Te fundit
Vëllai i kryeministrit kërkon 6.000 euro pagë
28 Mars 2012, 10:47Rajoni
TEMA
Bordi Ekzekutiv i Byrosë Kosovare të Sigurimeve, nuk e ka aprovuar dorëheqjen e parevokueshme të drejtorit ekzekutiv të kësaj shoqatë, Gani Thaçi, pasi që kontributi i tij në shoqatë është konsideruar si i domosdoshëm në këtë proces. Gani Thaçi ka kërkuar 6.000 euro pagë, si kusht për të vazhduar punën si drejtor Ekzekutiv i Byrosë Kosovare të Sigurimeve.
Javën që lamë pas Gani Thaçi, cili është vëlla i kryeministrit të Kosovës, i ka paraqitur bordit të shoqatës dorëheqje nga kjo pozitë, por një kërkesë e tillë nuk është aprovuar edhe nga bordi i Shoqatës, shkruan sot “Zëri”.
Gazeta ka provuar që me telefon ta kontaktojë Gani Thaçin, por kontakti me të ka qenë i pamundur. Ndërkaq, në anën tjetër Rrahim Pacolli, kryetar bordi i Byrosë Kosovare të Sigurimeve ka konfi rmuar se bordi i shoqatës që drejton ai nuk e ka aprovuar dorëheqjen e parevokueshme të drejtorit Thaçi. “Është e vërtetë që ai javën që lamë pas ka dhënë dorëheqje nga pozita e drejtorit të Shoqatës, por bordi nuk e ka pranuar kërkesën e tij për dorëheqje, pasi që kontributi i tij në shoqatë është më se i domosdoshëm”, tha ai.
Por, burime të besueshme të gazetës brenda Shoqatës thonë se një nga arsyet pse drejtori Gani Thaçi ka ofruar dorëheqjen ka qenë paga. “Drejtori ka kërkuar që paga e tij të rritet nga 4.000 euro, sa e ka tash, në 6.000 euro. Kjo ka qenë një nga arsyet pse drejtori Thaçi i ka ofruar dorëheqjen bordit të shoqatës”, tha burimi i besueshëm i gazetës brenda Byrosë Kosovare të Sigurimeve.
Një gjë të tillë e mohon Pacolli. Ai thotë se dorëheqja është bërë për arsye personale. “Nuk është e vërtetë që drejtori ka kërkuar t’i rritet paga për 2.000 euro”, ka thënë Pacolli nëpërmjet telefonit.
Gani Thaçi ka më shumë se tre vjet që ka punuar si zëvendësdrejtor i Shoqatës së Sigurimeve të Kosovës. Por, vetëm një javë pasi ishte bërë drejtor ai kishte ofruar dorëheqjen e të cilën nuk ia ka aprovuar bordi i kësaj shoqatë që kryesohet nga Rrahim Pacolli.
3 komente në “Vëllai i kryeministrit kërkon 6.000 euro pagë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I meriton. Pse kushte Gani Thaci qe te paguhet 500 E ne muaj ?
A ju shpelafte muti sa e doni popullin ju
E si mund ta lëshojnë atë nga drejtimi i këtij institucioni?Hajde të gjesh tjetër burrë që të marri përsipër të bëjë drejtorin me pagë 4000 €!
Ju shpëlaftë mortja.Hajdutë parash të popullit.
Anëtarët e familjes Thaçi, Pacolli dhe anëtarët e disa familjeve tjera udhëheqëse në Kosovë fitojnë me veprimtaritë e tyre kriminele në javë, më shumë se sa kryetari i Amerikës në vit.
Shqiptari i Kosovës të quan spion serb nëse flet keq për këta “heronj kosovar” dhe nëse ankohesh se nuk është e drejtë se 99% të banorëve tjerë të Kosovës kanë më pak se një euro në ditë për të shpenzuar.
Kush e di. Ndoshta shqiptarët kënaqen me këtë zullum, sepse janë mësuar të jenë të shtypur nga të tjerët.