Bufon: Gjermania luan për hakmarrje

Gjermania dhe Italia bëhen gati të luajnë një tjetër kapitull të përballjeve historike mes tyre por Xhixhi Bufon është i mendimit se gjermanët e luajnë këtë sfidë duke menduar si të hakmerren për disfatën në vitin 2006, në gjysmëfinalet e Botërorit.

Atëherë, Groso e Del Piero shuan ëndrrat e tifozerisë gjermane që po ëndërronte finalen në aktivitetin që Gjermania e organizonte vetë. “Ka qenë një kënaqësi e jashtëzakonshme të mundnim Gjermaninë në fushën e saj dhe të shkonim në Berlin e të merrnim Kupën e Botës”, ka kujtuar ai në një intervistë për “Bild”. “Por tani e dimë që duan të hakmerren dhe që janë tmerrësisht të fortë. Do të na nevojitet pak fat”.

Sipas tij, historia nuk do të thotë shumë dhe ideja e superioritetit “tradicional” italian rrezikon të shkërmoqet para goditjeve gjermane në portë.

“Ndeshja e sotme është një klasike mes dy skuadrave të mëdha. Por tradita dhe statistikat janë bërë pikërisht për t’u përmbysur. Kuptohet që personalisht shpresoj që gjërat të mbeten kështu siç janë e që të na ecë mbarë edhe këtë herë”.

“Pika të dobëta? Nuk kanë asnjë! Nëse do më duhej të zgjidhja dy kundërshtarët që vlerësoj më shumë, ata janë Gomez e Klose. Nojer? Nuk e di nëse mund të bëhet numri 1 në botë, por di që është shumë i fortë. Nuk është rastësi që është portieri titullar i Gjermanisë dhe Bajern Mynih”, përfundoi kapiteni i përfaqësueses italiane.

Arritja e Ramos, nga “Marsi” në “Rrjetë”!

12:19 Sport

Gjermania “blen” tifozë për t’i sjellë ters Spanjës

11:05 Sport

Italia beson në të kaluarën, Gjermania në të tashmen

10:57 Sport

Një Spanjë e shëmtuar, por në finale

23:38 Sport

Federata gjermane ‘i nxjerr’ karton të verdhë të dashurës së Kedirës (FOTO)

18:50 Sport

Frikë nga Italia? Tifozi vë 50 mijë euro bast për Gjermaninë

13:06 Sport

Rënia e Anglisë, akuzohet Alex Ferguson

12:43 Sport

Rrëfehet tifozi milioner që uli mbathjet gjatë penalltive me Italinë: Bëj gjithçka që Anglia të fitojë

11:50 Sport

A kishte ndërmend Martin të gjuante me top të dashurën e Kasijas? (FOTO)

10:40 Sport

Pirlo: Gjermania ka frikë nga ne. Tifozët: Andrea, mbyllja gojën Merkelit

17:40 Sport