Dyshime se vrasja e dyfishtë në Tropojë ka një tjetër autor

Prokuroria e Tropojës ka ngritur një pistë të re hetimi për vrasjen e dy burrave, Eduart Dollapaj dhe Kaçanik Gjuriçin, vrasje këto të marra përsipër pas dorëzimit të polici nga Manjola Dollapajt. Sipas burimeve të besueshme të prokurorisë së këtij rrethi, dyshohet se dy viktimat bashkëshorti dhe personi tjetër për të cilin policia thotë se ishte i dashuri i 31 vjeçares janë vrarë nga një tjetër individ, i cili mund të ketë ardhur në momentin e përleshjes së tyre, kurse gruaja është detyruar të marrë përsipër krimin. Të njëjtat burime thonë se kjo është vetëm një pistë hetimi dhe se në konkluzione të sakta për autorësinë dhe shkakun e vrasjeve do të dilet në fund të procesit hetimor.

Manjola Dollapaj, pasi ka pranuar se është autorja e krimit në mesnatën e të mërkurës, ka tentuar të vrasë veten në qelitë e komisariatit të Tropojës.

Policët e gjetën në gjendje kritike, ndërsa me bishtin e flokëve të gjata kishte bërë një lak rreth qafës. Menjëherë u bë ndërhyrja dhe 31 vjeçarja i ka shpëtuar vetëmbytjes për të vazhduar qëndrimin e saj në paraburgim derisa pas vlerësimit të masës të dërgohet në burgun 313 ne Tirane. Dollapaj ka pranuar në polici dhe prokurori se është autorja e vrasjes së burrit të saj Eduart Dollapaj 34 vjeç dhe të Kaçanik Gjuriçit 27 vjeç, vrasje që sipas saj i ka bërë nga paniku. Sipas versionit të policisë, e cila i referohet dëshmisë së gruas, dy orë pas mesnatës, të enjten 31 vjeçarja ndodhej duke biseduar në dhomën e ngrënies së bashku me 27 vjeçarin Gjuriçi. Atë moment në shtëpi ka mbërritur burri i saj Dollapaj, i cili ishte punonjës në hidrocentralin e Fierzës, por që është kthyer atë orë në banesë, për të marrë një vegël makine, e cila i ishte prishur.

Kur ka parë burrin tjetër në shtëpi, Dollapaj e ka sulmuar me një kaçavidë. Gjuriçi është mbrojtur me një thikë, të cilën e kishte me vete. Kështu ka vazhduar përleshja midis dy burrave, ndërsa gruaja ka marrë armën, të cilën e mbanin në shtëpi, iu është afruar dy burrave dhe i ka qëlluar ata, ndërsa ndodheshin sipër njëri-tjetrit. Përveç plagëve me thikë dhe me kaçavidë tek trupat e viktimave u gjetën plagë me armë zjarri, të cilat ishin bërë njëkohësisht tek të dy burrat për shkak të pozicionit në të cilin ata ndodheshin momentin kur janë qëlluar nga 31 vjeçarja. Megjithë versionin e dhënë dhe pranuar nga gruaja, policia dhe prokuroria po heton në kompleks ngjarjen e dyfishtë ku mbetën të vrarë Eduart Musa Dollapaj, 34 vjeç dhe Kaçanik Imer Gjuriqi, 27 vjeç./ABC News

Kryebashkiaku i Firences takon Ramën dhe komenton skandalin “Bossi”: Italia bëri figurë të shëmtuar

20:23 Politika

Blair: Duhet një KLD e pavarur, nënkryetari duhet të jetë larg ndikimit të qeverisë

20:11 Politika

Kush po e blen gjyqësorin në Shqipëri zonja Blair?

19:52 Politika

Paralajmërimi i gazetës Tema se Berisha do bllokojë reformat bëhet realitet, kriset reforma zgjedhore

19:15 Politika

Shkëlzeni dhe Argita: Sajmir Tahiri po i fshihet drejtësisë

17:50 Politika

Moisiu: Presidenti me konsensus, mundësi për pazar. Të zgjidhet nga populli

15:55 Politika

Kreshnik Spahiu me të përndjekurit: Berisha iu ka mashtruar për 20 vjet me radhë

14:08 Politika

Saimir Tahiri: Mafia mbrohet nga Kryeministri

14:02 Politika

Ditmir Bushati takohet me Jacques Barroth

13:39 Politika

Një ditë pas vizitës së Fyles, rrezikohet reforma zgjedhore. Kërkesa e të vegjëlve injorohet

12:42 Politika