Te fundit
Edhe Kahill i jep lamtumirën Euro 2012!
3 Qershor 2012, 19:51Sport
TEMA
Anglia po arrin të thyejë çdo rekord të fatkeqësive para një turneu, pasi u bë e ditur se Geri Kahill është lojtari i katërt i kësaj përfaqësueseje që do të braktisë radhët e kombëtares për shkak të një dëmtimi pak ditë para fillimit të Euro 2012.
Lojtari pësoi një frakturë të dyfishtë në nofull kur u përplas me porterin Xho Hart në pjesën e parë të ndeshjes miqësore Angli-Belgjikë të luajtur mbrëmë, pasi u shty nga futbollisti kundërshtar Mertens.
Por Roi Hodgson ka rihapur polemikat pasi ka vedosur të injorojë përsëri mbrojtësin me eksperiencë të Mançester Junajtid, Rio Ferdinand, ndërsa ka grumbulluar futbollistin e ri të Liverpulit, Martin Kelli. Ky i fundit debutoi në kombëtare vetëm javën e kaluar në ndeshjen kundër Norvegjisë, ndërsa ka luajtur shumë pak në këtë sezon edhe me klubin e tij. Ndërkohë, lojtari i Mançester Junajtid, i cili priste një ftesë nga trajneri i kombëtares, reagoi menjëherë me frazën “Çfarë arsyesh?????!!!!” të publikuar në adresën e tij në Twitter, duke shprehur hapur pakënaqësinë ndaj trajnerit të kombëtares.
Vetëm gjatë javës së fundit, Anglia ka humbur shërbimet e mesfushorëvet Garet Berri dhe Frenk Lampard, ndërsa tani listës i shtohet edhe Geri Kahill, pa harruar këtu dëmtimin që në ditën e dytë të stërvitjeve të portierit Xhon Rudi.
Lajmi i vetëm i mirë për Anglinë është së dëmtimi në kofshë i Xhon Territ nuk rezultoi serioz dhe futbollisti pritet të jetë i gatshëm për ndeshjen kundër Francës, ku përkrah tij do të luajë tashmë Xholeon Leskot.
3 komente në “Edhe Kahill i jep lamtumirën Euro 2012!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky ishte ai qe do vendoste autobuzin para porte :p
Fatkeqsite jane fatkeqsi, por deklarata bombastike para kampionatit bejne vetem euforiket (ose budallenjte)
Me Lampard me Kahill… nuk bo shum diferenc Anglia,ska lojtar Anglia mo,i rroft Rooney edhe sheiket qe bojn merkato per kampionatin…
Ky eshte ai qe do vendoste autobuzin para portes se Anglise ? :p
Gjynof per demtimin, por nuk bohen deklarata bombastike para Kampionateve te tilla.
Si puna e nanos p.sh.