UEFA dhe Prokuroria e Përgjithshme në Shqipëri kanë nënshkruar një marrëveshje bashkëpunimi për rastet e manipulimit të ndeshjeve të futbollit. Për këtë qëllim, vendin tonë këto dy ditë e ka vizituar drejtori i Departamentit për Luftën Ndaj Trukimit të Rezultateve në UEFA, Pierr Kornu.

Fillimisht ai ka shfrytëzuar këtë vizitë në vendin tonë për të diskutuar këtë problematikë me drejtuesit e FSHF-së, ndërsa ka bashkëbiseduar edhe me anëtarët e Komisionit të Etikës pranë institucionit të futbollit shqiptar.

Gjatë ditës së sotme ai ka vizituar Prokurorinë e Përgjithshme të Shqipërisë, ku është nënshkruar një marrëveshje bashkëpunimi të përbashkët në rastet e hetimit të ndeshjeve të manipuluara në vendin tonë.

Ndonëse në Shqipëri ka patur vazhdimisht aludime për manipulime ndeshjesh, Prokuroria shqiptare nuk është vënë asnjëherë në lëvizje për të hetuar akuzat që janë hedhur nga palë të ndryshme, përfshirë edhe vetë UEFA-n që ka dërguar herë pas here dosje të detajuara në vendin tonë. Kjo indiferencë ka ardhur edhe pse trukimi i ndeshjeve është i përfshirë si vepër penale në Kodin Penal të Republikës së Shqipërisë, i dënueshëm me gjobë ose deri në 7 vite burg.

Falë kësaj marrëveshje, Prokuroria Shqiptare do të vihet në lëvizje sapo të ketë një sinjalizim nga UEFA e cila ka ndërtuar një sistem botëror gjurmimi dhe vëzhgimi të basteve, duke evidentuar rezultatet e çuditshme apo bastet “jologjike”. Ky sistem vëzhgon edhe fluksin e parave në kompanitë e basteve në të gjithë botën, duke bërë më të lehtë të evidentohen rezultatet e ditura që para ndeshjes.

Gjatë vizitës në Shqipëri, zyrtari i UEFA-s, ka këshilluar FSHF të vihet në lëvizje dhe të marrë masa për dosjet e njëpasnjëshme që u janë dërguar mbi trukimin e mundshëm të rreth 50 ndeshjeve gjatë dy sezoneve të fundit. UEFA ka bërë të ditur se kjo është koha e duhur për të vënë në lëvizje edhe Prokurorinë Shqiptare për të vërtetuar manipulimet. /lajmeshqip

4 komente në “UEFA zbarkon në Tiranë për trukimet”

albani says:

3 Maj, 2012 15:40 te 3:40 pm

ehe, ama e lidhet me prokurorine e pergjithshme ju,

ktu nuk po ven ne burg kush ka vrare e vjedhur jo per ndeshje futbolli

Përgjigjjuni
sorge says:

3 Maj, 2012 15:57 te 3:57 pm

Lejini DENGLAT ju te FIFA-s ,se ne sportet e sotme te gjitha rezultatet komandohen nga FITIMI NE BASTE!!!Ate e dini shume mire,por nuk do jeni te afte ta zhdukni kete semundje kanceroze,ne se nuk zhduken te gjitha bastet ne bote!!!Kete nuk e beni,se KAPITALIZMI NUK ESHTE REND HUMAN,POR MASHTRUES E SHFRYTEZUES!!!

Përgjigjjuni
england says:

3 Maj, 2012 18:33 te 6:33 pm

Nese me te vertete ndodh nje gje e tille!Skenderbeut i hiqet titulli kampion i vitit te shkuar,dhe drejtuesit me ne krye qimekuqin qe tymos puro duhet te bejne te pakten nga 7 vjet burg,pastaj do hetohen dhe dinamo per sezonin qe doli kampion,dhe qe i hapi porten ekipeve,pasi kishte siguruar titullin,do kemi nje lloj calciopoli shqiptar
Por qe ne ate vend drejtesi nuk ka kurre,derisa te jete ne krye te shtetit plakushi Vicidolas…

Përgjigjjuni
Hehe says:

3 Maj, 2012 23:34 te 11:34 pm

keta plehrat e uefas gjejne nje kal te ngordhur dhe duan qe ta bejne shembull se gjasme po luftojne trukimet,kur dihet qe absolutisht gjithe kampionatet jane te trukuara,qe pa fillu kampionati jane bere planet se kush do dali i pari i dyti e me rradhe kush do bje nga kategoria,dhe ne krye te gjitha ketyre ndyresirlleqeve eshte platini zagari,sepse po nuk u bene keto si mund ti gjeje uefa te ardhurat kur dihet qe klubet jane ne borxhe te medha dhe vetem nga trukimet mbahen ne kembe,akoma dhe ne champions behen trukime skandaloze me me skandalozen zagreb-lion 1-7 apo barca -celsi

Përgjigjjuni