Flamurit i del huq hetimi për atentatin ndaj Doktorit

Pas lajmit se një makinë kishte rrezikuar eskortën e Berishës nga Maminasi në Tiranë, duke hyrë mes makinës së Berishës dhe makinës së shoqërimit, Flamuri shpalli gatishmëri nr.1 dhe mobilizoi disa postblloqe nga Dogana e Tiranës deri në Qendër. Tek Dogana e Tiranës, eskorta ndezi dritat sikur do kthehej nga Unaza, por në fakt vazhdoi drejt dhe agresori vazhdoi po drejt pas makinës së Berishës. Tek Zogu i zi, Berisha ndezi sinjalin sikur do ikte nga Unaza dhe vazhdoi drejt, ndërsa agresori vazhdoi nga Unaza. Atëherë Flamuri mori vetë nën kontroll operacionin dhe urdhëroi asgjësimin e makinës nëse nuk ndalte. Pasi makina theu dy postblloqe, arriti të ndalohej tek Stadiumi Dinamo. Policia i arrestoi menjëherë të tre personat në makinë, dy vajza dhe nja djalë.

Flamuri hyri vetë në sallën e komisariatit ku mbaheshin të ndaluarit.
-Kush janë, pyeti sa hyri në korridor.
Polici uli kokën i trembur dhe nuk i foli.

-Pyeti vet shef, se më duket se është komplot i madh, i tha.
Flamurit iu rrit dhe më shumë tensioni. Hyri brenda dhe pa një djalë simpatik dhe dy vajza.
-Si quhesh ti trim, i tha Flamuri.
Djali i tha emrin.
-Ku të punon babai, i tha.
-Ka qenë dikur si ty, tani është në pension, i tha djali.
-Dëgjo këtu ti, i tha Flamuri. Berisha ka përmbysur baballarët tuaj dhe jo ju që nuk u llogarit fare, ju zhduk nga faqe e dheut.
-Po ti vajzë si e ke emrin.
Vajza ia tha emrin… Flamuri ngriti kokën i tronditur. Mbylli dosjen dhe doli në korridor.
-E dija që Ritka ia kishte me hile Doktorit, tha, por deri tek atentati nuk më kishte shkuar mendja. Sillej nëpër korridor dhe nuk dinte ç’të bënte. T’i arrestonte, do bëhej nami. Djali i një ish- ministri të PD-së me vajzën e një ministri të PD-së, kanë dashur të vrasin kryetarin e PD-së. E tmerrshme! Hyri brenda. Djali ishte skuqur në fytyrë dhe dukej se dikush sapo e kishte qëlluar.
-Mirë, kam vetëm disa pyetje, i tha Flamuri. Kur hytë pas eskortës, pse i dolët në krah Doktorit? Deshët ta qëllonit?
-Jo, i tha djali. Ne hymë pa dashje dhe kur e pamë që ishte Doktori, kjo shoqja ime tha mos ki merak, dil në krah se ia bëj unë me dorë dhe ai më njeh, kështu që s’ka problem. Ne ia bënim me dorë, ai ulte kokën poshtë xhamit dhe nuk na shikonte.
-Në rregull, pyetja e dytë. Si arritët tek rreth-rrotullimi i Unazës që të manovronit, duke mos e besuar sinjalin e eskortës që u ndez për tu futur në Unazë të Re?
-Jo, e besuam, tha djali, ndaj vazhduam drejt dhe u çuditëm kur dhe makina vazhdoi drejt. Biles na bëri përshtypje se nuk e shikonim më kokën e Doktorit nga xhami se ishte shtrirë barkas në sedilje.
-Po tek Zogu i Zi pse u kthyet dhe nuk e ndoqët?
-Po menduam meqë shoferi bënte të kundërtën e sinjaleve, ne për t’i ikur eskortës vepruam sipas sinjalit dhe më në fund shpëtuam.
Flamuri turfullonte se po i ikte gjithë skema e atentatit. Pastaj u kthye nga vajza.
-E di babai jot që ti ke qenë në makinë, e pyeti.
-Po ne s’bëmë ndonjë faj, tha vajza e tronditur. Babi im s’ka pse di ç’do bëj unë gjithë ditën se jam vajzë e rritur. As unë nuk e di ç’bën babai gjithë ditën. Unë thjesht doja ta përshëndesja Doktorin se po vinim nga Gjiri i Lalzit, pamë dhe Gitën aty. Ai sa i ngrija unë dorën, shtrihej barkas.
-Po tani çfarë t’i them Doktorit unë se ai pret përgjigje do të dijë kush ia rrezikoi jetën?
-Nga unë dhe ky nuk i vjen e keqja tha vajza, por nga babi dhe mund t’i vijë, se e ka bërë ekonominë që të kap tmerri të fusësh dorën në xhep.

LSI teston përqindjen e punësimit në Lushnjë

21:09 Antena

Kadillari i PD-së, në siklet me Doktorin

18:55 Antena

Doktori kërkon ndihmë nga TV Shijak

22:01 Antena

Doktorit i raportojnë për spiunin e PS

19:53 Antena

Flamuri fut në telashe policinë italiane pas gjuajtjes me vezë

18:59 Antena

Flamuri zbulon kush ka vjedhur pronësinë intelektuale të Kukësit

19:07 Antena

Incidentet e Doktorit dhe Jozit tek hidrocentrali i Ashtës

18:50 Antena

Sandri, në sherr me Fahron për reklamat dhe fondet e qeverisë

21:50 Antena

Sandri, në siklet me Doktorin për reklamat

21:36 Antena

Flamuri thellon hetimet për atentatet e mundshme ndaj qeverisë

18:54 Antena