Veteranët paralajmërojnë “vjeshtë të nxehtë”

Qeveria e Kosovës do të duhej të bëjë matematikën mirë karshi kërkesave të veteranëve të luftës, në të kundërtën oborri i saj gjatë muajit tetor mund të jetë i mbushur me veteranë të ish-Ushtrisë Çlirimtare të Kosovës. Kështu deklarojnë ish-guerilët e “pensionuar” të UÇK-së, të cilët kërkojnë që të ndryshohet Ligji për kategoritë e dala nga lufta e UÇK-së i miratuar në fund të vitit të kaluar.

Madje, kësaj radhe për dallim nga e kaluara, veteranët e UÇK-së do të protestojnë brenda oborrit të Qeverisë dhe paralajmërojnë atë se në rast sulmi ata do të kundërpërgjigjen në të njëjtën mënyrë.

Mirëpo, udhëheqësi i Zyrës së Veteranëve të Luftës së UÇK-së në Kryeministri, Faik Fazliu thotë se përfaqësuesit e veteranëve të luftës nuk do ta kenë mundësinë të protestojnë për faktin që brenda këtij viti qeveria do t’i ketë të gatshme dy ligjet që kanë të bëjnë më këtë kategori.

“Këtë vit pritet që Komisioni për verifikimin e luftëtarëve ta kryejë punën e vet, po ashtu edhe Komisioni tjetër i formuar nga qeveria për amendamentimin e ligjit. Nuk do të ketë ligj tjetër të veçantë por ligji ekzistues do të amendamentohet dhe të dyja komisionet brenda këtij viti do ta përfundojnë punën e tyre”, ka thënë Fazliu.

Ai nuk beson që do t’u lihet hapësirë shoqatave të dala nga lufta që të protestojnë, për faktin se kërkesat e tyre do të realizohen.

Kryetari i Këshillit për Mbrojtjen e të Drejtave të Luftëtarëve të UÇK-së, Xhevdet Qeriqi, ka thënë se pas paralajmërimit të tyre se do të protestojnë kanë marrë kërcënime të rënda që mos të dilet në protestë.

“Edhe përkundër kërcënimeve e shantazheve që po na bëhen, ne nuk do të heqim dorë deri në realizimin e kërkesave tona. Kemi kërcënime nga instanca të larta qeveritare nëpërmjet bashkëluftëtarëve tanë jashtë institucioneve, madje me kërcënime mjaftë të rënda, mirëpo ne jemi kërcënuar edhe nga Serbia, para lufte edhe gjatë lufte, por nuk jemi zmbrapsur aspak. Prandaj as këto kërcënime nuk do të nk do të na frikësojnë”, ka thënë Qeriqi…/ZERI

Mushka në këmbim të nuseve?

10:35 Rajoni

Kosova përgatitet për festime madhështore për fundin e pavarësisë së mbikëqyrur

10:32 Rajoni

Edhe Majko kundër Kuçit për traktatin e paqes me Serbinë

21:05 Rajoni

FOTOJA që frymëzoi Angelina Jolie për filmin mbi luftën në Bosnje

11:57 Rajoni

CNN: Maqedonia me ekonominë më të keqe në botë

11:09 Rajoni

“Nuk i dua ato 15 mijë euro”

11:06 Rajoni

Raporti i Ban Ki-moon kritikon ashpër institucionet kosovare

11:02 Rajoni

Isa Mustafa: Prishtinën e fitojmë edhe me duar në xhepa

17:35 Rajoni

Shqiptarët, të tretët si spiunë në ish-Jugosllavi

12:38 Rajoni

Publiku u beson më së shumti gazetarëve

10:09 Rajoni