Blair: Duhet një KLD e pavarur, nënkryetari duhet të jetë larg ndikimit të qeverisë

Në kulmin e debatit mes qeverisë dhe presidencës për ligjshmërinë e emërimit te një anëtari të KLD, ardhur prej gjyqësorit në postin e zëvendëskryetarit, ndërhyn një zë i njohur i jurisprudencës në Britaninë e Madhe.

Bashkëshortja e ish-kryeministrit Tony Blair, avokatja Cherie Blair shprehet se numri 2 i KLD duhet të jetë larg ndikimit të ekzekutivit, çka e zhvendos balancën e së drejtës në debat, në krah të presidentit. “Administrata gjyqësore nuk duhet përdorur për të ndërhyrë në vendimmarrje të gjyqtareve. Zëvendëskryetari i KLD duhet të jetë i pavarur dhe larg ndikimit të qeverisë. Përzgjedhja e gjyqtarëve nuk duhet të jetë politike, sepse kjo e minon sistemin. Në Shqipëri, pavarësia në emërimet në Gjykatën e Lartë dhe Kushtetuese nuk është ende e garantuar”, ka thëne Blair. Avokatja Blair shtoi se korrupsioni në gjyqësor e rrezikon integrimin e vendit në BE, dhe ajo i referohet sondazhit ku 2/3 e shqiptareve nuk kanë besim të gjykatat. Ndërsa anëtari i Gjykatës së Lartë, Ardian Nuni, gjatë një diskutimi për reformën në gjyqësor tha se nuk duhen miratuar ligje për hir të kompromisit. Gjyqtari shqiptar në Strasburg, Ledio Bianku, duke u ndalur në debatin publik mbi kontrollin e gjykatave, pohoi përmes një anekdote se në të kundërt sistemi do zhytej në abuzim./vizionplus

Berisha takon Blair: Kemi bërë hapa në forcimin e shtetit ligjor

Kryeministri Berisha priti në një takim, zonjën Cherie Blair, e cila po zhvillon një vizitë në Shqipëri, e ftuar në konferencën me temë “Reforma në Gjyqësor si kusht për integrimin e Shqipërisë në BE”.

“Kryeministri Berisha, duke i uruar mirëseardhjen znj. Blair, u shpreh se ajo mirëpritet me dashuri nga  të gjithë shqiptarët, të cilët kujtojnë gjithashtu me mirënjohje angazhimin e fortë të  bashkëshortit të saj, ish kryeministrit britanik Tony Blair, për çështjen e drejtë të Kosovës dhe pavarësinë e saj.

Gjithashtu, Kryeministri Berisha vlerësoi kontributin e saj të njohur në fushën e drejtësisë, si dhe angazhimet përmes fondacionit të saj, në çështje sociale. Kryeministri Berisha e njohu zonjën Blair me reformat themelore që janë ndërmarrë gjatë kësaj periudhe në Shqipëri, duke u ndalur në mënyrë të veçantë në hapat e bërë për reformimin e sistemit të drejtësisë, forcimin e shtetit ligjor, luftën kundër korrupsionit dhe krimit të organizuar, etj.. Në këtë kuadër, Kryeministri theksoi angazhimin e palëkundur të mazhorancës për heqjen sa më parë të imunitetit për zyrtarët e lartë dhe ata të zgjedhur, si dhe gjyqtarët, si një masë themelore, e cila kontribuon në forcimin e shtetit të së drejtës,” thuhet në një njoftim të kryeministrisë.

Kush po e blen gjyqësorin në Shqipëri zonja Blair?

19:52 Politika

Paralajmërimi i gazetës Tema se Berisha do bllokojë reformat bëhet realitet, kriset reforma zgjedhore

19:15 Politika

Shkëlzeni dhe Argita: Sajmir Tahiri po i fshihet drejtësisë

17:50 Politika

Moisiu: Presidenti me konsensus, mundësi për pazar. Të zgjidhet nga populli

15:55 Politika

Kreshnik Spahiu me të përndjekurit: Berisha iu ka mashtruar për 20 vjet me radhë

14:08 Politika

Saimir Tahiri: Mafia mbrohet nga Kryeministri

14:02 Politika

Ditmir Bushati takohet me Jacques Barroth

13:39 Politika

Një ditë pas vizitës së Fyles, rrezikohet reforma zgjedhore. Kërkesa e të vegjëlve injorohet

12:42 Politika

Nuk e lënë të shkojë në varrimin e të atit, i burgosuri tenton vetëvrasjen

11:43 Politika

Alibeaj: Partia e Topit nuk ka kauzë ideologjike, zgjedhjet do tregojnë sa i vlen lëkura

10:54 Politika