"Mama, ia dola mbanë. Jam në Shtëpinë e Bardhë"

Takimi tradicional i kampionëve të NBA me presidentin e SHBA këtë radhë ka qenë më pak formal se zakonisht. Arsyeja është se yjet e Majemit, fituese në fuqi e turneut, si LeBron Xhejms, Duejn Uejd apo Kris Bosh, njohin mirë presidentin Barak Obama, me të cilin kanë zhvilluar edhe një ndeshje miqësore basketbolli dy vite më parë për datëlindjen e tij.

Si rrjedhojë, vizita e kampionëve të NBA më Shtëpinë e Bardhe ka qenë mjaft argëtuese, mes batutave të të dy palëve. Obama, një njohës i mirë dhe tifoz i flaktë i basketbollit, nuk ka ngurruar të thumbojë Xhejms dhe Uejd pikërisht për ndeshjen e famshme kundër tij.

“Disa prej këtyre lojtarëve ishin këtu për një ndeshje në datëlindjen time. Tani, nuk dua të marr meritat e trajnerit, por mendoj se është e qartë për të gjithë se ndeshja kundër meje i përgatiti për t’u përballur me Kevin Durant dhe Rasëll Uestbruk. Ajo ndeshje përmirësoi aftësitë e tyre, i dha dëshirën për të konkurruar që nevojitej dhe mendoj se arsyeja e vërtetë për të cilën erdhën këtu është se deshën që të provonin edhe një herë që të mundnin këtë plakushin këtu”, ishin fjalët e Obamës para kampionëve në NBA.

“Paraqitja e Xhejms ndaj Boston në ndeshjen ku shënoi 45 pikë është një nga paraqitjet më të mëdha në historinë e playoff të NBA, sytë e tij shkëlqenin një dritë të frikshme. Ne pamë edhe Duejn Uejd, zemrën dhe shpirtin e skuadrës, duke bërë atë që nevojitej për të fituar. Edhe në konferencat për shtyp, ai vishet aq mirë sa për të përfunduar në faqet e para të revistave të modës. Majk Miller me zor mund të ecte gjatë finaleve. Majk dukesh më mirë tani, por vitin e kaluar dukeshe si një plak”, ishin batuta e presidentit të SHBA, i cili ka ftuar LeBron Xhejms të bënte një fjalim të shkurtër dhe ky i fundit nuk ka kursyer batutën e rastit duke vazhduar me të njëjtin stil si Obama.

“Në emër të skuadrës dua të të falënderoj për mikpritjen dhe që na lejove të vijmë në Shtëpinë e Bardhë! E kam fjalën, jemi në Shtëpinë e Bardhë! Ne jemi djem nga Çikago, Dallas, Teksas, Miçigan, Ohajo, Dakota e Jugut, Majemi dhe ne tani jemi në Shtëpinë e Bardhë! Mama, ia dola mbanë!”, ishte batuta e yllit të NBA mes të qeshurave në sallë, ndërsa më pas i dorëzoi presidentit Obama topin me autografet e skuadrës si dhe një fanellë me numrin 44./lajmeshqip

E dashura e Kasijas: Brenda Realit ka përçarje

12:10 Sport

Fansi i Junajtid urinon tek makina e Balotelit (FOTO)

11:52 Sport

Ferguson: Sulmi aktual, më i mirë se legjendat e vitit 1999

19:38 Sport

Guardiola, 300 milion euro për të ndërtuar ekipin perfekt

19:37 Sport

Saimir Ujkani përfundon tek Kievo

13:54 Sport

Tifozët protestojnë kundër lojtarëve myslimanë

12:39 Sport

Baloteli bën festën e lamtumirës nga Mançester Siti

12:23 Sport

Ronaldo: Dua një natë të madhe kundër Barçës

12:19 Sport

Vilanova: Nuk do të drejtoja kurrë Real Madrid

15:55 Sport

Murinjo ironizion shkuarjen e Guardiolas te Bajerni

15:23 Sport