Meta: Me Zaganjorin edhe në raundin e katërt

Një ditë para raundit të tretë për zgjedhjen e presidentit kreu i LSI-së, Ilir Meta, në një intervistë për Top Channel deklaron se kandidatura e gjykatësit Xhezair Zaganjori është një kandidaturë e denjë, pasi sipas tij është votuar dy herë nga Parlamenti. Sipas Metës nuk ka arsye, që edhe në raundin e katërt të mos qëndrojë sërish me këtë kandidaturë, pasi ajo gëzon një konsensus të gjerë. 

Z. Meta, nëse do të flasim me përqindje, sa janë shanset për zgjedhjen e një presidenti me konsensus më raundin e tretë, që përbën edhe shansin e fundit për një zgjidhje konsensuale?

Besoj se duhet vetëm pak sforcim dhe çështja mendoj që është plotësisht e zgjidhshme. Mazhoranca ka bërë përpjekje shumë të mëdha për të shkuar drejt një zgjidhje. Kjo është dhe arsyeja që është konkluduar me një emër që nuk i takon mazhorancës por një emër i pranueshëm, jo vetëm sa i takon cilësive të tij profesionale, integritetit dhe karrierës, por njëkohësisht dhe një personalitet i cili është votuar shumë vite më parë në Parlament me 90 vota, në mos gaboj, për detyrën që mban. Pra, është bërë një investim i madh, pikërisht, për të marrë dhe konsensusin e opozitës.

Folët për sforcim. Sforcim në cilin drejtim?

Mendoj se më i thjeshtë është një sforcim i opozitës në kuptimin e afrimit të saj drejt kësaj kandidature, për të ofruar konsensusin ose një angazhim konkret duke paraqitur alternativa të tjera të krahasueshme.

A do ta paraqesë nesër mazhoranca figurën e z. Zaganjori në votim?

Kjo është një çështje përgjigjen e së cilës do ta merrni deri nesër paradite, besoj.

A do të qëndrojë LSI dhe ju personalisht z. Meta, kandidaturës së z. Zaganjori në raundin e katërt?

Nuk ka asnjë arsye për mos i qëndruar kësaj kandidature sepse edhe në rast se kjo kandidaturë nuk arrin konsensusin politik, që natyrisht është shumë i rëndësishëm, përsëri mendoj që kjo kandidaturë rrezaton një konsensus të gjerë në opinionin publik.

Dhe në qoftë se zgjedhja do të vijë në raundin e katërt vetëm me votat e mazhorancës, a do të quhet rast i humbur mungesa e gjetjes së një konsensusi mes palëve?

Mendoj që konsensusi politik është shumë i rëndësishëm por natyrisht që, në çdo rast, është realizuar një proces pavarësisht nga thellësia e tij. Është realizuar një proces i gjerë dhe në fund të fundit është i rëndësishëm edhe produkti. Dhe unë besoj se produkti është gjithashtu mjaft cilësor.

Nëse do kemi një president të zgjedhur vetëm me votat e mazhorancës sa rrezikohet integrimi i Shqipërisë në Bashkimin Europian?

Nuk mendoj se kjo çështje është vërtet kaq kapitale në kuptimin e emrit apo qoftë dhe të procesit në vetvete. Por, sigurisht që ka një ndikim relativ në gjithë ecurinë e reformave të cilat duhet fryma konsensuale.

Përse mazhoranca këmbëngul në një kandidaturë të cilën ende nuk e ka paraqitur dhe nuk hapet për kandidatë të tjerë për të marrë konsensusin e opozitës, sepse z. Rama është shprehur i gatshëm për këtë mundësi?

Sepse mazhoranca ka bërë një proces përzgjedhjeje, ku ka diskutuar për emra të ndryshëm, dhe në fund fare ka konkluduar në një emër i cili sipas kryetarëve të partive parlamentare të mazhorancës mund të ofronte një konsensus më të gjerë në raport me emra të tjerë. Në këtë drejtim absolutisht që i takon opozitës të jetë interaktive, jo vetëm të ulet në bisedime dhe unë kam kërkuar prej muajsh një takim të nivelit të lartë Berisha- Rama për këtë çështje por edhe për reformat e tjera, dhe sigurisht që mazhoranca ka kaq kohë që mazhoranca pret që dhe opozita të jetë pjesë e këtij procesi jo vetëm me deklarata, por edhe duke bërë propozime konkrete.

Keni qenë një aktor kyç në këtë proces, për hir së të vërtetës. Mendoni se keni bërë gjithçka për të arritur konsensusin apo ende ka hapësira për të afruar PS-në me PD-në, njëkohësisht me LSI-në për një zgjidhje konsensuale?

Ne kemi bërë gjithçka, kemi pasur mundësi, dhe do të mbajmë gjithmonë këtë frymë konstruktive sepse kjo është në interes të vendit. Kjo është dhe në interes të proceseve integruese. Natyrisht që është e rëndësishme që dhe klasa politike në tërësi të veprojë në bazë të logjikës, në bazë të interesit më të gjerë dhe unë mendoj që nuk është arritur pak po të kemi  parasysh se mazhoranca ka bërë një kapërcim të rëndësishëm duke dalë nga vetja apo duke u ngritur mbi interesat e ngushta të saj, dhe duke u përpjekur për të ndërtuar një proces sa më gjithëpërfshirës.

Iku Sanino...

19:41 Politika

Prokuroria: Zyrtarët të mos gjykohen nga gjykatës që emërohen nga politika

19:15 Politika

Arrestimet tronditin LSI në Fier

19:09 Politika

“Pa TVSH dhe KKRT të pavarur nuk ka mjedis ku media të jetë e lirë”

19:08 Politika

Tragjedia e Himarës, një prej studenteve në koma drejt zgjimit

18:07 Politika

Dopingu, Erkand Qerimajt i hiqet titulli Kampion Europe dhe pezullohet 4 vjet

16:32 Politika

Shemsi Prençi fiton betejën në Prokurorinë e Përgjithshme kundër trafikut të kromit

16:27 Politika

Nano u bën thirrje deputetëve të PS: "Bëhuni dalëzotsa, më mbështesni për të garuar". Nesër raundi i tretë

14:51 Politika

Meta: Zaganjori ka gjetur konsensus të përgjithshëm, nuk tërhiqemi nga ai

14:21 Politika

Berisha: Kandidatura e Zaganjorit është konsensuale, ka mbështetje të gjerë politike dhe publike

13:43 Politika