Te fundit
Terri: Di Mateo meriton më shumë se një “faleminderit”
26 Nëntor 2012, 11:41Sport
TEMA
Kapiteni i Çelsit, Xhon Terri, ki ka thurur elozhe trajnerit Roberto Di Mateo pas shkarkimit të këtij të fundit nga drejtimi i londinezëve të mërkurën e kaluar. Mbrojtësi anglez ka theksuar rëndësinë që ka në historinë e klubit trajneri italian që kaloi vetëm 6 muaj në drejtimin e skuadrës, por që arriti të fitonte Ligën e Kampioneve dhe Kupën FA.
“Ka qenë një javë e vështirë brenda dhe jashtë fushës. Dua të them se ka qenë një privilegj të luaja nën drejtimin e Robi. Kam patuar kënaqësinë si një lojtar i ri i akademisë të rritesha duke parë dhe mësuar prej tij, ndërsa ishte një nder që më vonë të isha kapiteni i skuadrës në periudhën kur ai drejtoi Çelsin”.
“Ishte e pabesueshme që në sezonin e kaluar fituam dy trofe, sidomos Ligën e Kampioneve që e kërkonim prej shumë kohësh. Robi është një person i jashtëzakonshëm dhe një legjendë. Ne i urojmë atij shumë suksese në të ardhmen, pasi vetëm një faleminderit nuk është e mjaftueshme”, deklaroi Terri.
Sinjalet e admirimit ndaj Di Mateos kanë ardhur gjatë të gjithë ndeshjes së djeshme nga tifozët e Çelsit, shumë prej të cilëve mbanin pankarta me nurin 16 që mbante italiani në periudhën kur luante për Çelsin, apo me parulla përshëndetje ndaj tij.
Lini një Përgjigje
Më të lexuarat
24 oret e fundit
Javen e fundit
Blog Tema
