përfundimit të kontratës.

“Unë, shqiptari i dy Champions-ve”

18:02 Sport

Rooney: Messi, më i miri në historinë e futbollit

17:46 Sport

Të gjithë të çmendur pas “Manita de Dios”

12:27 Sport

Maria De Vilota, një femër drejt Formula 1

12:26 Sport

Guardiola pas 5 golave të Mesit: Nuk do të shohim më lojtar si Lionel

11:37 Sport

“Nuk dua të luaj për kuqezinjtë, zgjedhja ime është Greqia”

16:32 Sport

Babai i Higuain: Në verë do flasim me Juventusin, nuk përjashtohet transferimi

14:14 Sport

Venger shan gjyqtarët pas ndeshjes me Milanin

12:23 Sport

Galiani: U mbylla në dhomën e zhveshjes 20 minutat e fundit

12:04 Sport

Karlos Tevez rikthehet me gol

11:46 Sport