Te fundit
Hitzfeld: Xhaka është si Shvajnshtajger!
20 Maj 2012, 15:40Sport
TEMA
Granit Xhaka ka hedhur të premten firmën e tij në kontratën pesëvjeçare me Borusia Mynshengladbah, duke kaluar në kampionatin gjerman të futbollit. Me transferimin që mendohet se ka kushtuar rreth 8.5 milionë euro, ish-futbollisti i Bazelit është bërë blerja më e shtrenjtë në historinë e Borusia Mynshenglabah.
Kjo shumë është relativisht e lartë për futbollistin 19 vjeçar, por jo sipas trajnerit të kombëtares zvicerane të futbollit, Otmar Hitzfeld, i cili mendon se Mynshengladbah ka bërë lëvizjen e duhur.
“Graniti është jashtëzakonisht i pjekur për moshën dhe ka aftësi të mira teknike. Ai zhvillon një lojë inteligjente, e lexon mirë fushën e lojës dhe gjithmonë përgjigjet saktësisht në situata të ndryshme. Unë shoh shumë ngjashmëri mes tij dhe Bastian Shvajnshtajger, të cilin e aktivizova me profesionistët te Bajern Mynih kur ishte vetëm 18 vjeç”, komentoi trajneri i përfaqësueses zvicerane.
Futbollisti do të ketë mundësinë të shprehë talentin e tij para tifozëve gjermanë që këtë të shtunë, kur do të luajë me kombëtaren e Zvicrës në një miqësore përballë Gjermanisë.
3 komente në “Hitzfeld: Xhaka është si Shvajnshtajger!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Graniti bashk xherdanin jan talentet me te mdhenje sot ne Europ
Nuk m’a mbush syrin ky lojtari GRANIT XHAKA MUA SE DO TE BEHET DIKUSHI. DHE cfare eshte me ironikja jam i qind per qind i bindur dhe pergjithesisht me dalin parashikimet. SHKODRANET kane nje fjale te urte gjeniale ” MENDJA E MADHE E ZEZ’ E T’ZOT ” . TE SHOHIM .
Rrapi i Celos
Kam vene re se te dalin parashikimet…Xhaka vertet eshte nje talent.Te pakten deri tani se eshte vetem 19 vjec dhe kritika e vlereson shume.Mjafton ta shikosh kur ka topin ne kembe koken e mban gjithmone lart dhe sic thote dhe trajneri i tij vertet e lexon mire fushen e lojes.Shaqiri ka me shpirt gare se Xhaka.E per te tjerat Xhaka qendron me lart.Eshte dhe nje tip i qeshur e i hapur.Koha do e tregoje.