Te fundit
Abramoviç, 10 milion paund në vit për Falkaon
14 Dhjetor 2012, 13:04Sport
TEMA
Roman Abramoviç është gati të bëjë Radamel Falakaon lojtarin më rrogën më të lartë në klubin tij, duke i ofruar kolumbianit një kontratë nga e cila ai do të përfitojë 10 milion paund në vit.
Futbollisti i Atletiko Madrid është kthyer në objektivin numër 1 të miliarderit rus, i cili kërkon nëpërmjet kësaj rroge që ta bindë atë të kthehet në përforcimin e radhës për skuadrën e tij.
Sipas “Daily Mail”, klubi nga Londra perëndimore ka bërë gati që tani kontratën me rrogën që kalon 200 mijë paund në javë, për ta bindur të veshe fanellën e kësaj skuadre. Në këtë ofertë është sqaruar gjithashtu se Falkao do të ishte zgjedhje e parë, siç e tregon fakti se Fernando Torres merr një rrogë prej “vetëm” 175 mijë paund në javë.
Kjo rrogë e lartë që i ofrohet kolumbianit, është caktuar edhe për të mundur konkurrencën e klubeve të tjera të njohura, mes të cilave gjendet edhe Mançester Siti, që ofron rroga të tilla të larta për lojtarët që kërkon të blejë.
Lini një Përgjigje
Më të lexuarat
24 oret e fundit
Javen e fundit
Blog Tema
